Begin typing your search above and press return to search.
exit_to_app
exit_to_app
മൊബൈലുകൾക്കിനി സമ്പൂർണ നിരോധനമില്ല; മോ​േട്ടാർ വാഹന നിയമങ്ങളിലെ പരിഷ്​കാരമറിയാം
cancel
Homechevron_rightHot Wheelschevron_rightAuto Newschevron_rightമൊബൈലുകൾക്കിനി...

മൊബൈലുകൾക്കിനി സമ്പൂർണ നിരോധനമില്ല; മോ​േട്ടാർ വാഹന നിയമങ്ങളിലെ പരിഷ്​കാരമറിയാം

text_fields
bookmark_border

മോബൈൽ ഫോണുകൾക്ക്​ സമ്പൂർണ നിരോധനം ഏർപ്പെടുത്തിയിരുന്ന മോ​േട്ടാർ വാഹന നിയമങ്ങളിൽ മാറ്റം വരുത്തി കേന്ദ്ര റോഡ് ഗതാഗത, ദേശീയപാത മന്ത്രാലയം. 1989 ലെ കേന്ദ്ര മോട്ടോർ വാഹന ചട്ടത്തിലും കാലാകാലങ്ങളിൽ ഉണ്ടായ​ വിവിധ ഭേദഗതികളിലുമാണ്​ ഇപ്പോൾ മാറ്റം വരുത്തിയിരിക്കുന്നത്​. നിയമപാലനം എളുപ്പമാക്കുന്നതിനും ഡ്രൈവർമാരും ജീവനക്കാരും നേരിടുന്ന ബുദ്ധിമുട്ടുകൾ ഒഴിവാക്കുന്നതിനുമാണ്​ പുതിയ മാറ്റങ്ങൾ അവതരിപ്പിച്ചിരിക്കുന്നത്​.

ഇതിനർഥം വാഹനം ഒാടിക്കു​േമ്പാൾ ഇനിമുതൽ യഥേഷ്​ടം മൊബൈൽ ഉപയോഗിക്കാം എന്നല്ല. വാഹനം ഒാടിക്കു​േമ്പാൾ മൊബൈൽ ഉപയോഗിക്കുന്നത്​ ഇപ്പോഴും ഗൗരവകരമായ കുറ്റം തന്നെയാണ്​. പുതിയ നിയമം അനുസരിച്ച്​ മൊബൈൽ ഉപയോഗിക്കാൻ ഡ്രൈവറെ അനുവദിക്കുന്ന ഒരേയൊരു സന്ദർഭം​ നാവിഗേഷൻ പ്രവർത്തിപ്പിക്കൽ​ മാത്രമാണ്​. നിലവിൽ അനിവാര്യമായൊരു സാ​േങ്കതികവിദ്യയായി നാവിഗേഷൻ മാറിയിട്ടുണ്ട്​. അതിനോട്​ ക്രിയാത്മകമായി പ്രവർത്തിക്കുകയാണ്​ നിയമം ചെയ്യുന്നത്​.വാഹനത്തിലുള്ളവർക്കൊ നിരത്തിലുള്ള മറ്റ്​ വാഹനങ്ങൾക്കൊ ബുദ്ധിമുട്ടുണ്ടാക്കുന്നതരത്തിൽ ഇതാകാനും പാടില്ല. രണ്ട്​ കൈകളുംകൊണ്ട്​ മൊബൈൽ ഉപയോഗിക്കുന്നതിനേയും നിയമം വിലക്കുന്നുണ്ട്​.


മോട്ടോർ വെഹിക്​ൾസ് (ഡ്രൈവിംഗ്) റെഗുലേഷൻസ് 2017 ലെ ഭേദഗതികളുടെ ഭാഗമായാണ് പുതിയ നിയമം വരുന്നത്. കാറിനുള്ളിൽ ഫോൺ ഉപയോഗിക്കാൻ അനുവദിക്കുന്ന മറ്റൊരു സന്ദർഭം ഡിജിറ്റൽ രേഖകൾ പരിശോധിക്കുന്നതിനാണ്. നേരത്തെമുതൽ ഡിജിറ്റൽ രേഖകൾ സ്വീകാര്യമായിരുന്നെങ്കിലും മൊബൈൽ വാഹനത്തിൽ ഉപയോഗിക്കരുത്​ എന്ന നിബന്ധധ ആശയക്കുഴപ്പം ഉണ്ടാക്കിയിരുന്നു. അതിനാണ്​ ഇപ്പോൾ മാറ്റം വന്നിരിക്കുന്നത്​. രേഖകൾ ഡിജി ലോക്കർ അല്ലെങ്കിൽ എം-പരിവാഹൻ പോലുള്ള സർക്കാർ പോർട്ടലുകളിൽ മാത്രമാണ്​ സൂക്ഷിക്കേണ്ടത്​. ഡിജിറ്റൽ രേഖകൾ നിയമപ്രകാരം ക്രമപ്പെടുത്തി സൂക്ഷിക്കുകയും വേണം. അപ്പോഴും ശ്രദ്ധിക്കേണ്ട കാര്യം വാഹനം ഒാടിക്കു​േമ്പാൾ മേൽപറഞ്ഞതിനല്ലാതെ മൊബൈൽ ഉപയോഗിക്കുന്നത്​ ഇപ്പോഴും ഗൗരവകരമായ കുറ്റം തന്നെയാണെന്നതാണ്​.

Show Full Article
TAGS:Traffic rules Motor Vehicle Act mobile mobile phone automobile 
Next Story