Begin typing your search above and press return to search.
proflie-avatar
Login
exit_to_app
exit_to_app
Homechevron_rightHot Wheelschevron_rightAuto Newschevron_rightസ്വയം വഴികാട്ടുന്ന...

സ്വയം വഴികാട്ടുന്ന ബൈക്കായി ഹിമാലയൻ; ഇനിമുതൽ നാവിഗേഷൻ സൗകര്യവും

text_fields
bookmark_border
Updated Royal Enfield Himalayan launched
cancel

റോയൽ എൻഫീൽഡിന്‍റെ അഡ്വഞ്ചർ ബൈക്കായ ഹിമാലയന്‍റെ പരിഷ്​കരിച്ച പതിപ്പ്​ പുറത്തിറക്കി. പുതുതായി രണ്ട്​ നിറങ്ങളും നാവിനേഷൻ സൗകര്യങ്ങളുമായി ചില്ലറ മാറ്റങ്ങളോടെയാണ്​ ഹിമാലയൻ എത്തിയിരിക്കുന്നത്​. ഗ്രാനൈറ്റ്​ ബ്ലാക്​, പൈൻ ഗ്രീൻ എന്നീ നിറങ്ങളിലും ഇനിമുതൽ ഹിമാലയൻ ലഭിക്കും. ടാങ്കിന് ചുറ്റുമുള്ള ഫ്രെയിമിന്​ ചെറിയ മാറ്റം വരുത്തിയിട്ടുണ്ട്​.


മീറ്റിയോറിൽ കണ്ട ട്രിപ്പർ നാവിഗേഷൻ ഹിമാലയനിലും ഉൾപ്പെടുത്തിയിട്ടുണ്ട്​. ഗൂഗിളുമായി സഹകരിച്ച്​ പ്രവർത്തിപ്പിക്കുന്ന ടേൺ-ബൈ-ടേൺ നാവിഗേഷൻ സിസ്റ്റമാണിത്​. ബ്ലൂടൂത്ത് ഉപയോഗിച്ച് സിസ്റ്റത്തിലേക്ക് ഫോൺ കണക്​ട്​ ചെയ്​തശേഷം ഇത് റോയൽ എൻഫീൽഡ് അപ്ലിക്കേഷനോട്​ ചേർന്ന്​ പ്രവർത്തിക്കുന്നു. എന്നാൽ സ്ക്രീനിൽ ഇൻകമിങ്​ സന്ദേശങ്ങളോ കോളുകളോ പ്രദർശിപ്പിക്കില്ല. ഒരുവർഷം മുമ്പ്​ ബി‌എസ് ആറിലേക്ക് മാറുന്നതിനിടയിൽ ചില പരിഷ്​കാരങ്ങൾക്ക്​ ബൈക്ക്​ വിധേയമായിരുന്നു. അതുകഴിഞ്ഞാണ്​ ഇപ്പോൾ പുതിയ പതിപ്പ് വരുന്നത്.


അപ്ഡേറ്റ് ചെയ്ത ഹിമാലയന്‍റെ വില 2.01 ലക്ഷം രൂപയിൽ ആരംഭിക്കും. മുൻഗാമിയേക്കാൾ 10,000 രൂപ കൂടുതലാണിത്​. ഉപഭോക്​താക്കളുടെ നിർദേശങ്ങൾകൂടി കണക്കിലെടുത്താണ്​ ഹിമാലയനിൽ ചില മാറ്റങ്ങൾ എൻഫീൽഡ്​ വരുത്തിയിരിക്കുന്നത്​. ടാങ്കിന്‍റെ മുൻവശത്ത്​ ഘടിപ്പിച്ചിരിക്കുന്ന മെറ്റൽ ഫ്രെയിം ഇങ്ങിനെ പരിഷ്​കരിച്ചിട്ടുണ്ട്​. നേരത്തേ ഉള്ള ഫ്രെയിം ഉയരമുള്ള യാത്രക്കാരുടെ കാൽമുട്ടുകളിൽ തട്ടുന്നുണ്ടെന്ന്​ പരാതി ഉയർന്നിരുന്നു. ഈ പ്രശ്​നം ഇപ്പോൾ പരിഹരിച്ചിട്ടുണ്ട്​. ഹിമാലയന് പുറമെ പുതിയ ക്ലാസിക് 350, 650 സിസി ക്രൂസർ തുടങ്ങി നിരവധി പുതിയ ബൈക്കുകൾ വിപണിയിലെത്തിക്കാനും റോയൽ എൻഫീൽഡിന്​ പദ്ധതിയുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:royal enfieldHimalayanlaunchedEnfield
Next Story