Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_right'പറഞ്ഞാൽ...

'പറഞ്ഞാൽ കേൾക്കുന്ന'സ്​കൂട്ടർ, എൻടോർക്​ റേസ്​ എക്​സ്​.പി വിസ്​മയം തീർക്കും

text_fields
bookmark_border
പറഞ്ഞാൽ കേൾക്കുന്നസ്​കൂട്ടർ, എൻടോർക്​ റേസ്​ എക്​സ്​.പി വിസ്​മയം തീർക്കും
cancel

ജനപ്രിയ സ്​കൂട്ടറായ എൻ ടോർകിന്​ കരുത്തുകൂടിയ വകഭേദം അവതരിപ്പിച്ച്​ ടി.വി.എസ്​. വോയ്​സ്​ കമാൻഡ്​ ഉൾപ്പടെയുള്ള പ്രത്യേകതകളുമായി വരുന്ന വാഹനത്തിന്​ എൻ ടോർക്​ റേസ്​ എക്​സ്​.പി എന്നാണ്​ പേരിട്ടിരിക്കുന്നത്​. പുതിയ സ്​കൂട്ടറിനായി ടിവിഎസ് കണക്റ്റ് മൊബൈൽ ആപ്ലിക്കേഷ​െൻറ യൂസർ ഇൻറർഫേസ്​ അപ്‌ഡേറ്റുചെയ്‌തിട്ടുണ്ട്​. കണക്റ്റുചെയ്‌തിരിക്കുന്ന ബ്ലൂടൂത്ത് ഉപകരണത്തിലൂടെയും 15 വ്യത്യസ്​ത വോയ്‌സ് കമാൻഡുകൾ സ്വീകരിക്കാൻ ഇൗ സംവിധാനത്തിനാകും. നാവിഗേഷൻ മുതൽ വിവിധ മോഡുകൾ തിര​ഞ്ഞെടുക്കുന്നതുവരെയുള്ള കമാൻഡുകൾ ഇത്തരത്തിൽ വാഹനം സ്വീകരിക്കും.



സാധാരണ എൻ ടോർകിനേക്കാൾ കൂടുതൽ കരുത്തും ടോർകും ഉത്​പ്പാദിപ്പിക്കുന്ന വാഹനമാണിത്​. റേസ്​, സ്​ട്രീറ്റ്​ എന്നിങ്ങനെ രണ്ട്​ റേസിങ്​ മോഡുകളും റേസ്​ എക്​സ്​ പിക്കുണ്ട്​. സാധാരണ എൻ ടോർകി​െൻറ ഡിക്​സ്​ ബ്രേക്​ വേരിയൻറിനേക്കാൾ 8000 രൂപ കൂടുതലാണ്​ പുതിയ മോഡലിന്​. ഇതോടെ എൻ.ടോർക്​ മൊത്തം അഞ്ച്​ വേരിയൻറുകളിൽ ലഭ്യമാകും. ഡ്രം ബ്രേക്​ (71,095 രൂപ), ഡിസ്​ക്​ (75,395), റേസ് (78,375), സൂപ്പർ സ്ക്വാഡ് (81,075), റേസ് എക്സ്പി (83,275) എന്നിവയാണ്​ നിലവിലെ വേരിയൻറുകൾ. മറ്റ് വേരിയന്റുകളിൽ നിന്ന് വ്യത്യസ്​തമായി, റേസ് എക്​സ്​പിയുടെ എഞ്ചിൻ ടൂണിങിൽ വ്യത്യാസമുണ്ട്​. 7,000 ആർപിഎമ്മിൽ 10.2 എച്ച്പി കരുത്തും 5,500 ആർപിഎമ്മിൽ 10.8 എൻഎം ടോർകുമാണ്​ സ്​കൂട്ടറിനുള്ളത്​.


മറ്റ് മോഡലുകളെ അപേക്ഷിച്ച് 0.8 എച്ച് പി, 0.3 എൻഎം ടോർക്​ എന്നിവ വർധിച്ചു. ഈ വേരിയൻറ് മറ്റ് മോഡലുകളേക്കാൾ ഭാരം കുറഞ്ഞതാണെന്നും കമ്പനി പറയുന്നു. അതുകൊണ്ടുതന്നെ മെച്ചപ്പെട്ട പെൻഫോമൻസ്​ ലഭിക്കുമെന്നതും പ്രത്യേകതയാണ്​. റേസ്​ എക്​സ്​ പിയുടെ ടോപ്പ് സ്പീഡ് 98 കിലോമീറ്ററാണ്​. റേസ് മോഡിൽ മികച്ച ആക്​സിലറേഷനും ലഭ്യമാകും. കുറഞ്ഞ വേഗതയിൽ സ്​ട്രീറ്റ്​ മോഡ്​ ഉപയോഗിച്ചാൽ ഇന്ധനക്ഷമതയും വർധിക്കും. പുതിയ ത്രീ-ടോൺ കളർ സ്​കീമും ചുവന്ന നിറമുള്ള അലോയ് വീലുകളും സ്​കൂട്ടറിന്​ നൽകിയിട്ടുണ്ട്​​.

Show Full Article
TAGS:TVS NTorq Race XP launched Scooter 
Next Story