കുട്ടികൾക്കുള്ള ഇ.വിയുമായി ഹ്യുണ്ടായ്. കമ്പനി ഇതുവരെ നിർമ്മിച്ചതിൽ വച്ച് ഏറ്റവും ചെറിയ ഇലക്ട്രിക് വാഹനമാണിത്. 'ഇവി കൺസെപ്റ്റ് 45' എന്നാണ് പേരിട്ടിരിക്കുന്നത്. 2019 ൽ അവതരിപ്പിച്ച വൈദ്യുത കാറിെൻറ കൺസപ്റ്റ് രൂപകൽപ്പനയെ അടിസ്ഥാനമാക്കിയാണ് ഹ്യുണ്ടായ് ചെറു ഇ.വി നിർമിച്ചിരിക്കുന്നത്. കളിപ്പാട്ട കാറിെൻറ നിർമാണഘട്ടങ്ങൾ വിവരിക്കുന്ന വീഡിയോയും ഹ്യൂണ്ടായ് പങ്കുവച്ചിട്ടുണ്ട്.
വീഡിയോയിൽ കാണുന്നപോലെ ആകർഷണീയ രൂപമുള്ള വാഹനമാണിത്. രണ്ട് ഡിസി മോട്ടോറുകളാണ് ഇ.വിയിലുള്ളത്. 7 കിലോമീറ്റർ മാത്രമാണ് വേഗം. ഒരു സീറ്റ് മാത്രമേയുള്ളൂ. അത് മധ്യത്തിലായാണ് പിടിപ്പിച്ചിരിക്കുന്നത്. കുട്ടികൾക്ക് യഥാർഥ ഇ.വിയുടെ അനുഭവം നൽകുന്നതിന് ഹ്യൂണ്ടായ് ക്യാമറകളും സെൻസറുകളും വാഹനത്തിെൻറ ഡാഷ്‌ബോർഡിൽ പിടിപ്പിച്ചിട്ടുണ്ട്. ഇമോഷൻ അഡാപ്റ്റീവ് വെഹിക്കിൾ കൺട്രോൾ (ഇ‌എ‌വി‌സി) എന്നറിയപ്പെടുന്ന ഈ സിസ്റ്റം ഡ്രൈവറുടെ മുഖഭാവം പകർത്താനും സംഗീതവും ലൈറ്റിങും ക്രമീകരിക്കാനും സഹായിക്കും.
കൂടാതെ ഡ്രൈവറുടെ ഹൃദയമിടിപ്പും ശ്വസനനിരക്കും അളക്കാൻ ആവശ്യമായ സെൻസറുകളും വാഹനത്തിലുണ്ട്. ഇപ്പോൾ ഇത്തരം കളിപ്പാട്ട ഇവികൾ വിപണിയിൽ ധാരാളമായി ഇറങ്ങുന്നുണ്ട്. ജനപ്രിയ ഹൈപ്പർ കാർ നിർമാതാക്കളായ ബുഗാട്ടി ഈ വർഷം ആദ്യം മിനി ഇ.വി പുറത്തിറക്കിയിരുന്നു. കുട്ടികൾക്കായി ടെസ്‌ല ഇതിനകം തന്നെ മോഡൽ എസിെൻറ ചെറിയ പതിപ്പ് വിൽക്കുന്നുണ്ട്.