Begin typing your search above and press return to search.
exit_to_app
exit_to_app
T Natarajan shardul thakur
cancel
Homechevron_rightHot Wheelschevron_rightOverdrivechevron_rightവാക്കുപാലിച്ച്​...

വാക്കുപാലിച്ച്​ ആനന്ദ്​ മഹീന്ദ്ര; താക്കൂറിന്‍റെയും നടരാജന്‍റെയും യാത്രകൾ ഇനി ഥാറിൽ

text_fields
bookmark_border

ഇന്ത്യൻ ക്രിക്കറ്റ്​ ടീമിലെ മുൻനിര ബൗളർമാരായ ഷർദുൽ താക്കൂറിനും നടരാജനും മഹീന്ദ്ര ഥാർ സമ്മാനിച്ച്​ ആനന്ദ്​ മഹീന്ദ്ര. കഴിഞ്ഞദിവസം വാഹനം ഏറ്റുവാങ്ങിയതിന്‍റെ ചിത്രങ്ങൾ ഇരുവരും സമൂഹ മാധ്യമങ്ങളിൽ പങ്കുവെച്ചു.

ഈ വർഷം ആദ്യം നടന്ന ആസ്‌ട്രേലിയ-ഇന്ത്യ ടെസ്റ്റ് പരമ്പരയിൽ അവിശ്വസനീയ പ്രകടനം കാഴ്ചവെച്ചതിനാണ്​ ആറ്​ താരങ്ങൾക്ക്​ ഓഫ്​റോഡർ സമ്മാനിക്കാൻ മഹീന്ദ്ര ആൻഡ് മഹീന്ദ്ര ചെയർമാൻ ആനന്ദ് മഹീന്ദ്ര തീരുമാനിച്ചത്​. നടരാജൻ, താക്കൂർ എന്നിവരെ കൂടാതെ മുഹമ്മദ് സിറാജ്, വാഷിംഗ്ടൺ സുന്ദർ, ശുഭ്​ൻ ഗിൽ, നവദീപ് സൈനി എന്നിവർക്കും ഥാർ സമ്മാനിക്കും. 1988ന് ശേഷം ആസ്ട്രേലിയയിൽ ആദ്യമായാണ്​ ഇന്ത്യ ടെസ്റ്റ് പരമ്പര നേടുന്നത്​. 2-1നാണ്​ പരമ്പര കൈപിടിയിലൊതുക്കിയത്​.




ചുവപ്പ് നിറത്തിലുള്ള വാഹനമാണ്​ നടരാജന്​ ലഭിച്ചത്​. 'ഇന്ത്യക്കായി ക്രിക്കറ്റ് കളിക്കുന്നത് ജീവിതത്തിലെ ഏറ്റവും വലിയ അനുഗ്രഹമാണ്​. എന്‍റെ ഉയർച്ചകൾ അസാധാരണമായ വഴികളിലൂടെയായിരുന്നു. അതിനിടയിൽ എനിക്ക് ലഭിച്ച സ്നേഹവും മമതയും എന്നെ അതിശയിപ്പിച്ചു. മഹത്​ വ്യക്​തികളിൽനിന്നുള്ള പിന്തുണയും പ്രോത്സാഹനവുമെല്ലാം എന്നെ അസാധ്യമായത് എത്തിപ്പിടിക്കാനും അതിനുള്ള വഴികൾ കണ്ടെത്താനും സഹായിക്കുന്നു. മനോഹരമായ മഹീന്ദ്ര ഥാർ ഇന്ന്​ ഞാൻ വീട്ടിലേക്ക്​ ഒാടിച്ചപോകു​േമ്പാൾ, എന്‍റെ വഴികൾ തിരിച്ചറിഞ്ഞതിനും അഭിനന്ദനത്തിനും ആനന്ദ്​ മഹീന്ദ്രയോട് അതിയായ നന്ദിയുണ്ട്' -നടരാജൻ വാഹനത്തിന്‍റെ ചിത്രം പങ്കുവെച്ച്​ ട്വീറ്റ്​ ചെയ്​തു.

ഗ്രേ നിറത്തിലുള്ള ഥാറാണ്​ ഷർദുൽ താക്കൂറിന്​ ലഭിച്ചത്​. 'പുതിയ മഹീന്ദ്ര ഥാർ എത്തി !! തികച്ചും വന്യമായ വാഹനമാണ്​ മഹീന്ദ്ര റൈസ്​ നിർമിച്ചിരിക്കുന്നത്​. ഈ എസ്​.യു.വി ഓടിക്കുന്നതിൽ ഞാൻ അതിയായി സന്തോഷിക്കുന്നു. ആസ്‌ട്രേലിയൻ പര്യടനത്തിലെ ഞങ്ങളുടെ സംഭാവനകളെ അംഗീകരിച്ചതിന് വീണ്ടും നന്ദി' -താക്കൂർ ട്വിറ്ററിൽ കുറിച്ചു.





Show Full Article
TAGS:T Natarajan shardul thakur mahindra thar anand mahindra 
News Summary - Anand Mahindra obeys; The journeys of Thakur and Natarajan are now in Thar
Next Story