Begin typing your search above and press return to search.
exit_to_app
exit_to_app
Homechevron_rightHot Wheelschevron_rightOverdrivechevron_rightപണവും സ്വർണവുമൊക്കെ...

പണവും സ്വർണവുമൊക്കെ വിട്ട്​ പെട്രോളും മോഷണം ചെയ്​ത്​ തുടങ്ങി കള്ളന്മാർ; ടാങ്കറിൽ നിന്ന്​ എണ്ണ ഉൗറ്റി എടുത്തെന്ന്​ പൊലീസ്​

text_fields
bookmark_border
Forget gold and money, thieves steal 30,000 litres of fuel worth lakhs
cancel

മോഷണം എന്ന്​ പറയു​േമ്പാൾ ആദ്യം നമ്മുക്ക്​ ഒാർമവരുന്നത്​ പണവും സ്വർണവും കവരുന്ന സംഭവങ്ങളാണ്​. ഇതല്ലാതെ രത്​നവും വെള്ളിയുമെല്ലാം മോഷ്​ടാക്കളുടെ ഇഷ്​ട കവർച്ച വസ്​തുക്കളാണ്​. ഇതിൽനിന്നെല്ലാം​ ഭിന്നമായി പെട്രോളും ഡീസലുമൊക്കെ മോഷ്​ടിച്ചുതുടങ്ങിയിരിക്കുന്നു കള്ളന്മാർ. സംഭവം എന്തായാലും ഇന്ത്യയിലല്ല, അങ്ങ്​ ബ്രിട്ടനിലാണെന്നുമാത്രം. 43,000 ലിറ്റർ ഇന്ധനവുമായി പുറപ്പെട്ട ടാങ്കർ ലക്ഷ്യസ്​ഥാനത്ത്​ എത്തിയപ്പോൾ മിച്ചമുണ്ടായിരുന്നത്​ വെറും 13,000 ലിറ്ററാണെന്ന്​ ബ്രിട്ടീഷ്​ മാധ്യമങ്ങൾ റിപ്പോർട്ട് ചെയ്യുന്നു.


ടാങ്കറിന് മുകളിൽ കയറിയ മോഷ്​ടാക്കൾ പൈപ്പ് ഉപയോഗിച്ച്​ മ​െറ്റരു വാഹനത്തിലേക്ക്​ പെട്രോൾ മാറ്റുകയായിരുന്നു. സംഭവത്തി​െൻറ സിസിടിവി ദൃശ്യങ്ങൾ പൊലീസിന്​ ലഭിച്ചിട്ടുണ്ട്​. ടാങ്കറിൽ ഉണ്ടായിരുന്നതിനേക്കാൾ ഇന്ധനം കുറവാണെന്ന് മീറ്റർ പരിശോധിച്ചപ്പോഴാണ് മനസിലായതെന്ന് പോർട്ട്​സൗത്ത് ട്രക്ക്സ്റ്റോപ്പ് ഉടമ ബിബിസിയോട് പറഞ്ഞു. ഇതൊരു പ്രൊഫഷണൽ മോഷണമാണെന്നാണ്​ പൊലീസ്​ നിഗമനം. ഏകദേശം 45,000 പൗണ്ടി​െൻറ( 45 ലക്ഷം രൂപ) ഇന്ധനം നഷ്​ടമായിട്ടുണ്ട്​.

ബ്രിട്ടനിലെ ഇന്ധനക്ഷാമം

വാഹനങ്ങൾക്കുള്ള ഇന്ധനം ലഭ്യമല്ലാത്തതിനാൽ പല ഇന്ധന സ്റ്റേഷനുകളും താൽക്കാലികമായി അടച്ചുപൂട്ടുന്ന സ്​ഥിതിയാണ്​ ബ്രിട്ടനിലേത്​. രാജ്യത്ത്​ ദിവസങ്ങളായി പെട്രോൾ, ഡീസൽ ക്ഷാമം രൂക്ഷമാണ്​. ബ്രിട്ടനിലെ പെട്രോളി​േൻറയും ഡീസലി​േൻറയും വിതരണ ശൃംഖല പൂർണമായും തകർന്നിരിക്കുകയാണെന്ന്​ മാധ്യമങ്ങൾ റിപ്പോർട്ട്​ ചെയ്യുന്നു​. പമ്പുകളിൽ ഇന്ധനം എത്തിക്കുന്ന ട്രക്​ ഡ്രൈവർമാരുടെ കുറവാണ്​ ഇതിനുകാരണം.


ഇന്ധന സ്റ്റേഷനുകളിൽ പെട്രോളും ഡീസലും എത്തിക്കാൻ നിലവിൽ യുകെയിൽ ഒരു ലക്ഷം ഡ്രൈവർമാരുടെ കുറവുണ്ട്. ബ്രിട്ടനിലെ ഇന്ധന വിതരണം കൂടുതലും ചെയ്​തിരുന്നത് മറ്റ് രാജ്യങ്ങളിൽ നിന്നുള്ള ആളുകളാണ്. ബ്രെക്​സിറ്റിനുശേഷം ബ്രിട്ടനിൽ ജോലി ചെയ്യുന്ന ആയിരക്കണക്കിന്​ ട്രക്ക് ഡ്രൈവർമാരും യൂറോപ്പിലെ മറ്റ് രാജ്യങ്ങളിലേക്ക് മാറുകയോ അല്ലെങ്കിൽ അവരുടെ സ്വന്തം രാജ്യങ്ങളിലേക്ക് മടങ്ങുകയോ ചെയ്​തു. കോവിഡ് വന്നതോടെ ക്ഷാമം രൂക്ഷമായി. അവസാനം ടാങ്കർ ഒാടിക്കുന്നതിന്​ പട്ടാളത്തിനെ രംഗത്തിറക്കേണ്ട ഗതികേടിലെത്തിയിരുന്നു ഇവർ. ആവശ്യത്തിന് എണ്ണയും അത് എത്തിക്കുന്ന ട്രക്കുകളും ഉണ്ടെങ്കിലും ഓടിക്കാൻ ഡ്രൈവമാർ ഇല്ല എന്ന വിചിത്ര പ്രതിസന്ധിയിലാണ്​ ഇൗ രാജ്യം.


Show Full Article
TAGS:fuel thieves steal 
News Summary - Forget gold and money, thieves steal 30,000 litres of fuel worth lakhs
Next Story