ഡ്രൈവിങ്​ ലൈസൻസിലെ തെറ്റുകൾ തിരുത്തണോ? എളുപ്പവഴി ഇതാണ്​

ഡ്രൈവിങ്​ ലൈസൻസിലെ തെറ്റ്​ തിരുത്താനുള്ള എളുപ്പവഴിയുമായി മോ​േട്ടാർ വെഹിക്കിൾ ഡിപ്പാർട്ട്​മെൻറ്​. പേരിലെ അക്ഷരതെറ്റുകൾ, അച്ഛ​േൻറയോ / ഭർത്താവി​േൻറയോ പേരിലെ തെറ്റുകൾ, ജനന തീയ്യതി, മേൽവിലാസ എന്നിവയിലെ പിശകുകൾ എന്നിവയെല്ലാം ഇങ്ങിനെ തിരുത്താവുന്നതാണ്​. https://sarathi.parivahan.gov.in എന്ന വെബ് വിലാസത്തിൽ പ്രവേശിച്ചാണ്​ തിരുത്തൽ വരുത്തേണ്ടത്​. ആദ്യം DL Services (Replace of DL/Others) എന്ന മെനുവിൽ കയറുക. പുതിയ ഫോർമാറ്റിൽ ലൈസൻസ് നമ്പർ ടൈപ്പ് ചെയ്​തുകൊടുക്കുക. (ഉദാ: KL13 2006000XXXX).ജനന തീയ്യതി രേഖപ്പെടുത്തി "cofirm" ബട്ടൺ അമർത്തുക. സ്ക്രീനിൽ കാണുന്നത് സ്വന്തം ലൈസൻസ് ഡീറ്റയിൽസ് ആണെങ്കിൽ "yes" എന്ന് സെലക്ട് ചെയ്യുക. നമ്മുടെ കയ്യിലുള്ള ലൈസൻസിലെ "State" ഉം "RTO" ഉം സെലക്ട് ചെയ്ത് "Proceed" അമർത്തുക.

മൊബൈൽ നമ്പർ, ഇ മെയിൽ, ലിംഗം, യോഗ്യത എന്നിവ രേഖപ്പെടുത്തുക. അതിന് ശേഷം സ്ഥിര മേൽവാസവും ഇപ്പോഴത്തെ മേൽവിലാസവും രേഖപ്പെടുത്തണം. നമ്മുടെ കയ്യിലുള്ള ഡ്രൈവിങ്​ ലൈസൻസിലെ സ്ഥിര /താൽക്കാലിക മേൽവിലാസങ്ങളിലെ താലൂക്ക്, വില്ലേജ് , പിൻകോഡ് തുടങ്ങിയ വിവരങ്ങളാണ് രേഖപ്പെടുത്തേണ്ടത്. അല്ലാതെ നിലവിലുള്ളവയല്ല എന്ന് പ്രത്യേകം ശ്രദ്ധിക്കണം. അതിന് ശേഷം "confirm" അമർത്തുക. തുടർന്ന്​ ചോദിക്കുന്ന വിവരങ്ങൾക്ക്​ ടിക്​ ഇടുക. ഒരു സർവ്വീസിന് 505 രൂപയാണ് ഫീസ്​. പിന്നീടുള്ള സർവീസുകൾക്ക് 260 രൂപ അടക്കണം.

കൂടാതെ ആവശ്യമായ രേഖകൾ സ്കാൻ ചെയ്​ത്​ അപ്​ലോഡ്​ ചെയ്യണം. പാസ്പോർട്ട്, ജനന സർട്ടിഫിക്കറ്റ്, സ്കൂൾ സർട്ടിഫിക്കറ്റ്, ആധാർ കാർഡ് തുടങ്ങിയവയാണ്​ ആവശ്യമുള്ള രേഖകൾ. പേരിലെയോ ജനന തീയ്യതിയിലേയോ തെറ്റുകൾ തിരുത്തുന്നതിന് ചില കേസുകളിൽ ഓഫീസിൽ നേരിട്ട് ഹാജരാകേണ്ടി വന്നേക്കാം. അതിനുള്ള സ്ലോട്ടും ഓൺലൈൻ ആയി ബുക്ക് ചെയ്യാവുന്നതാണ്​.