Begin typing your search above and press return to search.
proflie-avatar
Login
exit_to_app
exit_to_app
Homechevron_rightHot Wheelschevron_rightOverdrivechevron_rightഇത്​ ചെറിയ കളിയല്ല;...

ഇത്​ ചെറിയ കളിയല്ല; വൈദ്യുത വിപണിയിലെ പരൽമീനുകളെ ഒതുക്കാനുറച്ച്​ ഹീറോ

text_fields
bookmark_border
Hero MotoCorp bets big on electric mobility for future
cancel

ഇന്ത്യൻ വൈദ്യുത വാഹന വിപണിയിൽ ആധിപത്യം ഉറപ്പിക്കാനുള്ള ദൃഡനിശ്​ചയവുമായി ഹീറോ മോ​േട്ടാർ കോപ്​. നിലവിൽ കളത്തിലുള്ള സ്​റ്റാർട്ടപ്പുകളെ പിടിച്ചെടുക്കാനും കൂടുതൽ വൈദ്യുത സ്​കൂട്ടറുകൾ സ്വന്തം നിലക്ക്​ പുറത്തിറക്കാനുമാണ്​ ഹീറോയുടെ നീക്കം. ഇൗഥർ പോലുള്ള മുൻനിര ഇ.വി കമ്പനികളിൽ 35 ശതമാനം ഒാഹരി ഹീറോക്ക്​ ഉണ്ട്​. ഇതോടൊപ്പം സ്വന്തം നിലക്ക്​ കൂടുതൽ ഇ.വി സ്​കൂട്ടറുകൾ പുറത്തിറക്കാനാണ്​ ഹീറോയുടെ തീരുമാനം.


ഹോണ്ടയെ ഒഴിവാക്കി സ്വതന്ത്രമായി പ്രവർത്തിക്കാനാരംഭിച്ചതി​െൻറ പത്താം വാർഷിക നിറവിലാണ്​ ഹീറോ ഇപ്പോൾ. ആനിവേഴ്​സറി ആഘോഷങ്ങളിലെ പ്രധാന പദ്ധതി ഇ.വികളിലുള്ള വൻ നിക്ഷേപമാണ്​. നിലവിൽ രാജ്യത്തെ ഇരുചക്ര വാഹന വിപണിയിലെ നേതാവ്​ ഹീറോയാണ്​. ഇ.വി വിപ്ലവകാലത്തും ഒന്നാം സ്​ഥാനം നിലനിർത്തുമെന്ന ഉറച്ച തീരുമാനത്തിലാണ്​ കമ്പനി. ഹീറോ മോട്ടോകോർപ്പ് ചെയർമാനും സിഇഒയുമായ പവൻ മുൻജൽ ആണ്​ കമ്പനിയുടെ ഭാവി പദ്ധതികൾ വെളിപ്പെടുത്തിയത്​. ഇന്ത്യയിൽ മാത്രമല്ല, ആഗോളതലത്തിൽ 20 രാജ്യങ്ങളിലെ ഇ.വി വിപണിയും ഹീറോ ലക്ഷ്യമിടുന്നുണ്ട്​.


ഫോസിൽ ഇന്ധനങ്ങളെ ആശ്രയിക്കുന്നത് കുറയ്ക്കുകയും ഹൈഡ്രജൻ, കാറ്റ്, സൗരോർജ്ജം തുടങ്ങിയ ബദലുകൾ പരിഗണിക്കാനും കമ്പനി തീരുമാനിച്ചിട്ടുണ്ട്​. നിർമാണ കേന്ദ്രങ്ങളുടെ 10 ശതമാനം ഇ.വികളിൽ ശ്രദ്ധിക്കും. 2030 ഓടെ കാർബൺ-ന്യൂട്രൽ ഡീലർഷിപ്പുകൾക്കൊപ്പം 100 ശതമാനം ഉത്​പന്ന പുനരുൽപ്പാദനവും കമ്പനി ലക്ഷ്യമിടുന്നു.

2025 ഓടെ മൊത്തം വിൽപ്പനയുടെ 15 ശതമാനം ആഗോള വിപണിയിൽ ആയിരിക്കുമെന്നാണ്​ ഹീറോയുടെ വിലയിരുത്തൽ. 2030 ഓടെ ഡിജിറ്റൽ ചാനലുകളിൽ നിന്ന് കുറഞ്ഞത് 30 ശതമാനം വിൽപ്പന കമ്പനി പ്രതീക്ഷിക്കുന്നു. ഇതോടൊപ്പം തങ്ങളുടെ ഏറ്റവും പുതിയ ഇ.വി സ്​കൂട്ടറിനെ ഹീറോ അവതരിപ്പിച്ചിട്ടുണ്ട്​. എടുത്തുമാറ്റാവുന്ന ബാറ്ററിയുള്ള ഇ.വികളിലും ഹീറോ ശ്രദ്ധ കേന്ദ്രീകരിക്കും. ഒപ്പം ചാർജിങ്​ ശൃഘലയും രാജ്യത്തുടനീളം സ്​ഥാപിക്കും. ഇ.വി നിർമാണത്തിൽ ഗോഗോറോ എന്ന കമ്പനിയുമായി സഹകരിക്കാനും ഹീറോ തീരുമാനിച്ചു​.



Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Electric ScooterHero MotoCorpEV scooter
Next Story