Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightമണിക്കൂറിൽ 965...

മണിക്കൂറിൽ 965 കിലോമീറ്റർ വേഗത; ഹൈപ്പർലൂപ്പിൽ​ മനുഷ്യരുമായി പരീക്ഷണ ഒാട്ടം

text_fields
bookmark_border
മണിക്കൂറിൽ 965 കിലോമീറ്റർ വേഗത; ഹൈപ്പർലൂപ്പിൽ​ മനുഷ്യരുമായി പരീക്ഷണ ഒാട്ടം
cancel

ലോകത്തി​െൻറ സഞ്ചാര സാധ്യതകളുടെ തലവര മാറ്റിമറിക്കുന്ന സംവിധാനമാണ്​ ഹൈപ്പർലൂപ്പ്​. അമേരിക്കയിലെ കാലിഫോർണിയ ആസ്​ഥാനമായുള്ള വിർജിൻ കമ്പനിയാണ്​ ഹൈപ്പർലൂപ്പ് നിർമിക്കുന്നത്​. അതിവേഗ യാത്ര സാധ്യമാക്കുന്ന ഹൈപ്പർലൂപ്പിൽ ആദ്യമായി മനുഷ്യരായ യാത്രക്കാരുമായി പരീക്ഷണം നടത്തിയിരിക്കുകയാണ്​ വിർജിൻ കമ്പനി. കമ്പനിയുടെ ചീഫ് ടെക്നോളജി ഓഫീസറും പാസഞ്ചർ എക്സ്പീരിയൻസ് ഡയറക്ടറുമാണ് ആദ്യ പരീക്ഷണ ഒാട്ടത്തിൽ യാത്രക്കാരായത്​.


പ്രത്യേകം തയ്യാറാക്കിയ പാതയിലൂടെ കാന്തിക മണ്ഡലത്തി​െൻറ സഹായത്തോടെയാണ്​ ഹൈപ്പർ ലൂപ്പ്​ സഞ്ചരിക്കുക. മണിക്കൂറിൽ 965 കിലോമീറ്റർ വേഗതയിൽ സഞ്ചരിക്കാൻ ഹൈപ്പർലൂപ്പിനാകും. നിലവിൽ പരീക്ഷണ ഒാട്ടം നടത്തിയിരിക്കുന്നത്​ 100 മൈൽ അഥവാ 160 കിലോമീറ്റർ വേഗതയിലാണ്​. 15 സെക്കൻഡ്​കൊണ്ട്​ 500 മീറ്റർ ദൂരം ഹൈപ്പർലൂപ്പ്​ സഞ്ചരിച്ചു. രണ്ടുപേർക്ക്​ സഞ്ചരിക്കാവുന്ന ലൂപ്പാണ്​ പരീക്ഷിച്ചത്​. ഭാവിയിൽ 28 പേർക്ക്​ സഞ്ചരിക്കാവുന്ന രീതിയിലായിരിക്കും വാഹനം ഒരുക്കുക.


വിർജിൻ കമ്പനിയും ഇന്ത്യയും തമ്മിൽ

2018ലാണ്​ മഹാരാഷ്​ട്ര സർക്കാർ വിർജിൻ ഗ്രൂപ്പുമായി ഹൈപ്പർലൂപ്പ്​ ​നിർമാണത്തിൽ കരാറിൽ ഏർപ്പെട്ടത്​. മുംബൈ-പൂനെ റൂട്ടിലാണ്​ ഇവ നിർമിച്ചത്​. പ്രവർത്തനക്ഷമമാവുകയാണെങ്കിൽ മുംബൈ-പൂനെ റൂട്ടിലൂടെയുള്ള മുന്ന്​ മണിക്കൂർ യാത്രാസമയം 25 മിനിട്ടായി കുറക്കാൻ പുതിയ സംവിധാനത്തിനാകും.

Show Full Article
TAGS:Virgin hyperloop human passengers automobile 
Next Story