വൈദ്യുത വാഹനങ്ങൾക്ക് ഏകീകൃത ആപ്പ് ‘കെ.ഇ.എം’

തൃശൂർ: സംസ്ഥാനത്ത് കെ.എസ്.ഇ.ബിയുടെ വൈദ്യുത വാഹന ചാര്‍ജിങ് കേന്ദ്രങ്ങള്‍ക്കായി ഏകീകൃത ‘ആപ്’ യാഥാർഥ്യമായി. കേരള ഇ-മൊബിലിറ്റി ആപ് എന്ന കെ.ഇ.എം ആപാണ് ഇനിമുതൽ കെ.എസ്.ഇ.ബിയുടെ ഔദ്യോഗിക ഇ-വെഹിക്കിൾ ചാർജിങ് ആപ്.കെ.എസ്.ഇ.ബി ആരംഭിച്ച 1227 ചാര്‍ജിങ് കേന്ദ്രങ്ങളില്‍ അഞ്ചുതരത്തിലുള്ള ‘ആപ്പു’കളാണ് ഉപയോഗിക്കുന്നത്. ഇത്രയും എണ്ണം മൊബൈല്‍ ഫോണില്‍ ഡൗണ്‍ലോഡ് ചെയ്ത് ഉപയോഗിക്കുന്നത് യാത്രികർക്ക് ബുദ്ധിമുട്ടുണ്ടാക്കുന്നതായി പരാതിയുയര്‍ന്നിരുന്നു. തുടർന്ന് കഴിഞ്ഞ വർഷം ആപ് കൊണ്ടുവരുമെന്ന് പ്രഖ്യാപനവും നടന്നു.

ഇപ്പോഴാണ് പ്രവർത്തനം പൂർണസജ്ജമായത്. ആപ് പ്ലേ സ്റ്റോറിൽനിന്ന് ഡൗൺലോഡ് ചെയ്യാം. ഇതുപയോഗിച്ച് സംസ്ഥാനത്തുടനീളം കെ.എസ്.ഇ.ബി സ്ഥാപിച്ച ഫാസ്റ്റ് ചാർജിങ് സ്റ്റേഷനുകളിലും 1165 പോൾ മൗണ്ടഡ് ചാർജിങ് സ്റ്റേഷനുകളിലും അനായാസം ചാർജ് ചെയ്യാം. ആപ് ഉപയോഗിച്ച് അടുത്തുള്ള ഇ.വി ചാർജിങ് സ്റ്റേഷനുകൾ ഏതാണെന്നറിയാം. അവയിൽ തിരക്കുണ്ടോ, കേടായിക്കിടക്കുകയാണോ തുടങ്ങിയവയൊക്കെ അറിയാനാകും.

അതേസമയം, സ്വകാര്യ ഇ.വി സ്റ്റേഷനുകൾക്ക് സാങ്കേതിക സഹായവും നിർമാണവും ഏറ്റെടുത്ത് നടത്തിക്കൊടുക്കാനും കെ.എസ്.ഇ.ബി തീരുമാനിച്ചിട്ടുണ്ട്. സ്വകാര്യ വ്യക്തികൾക്കും സർക്കാർ സ്ഥാപനങ്ങൾക്കും വൈദ്യുത വാഹന ചാർജിങ് സ്റ്റേഷനുകളും അനുബന്ധ ജോലികളും ഡെപ്പോസിറ്റ് വർക്ക് ശൈലിയിൽ പൂർത്തീകരിച്ച് നൽകാനാണ് തീരുമാനം.

ആധുനിക ചാർജിങ് സ്റ്റേഷൻ ഉപകരണങ്ങളും ഗുണനിലവാരവും കെ.എസ്.ഇ.ബി ഉറപ്പാക്കും. അതോടൊപ്പം കെ.ഇ.എം ആപ് വഴി ചാർജ് ചെയ്ത് നൽകും. ചാർജിങ് സ്റ്റേഷനാവശ്യമായ ട്രാൻസ്ഫോർമറും മറ്റും സ്ഥാപിക്കുന്ന ജോലികൾ കെ.എസ്.ഇ.ബി നിർവഹിക്കും. അനുയോജ്യമായ മേൽക്കൂരയും സാധ്യതക്ക് അനുസരിച്ച് റൂഫ് ടോപ് സോളാർ നിലയവും ഒരുക്കും. കെ.എസ്.ഇ.ബി എം പാനൽ ചെയ്യുന്ന വിദഗ്ധ സ്ഥാപനങ്ങൾ വഴിയാകും ഈ പ്രവൃത്തികൾ നിർവഹിക്കുകയെന്നും കെ.എസ്.ഇ.ബി അധികൃതർ അറിയിച്ചു.

കെ.​ഇ.​എം ആ​പ് പ്ര​വ​ർ​ത്തി​പ്പി​ക്കും​വി​ധം

• ആ​പ് ഡൗ​ൺ​ലോ​ഡ് ചെ​യ്യു​ക. ക്യു.​ആ​ർ കോ​ഡ് സ്കാ​ൻ ​ചെ​യ്ത് ലോ​ഗി​ൻ ചെ​യ്യു​ക.

• ചാ​ർ​ജി​ങ് തു​ട​ങ്ങാ​ൻ ‘ഇ​നി​ഷി​യേ​റ്റ് ചാ​ർ​ജി​ങ്ങി’​ൽ തൊ​ടു​ക. ആ​വ​ശ്യ​മു​ള്ള സോ​ക്ക​റ്റ്/​ഗ​ൺ തെ​ര​ഞ്ഞെ​ടു​ക്കു​ക.

• എ​ത്ര യൂ​നി​റ്റ് ഊ​ർ​ജം ആ​വ​ശ്യ​മു​ണ്ട് എ​ന്ന് സെ​ല​ക്ട് ചെ​യ്യു​ക. ‘സ്റ്റാ​ർ​ട്ട് ചാ​ർ​ജി​ങ്ങി’​ൽ തൊ​ടു​ക.

• ഡെ​ബി​റ്റ്/ ക്രെ​ഡി​റ്റ്/ നെ​റ്റ് ബാ​ങ്കി​ങ്/ യു.​പി.​ഐ വ​ഴി പ​ണം അ​ട​ക്കു​ക.

• സ്റ്റാ​ർ​ട്ട് ബ​ട്ട​ൺ അ​മ​ർ​ത്തു​ക. ചാ​ർ​ജി​ങ് പൂ​ർ​ത്തി​യാ​വും വ​രെ കാ​ത്തി​രി​ക്കു​ക. അ​​ല്ലെ​ങ്കി​ൽ സ്റ്റോ​പ് ചാ​ർ​ജി​ങ് അ​മ​ർ​ത്തു​ക.