ഒാമനത്വം തുളുമ്പുന്ന കാസ്​പർ; മൈക്രോ എസ്​.യു.വിയുടെ കൂടുതൽ ചിത്രങ്ങൾ പങ്കുവച്ച്​ ഹ്യുണ്ടായ്​

വരാനിരിക്കുന്ന ക​ുഞ്ഞൻ എസ്​.യു.വി കാസ്​പറി​െൻറ കൂടുതൽ ചിത്രങ്ങൾ പുറത്തുവിട്ട്​ ഹ്യൂണ്ടായ്​.​ എ.എക്​സ്​ ഒന്ന്​ എന്ന കോഡ്​ നാമത്തിൽ അറിയപ്പെട്ടിരുന്ന മൈക്രോ എസ്​.യു.വിയുടെ പൂർണ രൂപത്തിലുള്ള ചിത്രങ്ങളാണ്​ പുറത്തുവന്നിരിക്കുന്നത്​​. വരും മാസങ്ങളിൽ വാഹനം ഉത്​പ്പാദന ഘട്ടത്തിലേക്ക്​ പ്രവേശിക്കും. ആദ്യം കൊറിയയിലായിരിക്കും വിൽപ്പനയ്‌ക്കെത്തുക. തുടർന്ന് ഇന്ത്യ പോലുള്ള പ്രമുഖ വിപണികളിലും എത്തിക്കും. ഹ്യൂണ്ടായിയുടെ ആഗോള എസ്‌യുവി ലൈനപ്പിൽ വെന്യൂവിന്​ താഴെയായിരിക്കും കാസ്​പറി​െൻറ സ്​ഥാനം. ടാറ്റയുടെ മൈക്രോ എസ്​.യു.വിയായ പഞ്ച്​ ആയിരിക്കും കാസ്​പറി​െൻറ പ്രധാന എതിരാളി.

ബാഹ്യ രൂപകൽപ്പന

പുതിയ ഫോ​േട്ടാകളിൽ നിന്ന്​ കാസ്​പറി​െൻറ പുറംരൂപത്തെപറ്റി വ്യക്​തമായി ചിത്രം ലഭിക്കും​. ഹ്യൂണ്ടായ് കാസ്പറി​െൻറ ഡിസൈൻ ഏറ്റവും നന്നായി വിവരിക്കുന്ന വാക്കാണ് 'ക്യൂട്ട്​' അഥവാ ഒാമനത്വം. വാഹനത്തിന് സവിശേഷമായ ഡിസൈൻ വിശദാംശങ്ങളാണ്​ ഹ്യുണ്ടായ്​ നൽകിയിരിക്കുന്നത്​. മുന്നിൽ സ്പ്ലിറ്റ്-എൽഇഡി ഹെഡ്‌ലാമ്പ് സെറ്റപ്പ് ലഭിക്കും. ബ്രാൻഡ് ലോഗോയ്‌ക്കൊപ്പം ഗ്ലോസ് ബ്ലാക്ക് പാനലിൽ എൽഇഡി ഡിആർഎല്ലുകൾ സ്ഥാപിച്ചിരിക്കുന്നു. അതേസമയം, എൽഇഡി വളയങ്ങളുള്ള വൃത്താകൃതിയിലുള്ള ഹെഡ്‌ലാമ്പുകൾ ബമ്പറിൽ സ്ഥാപിച്ചിരിക്കുന്നു. ഹ്യുണ്ടായ്​ വെന്യുവിനോടാണ്​ മുന്നിൽ നിന്ന്​ നോക്കു​േമ്പാൾ കാസ്​പറിന്​ കൂടുതൽ സാമ്യം തോന്നുക.

വീൽ ആർച്ചുകൾ ചതുരാകൃതിയിലുള്ളതാണ്​. വിൻഡോ ലൈൻ പ്രത്യേകിച്ചും സവിശേഷമാണ്. മുന്നിലും പിന്നിലുമുള്ള വിൻഡോകൾക്ക് വ്യത്യസ്​ത ആകൃതിയാണെന്നത്​ എടുത്തുപറയേണ്ടതാണ്​. എ-പില്ലർ ബ്ലാക്ക് ഒൗട്ട് ചെയ്​തിരിക്കുന്നു. അതേസമയം ബി-പില്ലർ ബോഡി കളറിലാണ്​ പൂർത്തിയാക്കിയിരിക്കുന്നത്​. പിൻ വാതിൽ ഹാൻഡിലുകൾ സി-പില്ലറിൽ നന്നായി സംയോജിപ്പിച്ചിട്ടുണ്ട്​. റൂഫ്​ റെയിലുകളും സ്റ്റൈലിഷ് ഡ്യുവൽ-ടോൺ അലോയ് വീലുകളും വാഹനത്തിന്​ ലഭിക്കും. പിൻഭാഗത്ത്, ടെയിൽ ഗേറ്റിന് ഡ്യുവൽ-ടോൺ ലുക്കാണുള്ളത്​. വൃത്താകൃതിയിലുള്ള ടെയിൽ ലാമ്പുകൾ ഹെഡ്‌ലാമ്പുകളുടെ സ്ഥാനവുമായി പൊരുത്തപ്പെടുന്നരീതിയിൽ ചുവടെയുള്ള ബമ്പറിൽ സ്ഥാപിച്ചിരിക്കുന്നു. പിൻ ബമ്പറിന് കൃത്രിമ സിൽവർ സ്​കിഡ് പ്ലേറ്റും ലഭിക്കും.

എഞ്ചിനും ഗിയർബോക്​സും

1.0 ലിറ്റർ നാച്ചുറലി ആസ്​പിറേറ്റഡ്, ടർബോ-പെട്രോൾ എഞ്ചിൻ കാസ്​പറിൽ ഉറപ്പിച്ചതായാണ്​ സൂചന. 76 എച്ച്പി കരുത്ത്​ എഞ്ചിൻ ഉത്പാദിപ്പിക്കും. നാല്​-സ്പീഡ് ഓട്ടോമാറ്റിക് ട്രാൻസ്​മിഷൻ സ്റ്റാൻഡേർഡാണ്​. 1.0 ലിറ്റർ ടിജിഡിഐ ടർബോ-പെട്രോൾ എഞ്ചിനും സാധ്യതാ പട്ടികയിലുണ്ട്​. 100 എച്ച്പി ഉത്പാദിപ്പിക്കുന്ന യൂനിറ്റാണിത്​. ഇന്ത്യയിൽ വെന്യൂവിലും ഇതേ എഞ്ചിൻ നൽകുന്നുണ്ട്​. ഇതും നാല്​ സ്പീഡ് ഓട്ടോമാറ്റിക് ഗിയർബോക്‌സുമായി ബന്ധിപ്പിക്കും.

ഇന്ത്യയിലെ കാസ്പറിനൊപ്പം ഹ്യുണ്ടായ് നൽകുന്ന എഞ്ചിൻ ഓപ്ഷനുകൾ എന്തൊക്കെയാണെന്ന് കാണേണ്ടതുണ്ട്. 1.0 ലിറ്റർ ടർബോ-പെട്രോൾ യൂനിറ്റ് ഉയർന്ന വേരിയൻറുകൾക്കായി റിസർവ് ചെയ്യാനാണ്​ സാധ്യത. നിയോസി​െൻറ 1.2 ലിറ്റർ ഫോർ സിലിണ്ടർ എഞ്ചിൻ അല്ലെങ്കിൽ സാൻട്രോയുടെ 1.1 ലിറ്റർ മൂന്ന് സിലിണ്ടർ മോട്ടോർ ഒക്കെ ഇന്ത്യയിലെ സാധ്യതാ ലിസ്​റ്റിലുണ്ട്​. 1.2 ലിറ്റർ പെട്രോൾ എഞ്ചിൻ ഘടിപ്പിച്ചിരിക്കുന്ന ടാറ്റ HBX മൈക്രോ എസ്‌യുവിയാണ്​ കാസ്​പറി​െൻറ പ്രധാന എതിരാളി. മാനുവൽ ഗിയർബോക്​സ്​ ഓപ്ഷൻ കാസ്​പറി​െൻറ ഇന്ത്യ നിരയുടെ ഭാഗമാകും.

കമ്പനിയുടെ ഏറ്റവും ചെറിയ എസ്‌യുവിയായിരിക്കും കാസ്​പർ. ഗ്രാൻഡ് ഐ 10 നിയോസിനും സാൻട്രോയിലും വരുന്ന കെ 1 കോംപാക്റ്റ് കാർ പ്ലാറ്റ്ഫോമിനെ അടിസ്ഥാനമാക്കിയായിരിക്കും വാഹനം നിർമിക്കുക. 3,595 മില്ലിമീറ്റർ നീളവും 1,595 മില്ലീമീറ്റർ വീതിയും 1,575 മില്ലീമീറ്റർ ഉയരവുമുണ്ടാകുമെന്നാണ്​ സ്ഥിരീകരിക്കാത്ത റിപ്പോർട്ടുകൾ. അങ്ങിനെയെങ്കിൽ 3,610 മിമി നീളവും 1,645 എംഎം വീതിയും 1,560 എംഎം ഉയരവും ഉള്ള സാൻട്രോ ഹാച്ച്ബാക്കിനേക്കാൾ ചെറുതായിരിക്കും വാഹനം.