Top
Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightപുതിയ നിറങ്ങൾ,...

പുതിയ നിറങ്ങൾ, നാവിഗേഷൻ; കൂടുതൽ റോയലായി ഹിമാലയനും

text_fields
bookmark_border
Updated Royal Enfield Himalayan
cancel

റോയൽ എൻഫീൽഡിന്‍റെ ഹിമാലയൻ മുഖംമിനുക്കും. പുതിയ വാഹനം ഈ മാസം 21ന്​ വിപണിയിലെത്തിക്കാനാണ്​ നീക്കംനടക്കുന്നത്​. സിൽവർ, പൈൻ ഗ്രീൻ പോലുള്ള പുതിയ നിറങ്ങൾ ഉൾപ്പെടുത്തിയും ടാങ്കിന് ചുറ്റുമുള്ള ഫ്രെയിമിന്​ ചെറിയ മാറ്റം വരുത്തിയും ട്രിപ്പർ നാവിഗേഷൻ പോലുള്ള ആധുനിക സംവിധാനങ്ങളും ഉൾപ്പടെയാണ്​ ഹിമാലയൻ പുറത്തുവരിക. നിലവിലെ മോഡൽ ബി‌എസ് 6 ഫോമിലേക്ക് മാറുന്നതിനിടയിൽ ചില പരിഷ്​കാരങ്ങൾക്ക്​ വിധേയമായിരുന്നു. അതുകഴിഞ്ഞ്​ ഒരു വർഷത്തിന് ശേഷമാണ് പുതിയ പതിപ്പ് വരുന്നത്.


പുതിയ മീറ്റിയോർ 350ൽ അരങ്ങേറ്റം കുറിച്ച അതേ ട്രിപ്പർ നാവിഗേഷൻ സംവിധാനമായിരിക്കും ഹിമാലയനിലും വരിക. റോയൽ ഗൂഗിളുമായി സഹകരിച്ച്​ പ്രവർത്തിപ്പിക്കുന്ന ടേൺ-ബൈ-ടേൺ നാവിഗേഷൻ സിസ്റ്റമാണിത്​. ബ്ലൂടൂത്ത് ഉപയോഗിച്ച് സിസ്റ്റത്തിലേക്ക് ഫോൺ കണക്​ട്​ ചെയ്​തശേഷം ഇത് റോയൽ എൻഫീൽഡ് അപ്ലിക്കേഷനോട്​ ചേർന്ന്​ പ്രവർത്തിക്കുന്നു. എന്നാൽ സ്ക്രീനിൽ ഇൻകമിങ്​ സന്ദേശങ്ങളോ കോളുകളോ പ്രദർശിപ്പിക്കില്ല.

പുതിയ സവിശേഷതകൾ കണക്കിലെടുക്കുമ്പോൾ അപ്ഡേറ്റ് ചെയ്ത ഹിമാലയന് നിലവിലെ വിലയായ 1.91-1.96 ലക്ഷം രൂപയേക്കാൾ അൽപ്പം കൂടാനാണ്​ സാധ്യത. ഹിമാലയന് പുറമെ പുതിയ ക്ലാസിക് 350, 650 സിസി ക്രൂസർ തുടങ്ങി നിരവധി പുതിയ ബൈക്കുകൾ വിപണിയിലെത്തിക്കാനും റോയൽ എൻഫീൽഡിന്​ പദ്ധതിയുണ്ട്​.

Show Full Article
TAGS:royal enfield Himalayan Updated Features hotwheels 
Next Story