കോനകൾക്ക്​ കരുത്തുപകരാൻ​ 'പൂ പവർ'; മനുഷ്യ വിസർജ്യം വൈദ്യുതിയാക്കി ​ഒാസീസ്​ കമ്പനി

പലതരം വൈദ്യുതികളെപറ്റി നമ്മളെല്ലാം കേട്ടിട്ടുണ്ട്​. ജലവൈദ്യുതി, തെർമൽ എനർജി, ന്യൂക്ലിയാർ ഇലക്​ട്രിസിറ്റി എന്നിങ്ങനെ പലതരം വകഭേദങ്ങൾ നമ്മുക്കറിയുകയും ചെയ്യാം. എന്നാൽ 'പൂ എനർജി' എന്ന്​ നാം അധികം കേട്ടിട്ടുണ്ടാകില്ല. മനുഷ്യ വിസർജ്യത്തിൽ നിന്ന്​ ഉത്​പ്പാദിപ്പിക്കുന്ന വൈദ്യുതിയെയാണ്​ പൂ എനർജി എന്ന്​ വിളിക്കുന്നത്​. അർബൻ യൂട്ടിലിറ്റീസ്​ എന്ന ഒാസ്​ട്രേലിയൻ കമ്പനി വൈദ്യുത വാഹനങ്ങളിൽ ഉപയോഗിക്കുന്നത്​ ഇത്തരം ഉൗർജമാണ്​. ഹ്യുണ്ടായ്​ കോന ഇ.വിയാണ്​ ഇവർ പൂ എനർജി ഉപയോഗിച്ച്​ പ്രവർത്തിപ്പിക്കുന്ന പ്രധാന വാഹനം.

ഒാസ്​ട്രേലിയയിലെ ബ്രിസ്​ബേൻ നഗരം കേന്ദ്രീകരിച്ച്​ പ്രവർത്തിക്കുന്ന കമ്പനിയാണ്​ അർബൻ യൂട്ടിലിറ്റീസ്​. ബ്രിസ്​ബേനിലെ മുന്നര ലക്ഷം ആളുകളുടെ വിസർജ്യമാണ്​ ഇവർ ബയോഗ്യാസായും വൈദ്യുതിയായും മാറ്റുന്നത്​. കോന എസ്​.യു.വിക്ക്​ അര കിലോമീറ്റർ സഞ്ചരിക്കാനുള്ള വൈദ്യുതി ഒരു ദിവസം ഒരു ബ്രിസ്​ബേൻ നിവാസി സംഭാവന ചെയ്യുന്നുണ്ടെന്നാണ്​ അർബൻ യൂട്ടിലിറ്റീസ്​ പറയുന്നത്​. 2017 ലാണ്​ കമ്പനി തങ്ങളുടെ ആദ്യത്തെ പൂ-പവർ കാർ വികസിപ്പിച്ചെടുത്തത്​. പിന്നീട്​ കോനകളേയും ഇതിൽ ഉൾപ്പെടുത്തുകയായിരുന്നു. ഒരു കോന ഇ.വി ഒരു പ്രവാവശ്യം മുഴുവനായി ചാർജ്​ ചെയ്യാൻ 150,000 ലിറ്റർ മലിനജലത്തിൽ നിന്നുള്ള വൈദ്യുതി ആവശ്യമാണ്​.

പൂ എനർജി ഉപയോഗിക്കുന്നതിനാൽ എസ്‌യുവിക്ക് പ്രതിവർഷം 1,700 ഡോളർ വിലവരുന്ന പെട്രോൾ ലാഭിക്കാൻ കഴിയും. 240 വോൾട്ട് പവർപ്ലഗ്​ ഉപയോഗിച്ചാണ്​ എസ്‌യുവി ചാർജ് ചെയ്യുന്നത്​. ഒരൊറ്റ ചാർജിൽ 450 കിലോമീറ്റർ റേഞ്ച്​ ഉള്ള വാഹനമാണ്​ കോന. മനുഷ്യ വിസർജ്യത്തെ ഉൗർജമാക്കി മാറ്റുന്നത് കാരണം പ്രവർത്തനച്ചെലവി​െൻറ അടിസ്ഥാനത്തിൽ പ്രതിവർഷം 1.7 ദശലക്ഷം ഡോളർ ലാഭിക്കുന്നുവെന്ന് കമ്പനി അവകാശപ്പെടുന്നു.

ഈ സാമ്പത്തിക വർഷത്തിൽ 4,000 വീടുകൾക്ക് ആവശ്യമായ ഉൗർജത്തിന്​ സമാനമായ വൈദ്യുതി ഉൽ‌പാദിപ്പിച്ചുവെന്നും കമ്പനി പറയുന്നു.'ബ്രിസ്‌ബെയ്‌നി​െൻറ തെക്കുപടിഞ്ഞാറൻ ഭാഗത്തുള്ള 330,000-ത്തിലധികം ആളുകൾ ഓരോ തവണ ഫ്ലഷ് ചെയ്യുമ്പോഴും കമ്പനിയുടെ പൂ-പവർ കാറുകൾക്ക് അരകിലോമീറ്റർ സഞ്ചരിക്കാനുള്ള ഇന്ധനം സൃഷ്ടിക്കാൻ കഴിയും'-കമ്പനി വക്താവ് അന്ന ഹാർട്ട്ലി പറഞ്ഞു.