Begin typing your search above and press return to search.
exit_to_app
exit_to_app
Homechevron_rightHot Wheelschevron_rightOverdrivechevron_rightനിരന്തരം ട്രാഫിക്​...

നിരന്തരം ട്രാഫിക്​ നിയമങ്ങൾ ലംഘിക്കുന്നവരാണോ...? പേര്​ പരസ്യപ്പെടുത്തി നാണംകെടുത്താൻ വാഹന വകുപ്പ്​

text_fields
bookmark_border
നിരന്തരം ട്രാഫിക്​ നിയമങ്ങൾ ലംഘിക്കുന്നവരാണോ...? പേര്​ പരസ്യപ്പെടുത്തി നാണംകെടുത്താൻ വാഹന വകുപ്പ്​
cancel

മദ്യപിച്ച്​ വാഹനമോടിക്കലും അതിവേഗതയും മത്സരയോട്ടവും അപകടകരമായ ഡ്രൈവിങ്ങും ഹെൽമെറ്റ്​ ധരിക്കാതിരിക്കലുമടക്കം നിരന്തരം ട്രാഫിക്​ നിയമലംഘനങ്ങൾ നടത്തുന്നവർക്ക്​ മുട്ടൻ പണിയുമായി ഗതാഗത വകുപ്പ്​. പരിഷ്‌കരിച്ച കേന്ദ്ര മോട്ടോർ വാഹന നിയമങ്ങൾ അനുസരിച്ച്, സംസ്ഥാന ഗതാഗത വകുപ്പുകൾ ഇനിമുതൽ അവരുടെ വെബ്​ പോർട്ടലുകളിൽ ആവർത്തിച്ചുള്ള ട്രാഫിക് നിയമലംഘനങ്ങൾ നടത്തുന്ന വ്യക്തികളുടെ ഒരു പട്ടിക പ്രസിദ്ധീകരിക്കും.

ടൈംസ്​ ഓഫ്​ ഇന്ത്യയാണ്​ റിപ്പോർട്ട്​ പുറത്തുവിട്ടിരിക്കുന്നത്​. സ്വന്തം ജീവനും മറ്റുള്ളവരുടെ ജീവനും അപകടം സൃഷ്​ടിക്കുന്നത്​ തടയാനും ഉത്തരവാദിത്തമുള്ള ഡ്രൈവിങ്​ പ്രോത്സാഹിപ്പിക്കുന്നതിനുമാണ്​ പേര്​ പരസ്യപ്പെടുത്തി നാണക്കേടിലാക്കുന്ന നടപടി വകുപ്പ്​ കൈകൊള്ളുന്നത്​. ഒരു മാസത്തിനകം കുറ്റവാളി അപ്പീലിനായി പോകുന്നില്ലെങ്കിലോ അപ്പീൽ അതോറിറ്റി അവരുടെ അപ്പീൽ നിരസിച്ചാലോ പേരുകൾ പരസ്യപ്പെടുത്തും.

ഗതാഗത വകുപ്പുകൾ അവരുടെ പോർട്ടലിൽ "ആക്ടിന്‍റെ സെക്ഷൻ 19 ലെ ഉപവിഭാഗം (1 എ) പ്രകാരം ഡ്രൈവിങ്​ ലൈസൻസ് അസാധുവാക്കൽ" എന്ന പേരിൽ ഒരു പ്രത്യേക വിഭാഗം സൃഷ്ടിക്കും, അത് പൊതുജനങ്ങൾക്ക്​ ലഭ്യമാക്കാനായി അച്ചടിക്കാവുന്നതും പങ്കിടാവുന്നതുമായ പി.ഡി.എഫ് രൂപത്തിൽ ആയിരിക്കും നൽകുക.

നിയമത്തിലെ പുതിയ മാറ്റങ്ങൾ ഓൺ‌ലൈനിലായതിനാൽ ആളുകൾക്ക് ഗതാഗത സംബന്ധിയായ സേവനങ്ങൾ എളുപ്പം ലഭ്യമാക്കുന്നതിന് സൗകര്യപ്രദമാകും. അപേക്ഷ സമർപ്പിക്കുന്നതും ലൈസൻസ് നൽകുന്നതും മുതൽ മെഡിക്കൽ സർട്ടിഫിക്കറ്റ് സമർപ്പിക്കുന്നതും സറണ്ടർ ചെയ്യുന്നതും ഡ്രൈവിങ്​ ലൈസൻസ് പുതുക്കുന്നതുമടക്കമുള്ള സേവനങ്ങളാണ്​ ലഭിക്കുക.

Show Full Article
TAGS:Traffic Rules name and shame 
News Summary - Breaking Traffic Rules Multiple Times Can Now Get Your Name Public on Government Web portal
Next Story