Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightയമഹ എഫ്​.ഇസഡ്​ എക്​സ്​ ...

യമഹ എഫ്​.ഇസഡ്​ എക്​സ്​ ഇൗ മാസം 18ന്​ എത്തുമെന്ന്​ സൂചന; സ്​ക്രാംബ്ലർ സ്​റ്റൈൽ ബൈക്കി​െൻറ ചിത്രങ്ങളും പുറത്ത്​

text_fields
bookmark_border
Yamaha FZ-X India launch likely on June 18
cancel

വാഹനപ്രേമികൾ ഏറെ പ്രതീക്ഷയോടെ കാത്തിരുന്ന യമഹ എഫ്​.ഇസഡ്​ എക്​സ് ഇൗ മാസം 18 ന് പുറത്തിറക്കുമെന്ന്​ സൂചന. 149 സിസി എഫ്​.ഇസഡ് ശ്രേണിയിലായിരിക്കും ബൈക്ക്​ നിരത്തിലെത്തുക. ബൈക്കി​െൻറ ചിത്രങ്ങളും സമൂഹമാധ്യമങ്ങളിൽ പ്രചരിക്കുന്നുണ്ട്​. ചിത്രമനുസരിച്ച്​ നിയോ റെട്രോ സ്‌ക്രാംബ്ലർ സ്​റ്റൈൽ വാഹനമാണിത്​. ജൂൺ 18ന്​ ഒരു വാഹന പുറത്തിറക്കൽ ചടങ്ങ്​ നടത്തുമെന്നും യമഹ അധികൃതർ ഉറപ്പിച്ചിട്ടുണ്ട്​.


പുതിയ എഫ്​.ഇസഡ്​ എക്​സ് പുറത്തിറക്കുന്നതിനുള്ള സജ്ജീകരണങ്ങളാണ്​ നടക്കുന്നതെന്നാണ്​ നിലവിലെ വിലയിരുത്തൽ. ചോർന്ന ചില രേഖകൾ സ്ഥിരീകരിച്ചതുപോലെ, ബൈക്കിന്​ 149 സിസി സിംഗിൾ സിലിണ്ടർ എഞ്ചിനായിരിക്കും. 7,250 ആർപിഎമ്മിൽ 12.4 എച്ച്പി പവർ ഒൗട്ട്പുട്ട് ആണ്​ എഞ്ചിനുള്ളത്​. 13.3എൻ.എം ടോർക്കും പ്രതീക്ഷിക്കുന്നുണ്ട്​. 1,330 മില്ലിമീറ്ററാണ്​ വീൽബേസ്​. ഇത്​ എഫ്​.ഇസഡ്​ മോഡലുകളുടെ വീൽബേസുകൾക്ക്​ സമാനമാണ്​. മുന്നിൽ ടെലിസ്‌കോപ്പിക് ഫോർക്ക് പിന്നിൽ മോണോഷോക്ക് സസ്​പെൻഷനും നൽകിയിട്ടുണ്ട്​. 17 ഇഞ്ച് അലോയ് വീലുകളുടെ സാന്നിധ്യം ബൈക്കി​െൻറ സമീപകാല സ്പൈ ഷോട്ടുകളും സ്ഥിരീകരിക്കുന്നു.


എഫ്​.ഇസഡ്​ എക്​സി​െൻറ രൂപകൽപ്പനയിലാണ്​ പ്രധാന വ്യത്യാസങ്ങൾ വരിക. ക്ലാസിക് ഡിസൈനിൽ ആധുനിക സ്‌പർശനങ്ങൾ‌ ഉൾ‌ക്കൊള്ളുന്ന നവ-റെട്രോ ഡിസൈനാണ്​ വാഹനത്തിന്​ നൽകിയിരിക്കുന്നത്​. യമഹയുടെ പുതിയ റൗണ്ട് ഹെഡ്‌ലൈറ്റ് ബൈക്കിന് സ്‌ക്രാംബ്ലർ വൈബ് നൽകുന്നു. ബൈക്കിന് ക്രൂയിസറി​െൻറ ഛായയും ആരോപിക്കാവുന്നതാണ്​. ഉയരമുള്ളതാണ്​ ഇന്ധന ടാങ്ക്. ഉയരം കൂടിയ ഹാൻ‌ഡിൽബാർ റൈഡർ പൊസിഷൻ സുഖകരമാക്കും. ഏകദേശം 1.15 ലക്ഷമാണ്​ വില പ്രതീക്ഷിക്കപ്പെടുന്നത്​. എഫ്‌ഇസഡ്​എസ്​-ഫൈയേക്കാൾ 6,000 രൂപയും എഫ്‌ഇസഡ്-ഫൈയേക്കാൾ 11,000 രൂപയും കൂടുതലാണിത്​.

Show Full Article
TAGS:Yamaha Yamaha FZ-X India launch 
Next Story