Begin typing your search above and press return to search.
proflie-avatar
Login
exit_to_app
exit_to_app
Homechevron_rightHot Wheelschevron_rightടാറ്റയുടെ വിങ്ങർ,...

ടാറ്റയുടെ വിങ്ങർ, ഡി.സിയുടെ ഡിസൈൻ...കയ്യടിച്ചുപോകുന്ന കലാവിരുത്​

text_fields
bookmark_border
ടാറ്റയുടെ വിങ്ങർ, ഡി.സിയുടെ ഡിസൈൻ...കയ്യടിച്ചുപോകുന്ന കലാവിരുത്​
cancel

ന്ത്യയിലെ വാഹന ഡിസൈൻ ചക്രവർത്തിയാണ്​ ദിലീപ്​ ഛാബ്രിയ. ഡി.സി എന്ന ചുരുക്കപ്പേരിൽ അറിയപ്പെടുന്ന രൂപകൽപ്പന വിഭാഗവും ഇദ്ദേഹത്തിനുണ്ട്​. വാഹനങ്ങൾ മോഡിഫൈ ചെയ്യുകയാണ്​ സാധാരണയായി ഡി.സി ചെയ്യുന്നത്​.

ഡി.സി അവന്തി എന്ന ​പേരിൽ ഒരു സ്​പോർട്​സ്​ കാർ നിർമിച്ചിട്ടുമുണ്ട്​ ഇവർ. ടാറ്റയുടെ വിങ്ങൾ വാൻ പരിഷ്​കരിച്ച്​ ഡി.സി അടുത്തിടെ പുറത്തിറക്കിയിരുന്നു. അതി​െൻറ ചിത്രങ്ങളാണ്​ ഇപ്പോൾ സമൂഹമാധ്യമങ്ങളിൽ വൈറലായിരിക്കുന്നത്​. സാധാരണ രീതിയിൽ എസ്​.യു.വികളേയും എം.പി.വികളേയുമൊക്കെയാണ്​ ഡി.സി മോഡിഫൈ ചെയ്യുന്നത്​.


എന്നാലിപ്പോൾ അവർ കൈവച്ചിരിക്കുന്നത്​ വാനുകളുടെ വിഭാഗത്തിൽപെടുത്താവുന്ന ടാറ്റ വിങ്ങറിനെയാണ്​. അകത്തും പുറത്തും മാറ്റങ്ങളോടെയാണ്​ വിങ്ങൾ വരുന്നത്​. കറുപ്പ്​ നിറമാണ്​ വാഹനത്തിന്​. ഹെഡ്​ലൈറ്റുകൾ ഉൾപ്പടെ മാറ്റിയിട്ടുണ്ട്​. സാധാരണയിൽ നിന്ന്​ ഉയരംകൂട്ടിയാണ്​ ഡി.സി വിങ്ങറിനെ അവതരിപ്പിച്ചിരിക്കുന്നത്​.

അകത്താണ്​ യഥാർഥ വിസ്​മയം നമ്മെ കാത്തിരിക്കുന്നത്​. ഫൈവ്​ സ്​റ്റാർ ഹോട്ടൽ മുറികളെ അനുസ്​മരിപ്പിക്കുന്ന ഉൾവശത്ത്​ ടി.വിയും ഫ്രിഡ്​ജും സോഫയും ഉഗ്രൻ ലൈറ്റിങ്ങും കബോർഡുകളുമുണ്ട്​. ചരിക്കാനും നിവർത്താനുമെല്ലാം കഴിയുന്ന ഇലക്​ട്രിക്​ റിക്ലൈനറുകൾ സുഖപ്രദമായ യാത്ര ഉറപ്പുനൽകും.


പുറം കാഴ്​ചകൾ മറച്ചുകൊണ്ട്​ ഇലക്​ട്രിക്​ കർട്ടനുകളുണ്ട്​. 2020 ഒാ​േട്ടാ എക്​സ്​പോയിൽ അവതരിപ്പിച്ച വിങ്ങറി​െൻറ ഏറ്റവും പുതിയ ബി.എസ്​ സിക്​സ്​ മോഡലാണ്​ ഡി.സി ഉപയോഗിച്ചിരിക്കുന്നതെന്നാണ്​ സൂചന. രണ്ട്​ ലിറ്റർ ഡീസൽ എഞ്ചിൻ ഉള്ള വാഹനം 89എച്ച.പി കരുത്തും 190 എൻ.എം ടോർക്കും ഉൽപ്പാദിപ്പിക്കും.




Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:tataautomobileDCdileep chhabriawingermodified
Next Story