ഇനിമുതൽ കാറുകൾ ഒാടിക്കാൻ ഫെയ്​സ്​, ഫിങ്കർപ്രിൻറ് ​െഎഡികൾ മതി; പുതിയ സാ​േങ്കതികവിദ്യയുമായി നിർമാതാക്കൾ

കാറുകളിൽ ഉപയോഗിക്കാവുന്നതരത്തിലുള്ള ഫെയ്​സ്​, ഫിങ്കർപ്രിൻറ് ​െഎഡികൾ വികസിപ്പിച്ച്​ ഹ്യൂണ്ടായുടെ ആഡംബര വാഹന വിഭാഗമായ​ ജെനസിസ്​. സ്​മാർട്ട്ഫോണുകൾക്ക്​ സമാനമായ ഫീച്ചറുകളാണ്​ ജെനസിസ്​ വാഹനങ്ങൾ ഭാവിയിൽ ലഭ്യമാവുക. വാഹന ഉടമകളുടെ മുഖം തിരിച്ചറിഞ്ഞ്​ കാർ അൺലോക്​ ചെയ്യാനും സ്​മാർട്ട് കീ ഉപയോഗിക്കാതെ വാതിലുകൾ പ്രവർത്തിപ്പിക്കാനും ജെനസിസ് ഫേസ് കണക്​ട്​ സാങ്കേതികവിദ്യയ്ക്ക് കഴിയും.

സ്​മാർട്ട്‌ഫോണുകളിലെ ഫേസ് ഐഡി സാങ്കേതികവിദ്യയോട് സാമ്യമുള്ള പുതിയ സാങ്കേതികവിദ്യ സ്​മാർട്ട് കാറുകൾക്കായി വികസിപ്പിച്ചതായി ജെനസിസ് ഒൗദ്യോഗികമായി പ്രഖ്യാപിച്ചിട്ടുണ്ട്​. മികച്ച ഡ്രൈവിങ്​ അനുഭവത്തിനായി തങ്ങളുടെ വാഹനങ്ങൾ വ്യക്തിഗതമാക്കാൻ പുതിയ സാങ്കേതികവിദ്യ ഉപഭോക്താക്കളെ സഹായിക്കുമെന്ന് ജെനിസിസ് പറയുന്നു. ഫെയ്​സ്​ കണക്റ്റ് സാങ്കേതികവിദ്യ ഉപയോഗിച്ച്​ ഡ്രൈവറെ തിരിച്ചറിയുന്ന വാഹനം അവരുടെ പ്രൊഫൈൽ സമന്വയിപ്പിക്കുകയും ഡ്രൈവറുടെ സീറ്റും സ്റ്റിയറിങ്​ വീലും യാന്ത്രികമായി ക്രമീകരിക്കുകയും ഹെഡ്-അപ്പ്-ഡിസ്പ്ലേ, സൈഡ് മിററുകൾ, ഇൻഫോടൈൻമെൻറ്​ എന്നിവ ക്രമീകരിക്കുകയും ചെയ്യും. ഇൻഫ്രാ-റെഡ് കാമറ ഈ സാങ്കേതികവിദ്യയുടെ സവിശേഷതയാണ്. പുതിയ സാ​േങ്കതികവിദ്യയിൽ ഡ്രൈവർമാർ കീകൾ ഒപ്പം കൊണ്ടുപോകേണ്ടതില്ലെന്ന് ജെനസിസ്​ പറയുന്നു. കാറിൽ ആരെങ്കിലും കീ ഉപേക്ഷിച്ചാലും ഫെയ്​സ്​ ഐഡി സാങ്കേതികവിദ്യ ഉപയോഗിച്ച് വാഹനം ലോക്​ ചെയ്യാം.

ഫെയ്​സ്​ കണക്​ട്​ സിസ്റ്റത്തിന് ഓരോ വാഹനത്തിനും രണ്ട് ​െഎഡികൾ വരെ സൂക്ഷിക്കാനാകും. രജിസ്റ്റർ ചെയ്​ത മുഖങ്ങൾ എൻക്രിപ്റ്റ് ചെയ്​ത്​ സിസ്​റ്റം സൂക്ഷിക്കുന്നു. ഡ്രൈവറുടെ സൗകര്യാർഥം എപ്പോൾ വേണമെങ്കിലും അവ ഇല്ലാതാക്കാനും വോയ്‌സ് അസിസ്റ്റ്​ ഉപയോഗിച്ച് പുതിയ പ്രൊഫൈലുകൾ രജിസ്റ്റർ ചെയ്യാനും കഴിയും.

ഫേസ് ഐഡി സാങ്കേതികവിദ്യ പര്യാപ്​തമല്ലെങ്കിൽ, ജെനസിസിന് മറ്റൊരു സ്​മാർട്ട്ഫോൺ സാങ്കേതികവിദ്യയും ഉണ്ട്. വിരലടയാളമാണ്​ ഇതിന്​ ഉപയോഗിക്കുക.സ്മാർട്ട് ഫോണോ സ്മാർട്ട് കീയോ ഇല്ലാതെ ബയോമെട്രിക് വിവരങ്ങളുടെ അടിസ്ഥാനത്തിൽ വാഹനത്തിന്റെ പൂർണ്ണ നിയന്ത്രണം നേടാൻ ഡ്രൈവർമാരെ ഇത് സഹായിക്കും. പുതിയ സാങ്കേതികവിദ്യകൾ വരാനിരിക്കുന്ന മോഡലായ ജിവി 60 ൽ അവതരിപ്പിക്കാൻ പദ്ധതിയുണ്ടെന്നും ജെനസിസ് പറഞ്ഞു. പിന്നീട്,മറ്റ് മോഡലുകൾക്കും ഈ ആപ്ലിക്കേഷനുകൾ ലഭിക്കും.