സ്വിഫ്​റ്റ്​, ഡസ്​റ്റർ ക്രാഷ്​ടെസ്​റ്റ്​ റിസൾട്ട്​ വന്നു; റേറ്റിങ്​ ഇങ്ങിനെയാണ്​

ലാറ്റിനമേരിക്കക്ക്​ വേണ്ടിയുള്ള എൻ.സി.എ.പി ക്രാഷ്​ ടെസ്​റ്റ്​ റിസൾട്ടുകൾ പുറത്ത്​. മെയ്​ഡ്​ ഇൻ ഇന്ത്യ സ്വിഫ്റ്റ്, റെനോ ഡസ്റ്റർ എന്നിവയും ക്രാഷ് ടെസ്റ്റിൽ പ​െങ്കടുത്തു. അത്ര ആശാസ്യകരമായ റിസൾട്ടുകൾ അല്ല ഇരു വാഹനങ്ങൾക്കും ലഭിച്ചിരിക്കുന്നത്​.മാരുതി സുസുകിയുടെ ഏറ്റവും ജനപ്രിയ കാറുകളിലൊന്നായ സ്വിഫ്റ്റ് ഹാച്ച്ബാക്കും ഫ്രഞ്ച് ഓട്ടോ ഭീമനായ റെനോയിൽ നിന്നുള്ള ഡസ്​റ്ററും ക്രാഷ്​ടെസ്​റ്റിൽ ദയനീയമായിപരാജയപ്പെടുകയായിരുന്നു.

ലാറ്റിനമേരിക്കയ്ക്കും കരീബിയനുമായുള്ള കാർ അസസ്മെൻറ്​ പ്രോഗ്രാമിന് കീഴിലാണ് ഇരുവാഹനങ്ങളുടേയും ടെസ്റ്റുകൾ നടന്നത്. രണ്ട്​ വാഹനങ്ങൾക്കും സ്​റ്റാർ റേറ്റിങ്​ ഒന്നും നേടാനായില്ല. സ്വിഫ്റ്റിൽ രണ്ട് എയർബാഗുകൾ സ്റ്റാൻഡേർഡായി സജ്ജീകരിച്ചിരുന്നു. ക്രാഷ് ടെസ്റ്റിനായി ഉപയോഗിക്കുന്ന സ്വിഫ്റ്റ് മിക്കവാറും എല്ലാ വിഭാഗങ്ങളിലും പരാജയപ്പെടുകയായിരുന്നു. മുതിർന്ന യാത്രികനുള്ള സുരക്ഷയിൽ 15.53%, കുട്ടികളുടെ സുരക്ഷയിൽ 0%, കാൽനടക്കാർക്കുള്ള സുരക്ഷയിൽ 66.07% എന്നിങ്ങനെയാണ്​ സ്വിഫ്​റ്റി​െൻറ പ്രകടനം. സ്വിഫ്റ്റി​െൻറ ക്രാഷ് ടെസ്റ്റ് ഫലം ഹാച്ച്ബാക്കിന് മാത്രമല്ല, അതി​െൻറ സെഡാൻ പതിപ്പുകൾക്കും സാധുതയുള്ളതാണെന്ന് ലാറ്റിൻ എൻസിഎപി പറഞ്ഞു.

ക്രാഷ് ടെസ്റ്റിനായി ഉപയോഗിച്ച റെനോ ഡസ്റ്റർ മോഡലുകൾക്ക് ഇരട്ട എയർബാഗുകളും ഇ.എസ്​.സിയും സ്റ്റാൻഡേർഡായിരുന്നു. മുതിർന്ന യാത്രികനുള്ള സുരക്ഷയിൽ 29.47%, കുട്ടികളുടെ സുരക്ഷയിൽ 22.93%, കാൽനടക്കാരുടെ സുരക്ഷയിൽ 50.79% പോയിൻറുകളാണ്​ ഡസ്​റ്ററിന്​ ലഭിച്ചത്​. വാഹനങ്ങളുടെ പ്രകടനം നിരാശാജനകമാണെന്ന് ലാറ്റിൻ എൻ.സി.എ.പി സെക്രട്ടറി ജനറൽ അലജാൻഡ്രോ ഫ്യൂറസ് പറഞ്ഞു.