ഇ.വികൾ ലാഭകരമോ?, ഇ.വി കാർ ചാർജ്​ ചെയ്യാൻ എത്ര രൂപയാകും​?; മെട്രോകളിലെ താരതമ്യ പഠനം പറയുന്നത്​ ഇതാണ്​

വൈദ്യുത വാഹനവിപണി വമ്പിച്ച മാറ്റങ്ങൾക്ക്​ സാക്ഷ്യം വഹിക്കുന്ന കാലമാണിത്​. ഇന്ധനവിലയിൽ സർക്കാർ കൊള്ള തുടരുന്നതിനാൽ സാഹചര്യം ഒത്തുവന്നാൽ ഇ.വികളിലേക്ക്​ മാറണം എന്ന ചിന്തയിലാണ്​ ഉപഭോക്​താക്കൾ. ഒരു ഇ.വി, അത്​ കാറോ ബൈക്കോ ആയിക്കോ​െട്ട നിലവിലെ സാഹചര്യത്തിൽ എത്രമാത്രം ലാഭകരമാണ്​?. രാജ്യത്തെ പ്രധാന മെട്രോകളിലെ ഇ.വി ചിലവുകൾ താരതമ്യം ചെയ്യുന്ന പഠനം അടുത്തിടെ പുറത്തുവന്നിരുന്നു. ഡൽഹി, മുംബൈ, ബംഗളൂരു എന്നീ നഗരങ്ങളെയാണ്​ താരതമ്യത്തിന്​ വിധേയമാക്കിയത്​. രാജ്യത്ത്​ ഏറ്റവും കൂടുതൽ ഇ.വികൾ രജിസ്​റ്റർ ചെയ്​തിരിക്കുന്ന നഗരങ്ങൾകൂടിയാണിത്​.

മുംബൈ

ബ്രിഹൻ മുംബൈ മുനിസിപ്പൽ കോർപ്പറേഷ​െൻറ (ബിഎംസി) കണക്ക്​ അനുസരിച്ച്, മുംബൈയിൽ ഒരു ഇലക്ട്രിക് വാഹനം (ഇവി) ചാർജ് ചെയ്യുന്നതിനുള്ള ചെലവ് ഒരു യൂനിറ്റിന് 15 രൂപയാണ്​. ഒരു ഇലക്ട്രിക് കാർ പൂർണമായി ചാർജ് ചെയ്യാൻ 20 മുതൽ 30 യൂനിറ്റ് വരെ വൈദ്യുതി വേണം. മുംബൈയിൽ ഇതിന് ഉപയോക്താവിന് 200 മുതൽ 400 രൂപ വരെ ചിലവാകും.

ഇനി ഇ.വി സ്​കൂട്ടറിലേക്കുവന്നാൽ ചിലവ്​ വളരെ കുറയും​. ഓല ഇലക്ട്രിക് സ്​കൂട്ടർ ചാർജ് ചെയ്യാൻ 3 kWh വൈദ്യുതി വേണം. മൂന്ന് യൂനിറ്റ്​ വൈദ്യുതി ഉപയോഗിച്ച്​ വാഹനം പൂർണമായി ചാർജ് ചെയ്യാം. ഒരു പ്രാവശ്യം ചാർജ്​ ചെയ്​താൽ 140 മുതൽ 170 കിലോമീറ്റർ വരെ സഞ്ചരിക്കാം.

ദാദറിലെ കോഹിനൂർ പബ്ലിക് പാർക്കിങ്​ ലോട്ടിൽ (പിപിഎൽ) നഗരത്തിലെ ആദ്യത്തെ പബ്ലിക് ഇവി ചാർജിങ്​ സ്റ്റേഷൻ ബിഎംസി ആരംഭിച്ചിരുന്നു. ഇതുപോലുള്ള 25 ഇവി ചാർജിങ്​ സ്റ്റേഷനുകൾ തുറക്കാനും ബി.എം.സിക്ക്​ പദ്ധതിയുണ്ട്​.

ഡൽഹി

ഡൽഹിയിൽ, ഇ-വാഹനങ്ങളുടെ ലോ ടെൻഷൻ ചാർജിങിന് ഒരു യൂനിറ്റിന് 4.5 രൂപയും ഹൈ ടെൻഷൻ ഇവിക്ക് ഒരു യൂനിറ്റിന് 5 രൂപയും സർക്കാർ നിശ്ചയിച്ചിട്ടുണ്ട്. ചാർജിങ്​ സൗകര്യത്തെ അടിസ്ഥാനമാക്കി ഒരു സേവന നിരക്കും ഉണ്ടായിരിക്കും. ഒരു ഇ.വി കാർ പൂർണമായും ചാർജ് ചെയ്യുന്നതിന്​ ഡൽഹിയിൽ 120 മുതൽ 150 രൂപ വരെ ചിലവുവരും.

രാജ്യത്തെ ഏറ്റവും കുറഞ്ഞ നിരക്കാണ് തങ്ങളുടേതെന്ന് ഡൽഹി സർക്കാർ അവകാശപ്പെടുന്നു. ഹീറോ ഇലക്ട്രിക്, ഓല, ഒകിനാവ, ആമ്പിയർ ബ്രാൻഡുകൾ, ടാറ്റ, മഹീന്ദ്ര തുടങ്ങിയ ഇ-കാറുകൾക്കും ഇ-ഓട്ടോ, ഇ-കാർട്ടുകൾക്കും ചാർജ് ചെയ്യാനുള്ള സൗകര്യം ഡൽഹിയിലുണ്ട്​.

ഡൽഹിയിലും പരിസരത്തുമായി 70 ലധികം ചാർജിങ്​ സ്റ്റേഷനുകളാണുള്ളത്​. വരും മാസങ്ങളിൽ കൂടുതൽ സ്റ്റേഷനുകൾ തുറക്കാനും പദ്ധതിയു​ണ്ടെന്ന്​ ഡൽഹി ഗതാഗത, പരിസ്ഥിതി മന്ത്രി കൈലാഷ് ഗഹ്ലോട്ട് പറഞ്ഞു.

ബംഗളൂരു

കർണാടകയിൽ രജിസ്റ്റർ ചെയ്​ത 27,000 ഇ-വാഹനങ്ങളിൽ 17,000 എണ്ണവും ബംഗളൂരുവിലാണുള്ളത്​. 70 ലൊക്കേഷനുകളിലായി 136 ചാർജിങ്​ സ്​റ്റേഷനുകൾ നഗരത്തിലുണ്ട്​. ബംഗളൂരു ഇലക്​ട്രിസിറ്റി സ​പ്ലൈ കമ്പനി (BESCOM) 140 ചാർജിങ്​ സ്​റ്റേഷനുകൾകൂടി നഗരത്തിൽ സ്​ഥാപിക്കാൻ പദ്ധതിയിടുന്നുണ്ട്​.

ബെസ്‌കോം ഒരു യൂനിറ്റിന് 7.28 മുതൽ 8.90 രൂപ വരെയാണ്​ പണം ഈടാക്കുന്നത്​. ഇത് ഡൽഹിയേക്കാൾ ഉയർന്നതാണെങ്കിലും മുംബൈയുടെ താരിഫിനേക്കാൾ കുറവാണ്. ബംഗളൂരുവിലെ റോഡുകളിൽ ഒരു ഇ.വി കാർ പൂർണമായും ചാർജ്​ ചെയ്യാൻ 240 രൂപയാകും. ഓരോ 5 കിലോമീറ്ററിലും ഒരു ചാർജിങ്​ സ്റ്റേഷൻ സ്ഥാപിക്കാൻ കർണാടക സർക്കാർ ലക്ഷ്യമിടുന്നുണ്ട്​.

ഇ.വികൾക്ക് രണ്ട് തരം ചാർജിങ്​ ഒാപ്​ഷനുകളാണുള്ളത്​. ഒന്ന് 60 മുതൽ 110 മിനിറ്റിൽ വാഹനം ചാർജ് ചെയ്യുന്ന ഡയറക്​ട്​ കറണ്ട്​ (ഡിസി) ഫാസ്​റ്റ്​ ചാർജിങ്ങാണ്​. മറ്റൊന്ന് 6 മുതൽ 7 മണിക്കൂർ വരെ എടുക്കുന്ന സ്ലോ ചാർജറുമാണ്. സ്ലോ ചാർജറിനെ ആൾട്ടർനേറ്റ് ചാർജ് (എസി) എന്നും വിളിക്കുന്നു. മുകളിൽ പറഞ്ഞത്​ എ.സി ചാർജിങ്ങി​െൻറ നിരക്കുകളാണ്​. ഫാസ്​റ്റ്​ ചാർജിങ്ങിന്​ കൂടുതൽ പണം ഇൗടാക്കാൻ സാധ്യതയുണ്ട്​.