Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightകൂടുതൽ ജീവനുകൾ...

കൂടുതൽ ജീവനുകൾ സുരക്ഷിതമാക്കാൻ ഈ കാർ; വോൾവൊ എ​സ്​ 60 ഇന്ത്യയിൽ

text_fields
bookmark_border
Volvo Car India opens bookings
cancel

ലോകത്തിലെ ഏറ്റവും സുരക്ഷിതമെന്ന്​ കരുതപ്പെടുന്ന വോൾവൊ പാസഞ്ചർ വാഹനങ്ങളിലൊന്നായ എ​സ്​ 60 ഇന്ത്യയിൽ. പൂണമായും നിർമിച്ച്​ ഇറക്കുമതി ചെയ്യുന്ന വാഹനമാണ്​ എസ്​ 60 സെഡാൻ. 45.9ലക്ഷമാണ്​ എസ്​ 60ക്ക്​ വിലയിട്ടിരിക്കുന്നത്​. പതിവുപോലെ ക്രാഷ്​ ടെസ്റ്റുകളിൽ മിന്നുന്ന പ്രകടനവുമായാണ്​ വോൾവൊ എത്തുന്നത്​​. കർശന നിയമങ്ങൾ ഉൾക്കൊള്ളുന്ന യൂറോ എൻസിഎപിയിലാണ്​ എസ്​ 60 അഞ്ച് സ്റ്റാർ റേറ്റിങ്​ നേടിയത്​. വാഹനത്തിന്‍റെ ബുക്കിങ്​ ആരംഭിച്ചിട്ടുണ്ട്​.


ഡെലിവറികൾ മാർച്ച് പകുതിയോടെ ആരംഭിക്കും. 190 എച്ച്പി, 2.0 ലിറ്റർ പെട്രോൾ എഞ്ചിനാണ്​ വാഹനത്തിലുള്ളത്​. 300 എൻ‌എം ടോർക്കും എഞ്ചിൻ ഉത്​പാദിപ്പിക്കും. കമ്പനിയുടെ സ്കേലബിൾ പ്രൊഡക്റ്റ് ആർക്കിടെക്ചറിനെ (എസ്പി‌എ) അടിസ്ഥാനമാക്കിയാണ്​ എസ്​ 60 നിർമിച്ചിരിക്കുന്നത്​. 8 സ്പീഡ് ഓട്ടോമാറ്റിക് ഗിയർ‌ബോക്സാണ്​ വാഹനത്തിന്​. പൂജ്യത്തിൽ നിന്ന്​ 100 കിലോമീറ്റർ വേഗത കൈവരിക്കാൻ 9.35 സെക്കൻഡ് മതി. ടോപ്പ് സ്പീഡ് 180 കിലോമീറ്ററിൽ പരിമിതപ്പെടുത്തിയിരിക്കുന്നു.


ഒരേയൊരു വേരിയന്‍റ്​

ടി 4 ഇൻസ്ക്രിപ്ഷൻ എന്ന ഒറ്റ വേരിയന്‍റിലാണ് വാഹനം ലഭ്യമാവുക. ആപ്പിൾ കാർപ്ലേയും ആൻഡ്രോയിഡ് ഓട്ടോയുമുള്ള 9.0 ഇഞ്ച് പോർട്രെയിറ്റ്-സ്റ്റൈൽ ടച്ച്‌സ്‌ക്രീൻ ഇൻഫോടെയ്ൻമെന്‍റ്​ സിസ്റ്റം, നാല് സോൺ ക്ലൈമറ്റ് കൺട്രോൾ, വയർലെസ് ചാർജിങ്​, റിവേഴ്‌സ് ക്യാമറ, ഹാർമൻ കാർഡൺ സൗണ്ട് സിസ്റ്റം, 18 ഇഞ്ച് ഡയമണ്ട് കട്ട് അലോയ് വീലുകൾ, പനോരമിക് സൺറൂഫ്​ തുടങ്ങിയ സവിശേഷതകൾ എസ്​ 60ക്കുണ്ട്​. അഡാപ്റ്റീവ് ക്രൂസ് കൺട്രോൾ, ലെയ്ൻ കീപ്പ് അസിസ്റ്റ്, സ്പീഡ് അലേർട്ട്, ഡ്രൈവർ അലേർട്ട് സിസ്റ്റങ്ങൾ എന്നിവയുൾപ്പെടെ സജീവവും കാര്യക്ഷമവുമായ സുരക്ഷാ സവിശേഷതകൾ എസ് 60ക്കുണ്ട്​.

എതിരാളികൾ

പുതിയ വോൾവോ എസ് 60ക്ക്​ എതിരാളികളുടെ വൻനിരയാണുള്ളത്​. ബിഎംഡബ്ല്യു 3 സീരീസ്, ഓഡി എ 4 എന്നിവയുടെ എൻട്രി ലെവൽ പതിപ്പുകളേക്കാൾ ചെലവേറിയതാണ് എസ്​ 60. മെഴ്സിഡസ് ബെൻസ് സി-ക്ലാസ്, ജാഗ്വാർ എക്സ്ഇ എന്നിവയും വോൾവോയുടെ പ്രധാന എതിരാളിയാണ്​. സമ്പൂർണ്ണമായി ഇറക്കുമതി ചെയ്യുന്ന വാഹനമാമെന്ന പരിമിതി എസ്​ 60യുടെ വിലയിൽ പ്രതിഫലിക്കുന്നുണ്ട്​​.

Show Full Article
TAGS:Volvo Volvo S60 bookings open Sedan Car 
Next Story