Begin typing your search above and press return to search.
proflie-avatar
Login
exit_to_app
exit_to_app
Homechevron_rightHot Wheelschevron_rightOverdrivechevron_rightസവാരിക്കാരൻ മനസിൽ...

സവാരിക്കാരൻ മനസിൽ കാണു​േമ്പാൾ ബൈക്ക്​ മാനത്ത്​ കാണും; മനസ്​ വായിക്കുന്ന ബൈക്കുകളുമായി ഹോണ്ട

text_fields
bookmark_border
സവാരിക്കാരൻ മനസിൽ കാണു​േമ്പാൾ ബൈക്ക്​ മാനത്ത്​ കാണും; മനസ്​ വായിക്കുന്ന ബൈക്കുകളുമായി ഹോണ്ട
cancel

സവാരി ചെയ്യുന്നവരുടെ മനസ്സിലുള്ളത് വായിച്ചതിനുശേഷം പ്രവർത്തിക്കുന്ന ബൈക്കുകളെപറ്റി എപ്പോഴെങ്കിലും സങ്കൽപ്പിച്ചിട്ടുണ്ടോ? ഒരു മോട്ടോർ സൈക്കിൾ ഓടിക്കുമ്പോൾ ജീവിതത്തിൽ ഒരിക്കലെങ്കിലും നമ്മളും ആഗ്രഹിച്ചിട്ടുണ്ടാകും ഇത്​. ബ്രേക്ക്​ ചവിട്ടണം എന്ന്​ റൈഡർ ആഗ്രഹിക്കു​േമ്പാൾ അത്​ നടപ്പാക്കുന്ന വാഹനം എല്ലാവരുടേയും സ്വപ്​നമാണ്​. കഠിനമായ സവാരി സാഹചര്യങ്ങളിൽ ഇത് റൈഡറുടെ ബുദ്ധിമുട്ടുകൾ കുറയ്ക്കുകയും മനോഹരമായ അനുഭവം തരികയും ചെയ്യും.


ഭാവിയിലെ മോട്ടോർസൈക്കിളുകൾക്ക് റൈഡർമാരുടെ ചിന്തകളും ഉദ്ദേശ്യങ്ങളും അറിയാൻ കഴിയുമെന്നാണ്​ സൂചന. മസ്തിഷ്ക തരംഗങ്ങളെ മനസിലാക്കിയാണ്​ ഇത്​ സാധ്യമാവുക. ജാപ്പനീസ്​ ഇരുചക്ര വാഹന നിർമാതാക്കളായ ഹോണ്ടയാണ്​ പുതിയ സംവിധാനം വികസിപ്പിക്കുന്നത്​. യുഎസ് പേറ്റൻറ്​ ആൻഡ് ട്രേഡ്​മാർക്ക് ഓഫീസിൽ ഹോണ്ടയുടെ ലോസ് ഏഞ്ചൽസ് ആസ്ഥാനമായുള്ള ആർ & ഡി ഫെസിലിറ്റി സമർപ്പിച്ച പേറ്റൻറ്​ അപേക്ഷയുടെ ഭാഗമായ ചിത്രങ്ങളാണ്​ പുതിയ സാ​േങ്കതികവിദ്യയെപറ്റിയുള്ള സൂചനകൾ നൽകുന്നത്​.


എന്താണ് പുതിയ സാങ്കേതികവിദ്യ

പുതിയ സാങ്കേതികവിദ്യയുടെ പിന്നിലെ അടിസ്ഥാന ആശയം ഓൺ‌ബോർഡ് സുരക്ഷാ സംവിധാനത്തെ സഹായിക്കുക എന്നതാണ്. സവാരിക്കാരൻ ആഗ്രഹിക്കുന്ന കാര്യങ്ങൾ ബൈക്ക് ചെയ്യുന്നുവെന്ന് ഉറപ്പാക്കുകയാണ്​ ഇതിലൂടെ ലക്ഷ്യമിടുന്നത്​. ഒരാളുടെ ഹെൽമെറ്റിൽ ഘടിപ്പിച്ചിരിക്കുന്ന ഇലക്ട്രോഡുകൾ വഴി മോട്ടോർസൈക്കിളിലേക്ക് കണക്റ്റുചെയ്യാൻ റൈഡറെ​ ഈ സാങ്കേതികവിദ്യ അനുവദിക്കും. ബി‌എം‌ഐ അല്ലെങ്കിൽ 'ബ്രെയിൻ-മെഷീൻ ഇന്റർഫേസ്' എന്നാണ്​ ഹോണ്ട ഇതിനെ വിളിക്കുന്നത്​.

ബ്രെയിൻ വേവ് സിഗ്നലുകൾ ബി‌എം‌ഐ അപഗ്രഥിക്കുകയും ബൈക്കി​െൻറ അനുബന്ധ ഭാഗത്തേക്ക് അയയ്ക്കുകയും ചെയ്യുന്നു. ആക്‌സിലറോമീറ്ററുകൾ, ഐ.എം.യു, ഇലക്ട്രോണിക് ത്രോട്ടിൽ, എ.ബി.എസ്, ട്രാക്ഷൻ കൺട്രോൾ തുടങ്ങി നിരവധി ആധുനിക സജ്ജീകരണങ്ങൾ ഉള്ള ബൈക്കിലാണ്​ ബ്രെയിൻ-മെഷീൻ ഇൻറർഫേസും സജ്ജീകരിച്ചിരിക്കുന്നത്​.

റൈഡറുടെ ഭാഗത്തുനിന്ന് ഇൻപുട്ട് പര്യാപ്തമല്ലെങ്കിലോ ഇലക്ട്രോണിക് ഇടപെടൽ ആവശ്യമാണെങ്കിലോ സ്റ്റിയറിംഗ് ആംഗിൾ അളക്കുന്നതിന്​ ആക്യുവേറ്ററും നൽകിയിട്ടുണ്ട്​. പുതിയ സാ​േങ്കതികവിദ്യവഴി അപകടങ്ങൾ വലിയൊരളവുവരെ കുറക്കാനാകുമെന്നാണ്​ വാഹന സാ​േങ്കതികതാരംഗത്തെ വിദഗ്​ധരുടെ വിലയിരുത്തൽ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Hondanew technologyAccidentBrain Wave Reading
Next Story