Begin typing your search above and press return to search.
proflie-avatar
Login
exit_to_app
exit_to_app
Homechevron_rightHot Wheelschevron_rightAuto Newschevron_rightയൂറോപ്യൻ ഫിറ്റും...

യൂറോപ്യൻ ഫിറ്റും ഫിനിഷും; കുശാക്​ ഇന്‍റീരിയർ ചിത്രങ്ങൾ പുറത്തുവിട്ട്​ സ്​കോഡ

text_fields
bookmark_border
യൂറോപ്യൻ ഫിറ്റും ഫിനിഷും; കുശാക്​ ഇന്‍റീരിയർ ചിത്രങ്ങൾ പുറത്തുവിട്ട്​ സ്​കോഡ
cancel

പുറത്തിറക്കാനിരിക്കുന്ന കോമ്പാക്​ട്​ എസ്​.യു.വി കുശാകിന്‍റെ ഇന്‍റീരിയർ വെളിപ്പെടുത്തി സ്​​േകാഡ. നിർമാണം പൂർത്തിയായ വാഹനത്തിന്‍റെ ചിത്രങ്ങൾക്ക്​ പകരം ഡിസൈൻ സ്കെച്ചുകളാണ്​ കമ്പനി പങ്കുവച്ചിരിക്കുന്നത്​. പുതിയ കുശാക്​ മാർച്ച് 18ന് ആഗോളതലത്തിൽ അരങ്ങേറ്റം കുറിക്കും. ഇന്ത്യയിലായിരിക്കും വാഹനത്തിന്‍റെ പുറത്തിറക്കൽ ചടങ്ങ്​ നടക്കുക.


ഇന്ത്യ 2.0 ഉൽപ്പന്ന കാമ്പെയിന്‍റെ ഭാഗമായി സ്കോഡ, ഫോക്​സ്​വാഗൺ ബ്രാൻഡുകളിൽ നിന്നുള്ള നാല് പുതിയ മോഡലുകളിൽ രാജ്യത്ത്​ അവതരിപ്പിക്കുന്നുണ്ട്​. അതിൽ ആദ്യത്തേതായിരിക്കും കുശാക്​. യൂറോപ്യൻ ഫിറ്റും ഫിനിഷുമാണ്​ കുശാക്​ ഇന്‍റീരിയറിൽ കാണാനാകുന്നത്​. ഡാഷ്​ബോർഡിന്‍റെ മധ്യത്തിൽ വലിയ ഫ്രീ-സ്റ്റാൻഡിങ്​ ഇൻഫോടെയിൻമെന്‍റ്​ ഡിസ്പ്ലേ, സ്കോഡ സൂപ്പർബിലേതിന്​ സമാനമായ സ്റ്റൈലിഷ് ഇരട്ട സ്പോക്ക് സ്റ്റിയറിംഗ് വീൽ എന്നിവ ഇന്‍റീരിയറിൽ കാണാനാകും. ഡ്യുവൽ-ടോൺ കളറാണ്​ മറ്റൊരു പ്രത്യേകത. ഉള്ളിലെ രൂപകൽപ്പന വാഹനത്തിന്‍റെ ബാഹ്യ നിറവുമായി പൊരുത്തപ്പെടാൻ സാധ്യതയുണ്ട്.


10 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്‍റ്​ സ്‌ക്രീനായിരിക്കും ക്യാബിന്‍റെ പ്രധാന ആകർഷണം. വലിയ ഡിജിറ്റൽ ഇൻസ്ട്രുമെന്‍റ്​ ക്ലസ്റ്ററും വലിയ എയർ-കോൺ വെുന്‍റകളും ധാരാളം സ്​റ്റോറേജ്​ സ്​പെയ്​സുകളും ഉൾപ്പെടുത്തിയിട്ടുണ്ട്​. 93 ശതമാനവും പ്രാദേശികമായ ഉത്​പന്നങ്ങൾ ഉപയോഗിച്ച്​ നിർമിക്കുന്നതെന്ന പ്രചാരണവുമായാണ്​ സ്​കോഡ കുശാക്​ അവതരിപ്പിക്കുന്നത്​. മിനി എസ്​.യു​.വി വിഭാഗത്തിൽപെടുന്ന വാഹനത്തിന്‍റെ വിലവിവരം കമ്പനി പുറത്തുവിട്ടിട്ടില്ല. ഡീസൽ എഞ്ചിൻ ഒഴ​ിവാക്കി രണ്ട്​ പെട്രോൾ എഞ്ചിനുകളുമായാണ്​ വാഹനം വിപണിയിലെത്തുക.


ലോകത്തിനായി ഇന്ത്യയിൽ നിർമിക്കുന്ന കാർ എന്നാണ്​ കുശാകിനെ സ്​കോഡ വിശേഷിപ്പിക്കുന്നത്​. കുശാക്​ എന്നാൽ ചക്രവത്തി എന്നാണ്​ അർഥമെന്നാണ്​ സ്​കോഡ പറയുന്നത്​. സംസ്​കൃതത്തിലാണീ വാക്കിന്‍റെ വേരുകൾ കിടക്കുന്നത്​. പേരും വിശേഷണങ്ങളും എന്തായാലും വർധിച്ച ആത്മവിശ്വാസത്തിലാണ്​ സ്​കോഡ തങ്ങളുടെ ചെറു എസ്​.യു.വി മോഡൽ വിപണിക്കായി ഒരുക്കുന്നത്​. 2020 ഡൽഹി ഓട്ടോ എക്‌സ്‌പോയിൽ ഏറെപ്പേരെ ആകർഷിച്ച സ്‌കോഡ വിഷൻ ഇൻ കൺസെപ്റ്റ്​ മോഡലാണ്​ കുശാക്​ എന്ന പേരിൽ എത്തുന്നത്​. ഹ്യുണ്ടായ് ക്രെറ്റ, കിയ സെൽറ്റോസ് എന്നീ അതികായന്മാരോടാണ്​ കുശാക്​ വിപണിയിൽ മത്സരിക്കുന്നത്​. മോഡലിനെക്കുറിച്ചുള്ള ഏറ്റവും പുതിയ വിശേഷങ്ങൾ പങ്കുവച്ച കമ്പനി മാർച്ചിൽ കുശാക്​ ഇന്ത്യയിൽ അതിന്‍റെ ലോകതലത്തിലെ അരങ്ങേറ്റം കുറിക്കുമെന്നാണ്​ പറയുന്നത്​. നിലവിൽ വാഹനം നിർമാണഘട്ടത്തിലാണ്​.


എം‌ക്യുബി-ഇൻ‌ പ്ലാറ്റ്‌ഫോമിൽ അധിഷ്‌ഠിതമായ സ്‌കോഡ കുശാകിന്​ 2651 മില്ലിമീറ്റർ വീൽബേസ് ഉണ്ടായിരിക്കും. ഉയർന്ന വകഭേദങ്ങളിൽ ഹെഡ്​ലൈറ്റുകളും ഡേടൈം റണ്ണിങ്​ ലൈറ്റുകളും (ഡിആർഎൽ), ടെയിൽ, ബ്രേക്ക് ലൈറ്റുകളുമെല്ലാം എൽ.ഇ.ഡി ആയിരിക്കും. മൈ സ്‌കോഡ കണക്റ്റ് ടെകും ലഭിക്കും. ഓട്ടോമാറ്റിക് ക്ലൈമറ്റ് കൺട്രോൾ, സൺറൂഫ്, ആംബിയന്‍റ്​ ലൈറ്റിങ്​ എന്നിവയാണ് മറ്റ് സവിശേഷതകൾ.


ആറ് എയർബാഗുകൾ (ഓപ്ഷണൽ ഫ്രണ്ട് സൈഡ് എയർബാഗുകൾ, കർട്ടൻ എയർബാഗുകൾ) പോലുള്ള സുരക്ഷാ സവിശേഷതകളും വാഹനത്തിലുണ്ട്​. എല്ലാ ട്രിമ്മുകളിലും ഇലക്ട്രോണിക് സ്ഥിരത നിയന്ത്രണം (ഇഎസ്‌സി) ലഭ്യമാണ്​​. ഹിൽ-ഹോൾഡ് കൺട്രോൾ, ക്രൂസ് കൺട്രോൾ, ടയർ പ്രഷർ മോണിറ്റർ എന്നിവയും മികച്ച വേരിയന്‍റുകളിൽ ലഭ്യമാണ്. പെട്രോൾ എഞ്ചിൻ മാത്രമാണ്​ വാഹനത്തിന്​ ലഭ്യമാവുക.പോളോയിലും റാപ്പിഡിലും കാണപ്പെടുന്ന 1.0 ലിറ്റർ, മൂന്ന് സിലിണ്ടർ ടിഎസ്ഐ, കരോക്കിൽ കാണുന്ന 1.5 ലിറ്റർ, നാല് സിലിണ്ടർ ടിഎസ്ഐ എന്നിങ്ങനെ രണ്ട്​ പെട്രോൾ എഞ്ചിനുകളാണ്​ കുശാകിന്​ നൽകിയിരിക്കുന്നത്​. ആറ് സ്പീഡ് മാനുവൽ ട്രാൻസ്മിഷൻ, ആറ് സ്പീഡ് ഓട്ടോമാറ്റിക് ഗിയർബോക്സ്, ഏഴ് സ്പീഡ് ഡിഎസ്ജി ട്രാൻസ്മിഷൻ എന്നിവയുൾപ്പെടെ മൂന്ന് ഗിയർബോക്സ് ഓപ്ഷനുകൾ വാഗ്ദാനം ചെയ്യുന്നുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:interiorautomobileSkoda Kushaqmini suv
Next Story