യന്ത്രഭാഗങ്ങൾക്ക്​ ആജീവനാന്ത വാറൻറി; കൊതിപ്പിക്കുന്ന ഒാഫറുമായി വാഹന കമ്പനി

ലോകത്ത്​ എവിടെയെങ്കിലും എന്തിനെങ്കിലും ആജീവനാന്ത വാറൻറി കിട്ടുമോ? അങ്ങിനെ കിട്ടുമെങ്കിൽ അത്​ നൽകുന്നവരുടെ ആത്മവിശ്വാസം എന്തായിരിക്കും. ഇത്തരമൊരു ആത്മവിശ്വാസ പ്രഖ്യാപനം നടത്തിയിരിക്കുന്നത്​ സാക്ഷാൽ വോൾവോയാണ്​. ഒറിജിനൽ സ്​​െപയർ പാർട്​സിന്​ ആജീവനാന്ത വാറന്റി നൽകുന്ന ഇന്ത്യയിലെ ആദ്യത്തെ കാർ നിർമ്മാതാവായി വോൾവോ മാറി.

എന്താണ്​ പുതിയ സ്​കീം

നിർമാണ തകരാറിന്റെ ഫലമായി അറ്റകുറ്റപ്പണികൾ അല്ലെങ്കിൽ പാർട്​സ്​ മാറ്റിസ്ഥാപിക്കൽ ആവശ്യമാണെങ്കിൽ, അംഗീകൃത സർവ്വീസ്​ സെൻററിൽ സൗജന്യമായി ചെയ്യാമെന്നാണ്​ സ്വീഡിഷ്​ കമ്പനിയുടെ വാഗ്​ദാനം. യന്ത്രഭാഗങ്ങള്‍ വാങ്ങി വാഹനത്തില്‍ ഘടിപ്പിക്കുന്ന സമയം മുതലാണ് സ്‍കീമിന്റെ ആനുകൂല്യം ഉടമകള്‍ക്ക് ലഭിക്കുക. വാഹനത്തിന്റെ ഉടമസ്ഥാവകാശം കൈമാറുന്നത് വരെ ഇത് തുടരുകയും ചെയ്യും.

ഇക്കാലയളവില്‍ നിർമ്മാണ തകരാറിന്റെയോ മെറ്റീരിയൽ ക്വാളിറ്റിയുടെയോ കാരണത്താല്‍ അറ്റകുറ്റപ്പണിയോ മാറ്റിസ്ഥാപിക്കലോ ആവശ്യമുണ്ടെങ്കിൽ ആ യന്ത്രഭാഗങ്ങള്‍ വോള്‍വോയുടെ അംഗീകൃത സര്‍വ്വീസ് സെന്റര്‍ വഴി സൗജന്യമായി ചെയ്​തുതരും. ഇതിന്​ ലേബര്‍ ചാര്‍ജ്ജും നല്‍കേണ്ടതില്ല. അതേസമയം പാര്‍ട്‍സുകള്‍, ആക്‌സസറികൾ തുടങ്ങിയവയുടെ പതിവ് തേയ്​മാനം പുതിയ സ്​കീമി​െൻറ പരിധിയിൽ വരില്ല.അതുപോലെ വാറൻറിപ്രകാരം മാറ്റിവച്ച പാർട്​സുകൾക്കും ഒാഫർ ബാധകമാകില്ല

നിലവിൽ വിൽക്കുന്ന വോൾവോ കാറുകൾക്കും എസ് 90, എക്​സ്​.സി 60 പെട്രോൾ മൈൽഡ്-ഹൈബ്രിഡ് കാറുകൾക്കും വരാനിരിക്കുന്ന മോഡലുകൾക്കും പുതിയ സ്​കീം ബാധകമാകും.ഇന്ത്യയിൽ ആദ്യമായാണ് ആഡംബര വാഹന ഉപഭോക്താക്കൾക്കായി ഇത്തരമൊരു സംരംഭം ഒരു നിർമാതാവ്​ നൽകുന്നതെന്ന് വോൾവോ കാർ ഇന്ത്യ മാനേജിംഗ് ഡയറക്​ടർ ജ്യോതി മൽഹോത്ര പറഞ്ഞു.