Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightതുർക്കിയിൽ നി​െന്നാരു...

തുർക്കിയിൽ നി​െന്നാരു പറക്കുംകാർ; പേര്​ സെസെരി

text_fields
bookmark_border
തുർക്കിയിൽ നി​െന്നാരു പറക്കുംകാർ; പേര്​ സെസെരി
cancel

തുർക്കി തങ്ങളുടെ ആദ്യത്തെ തദ്ദേശീയ പറക്കൽ കാർ പരീക്ഷിച്ചു, പേര്​ സെസെരി. ഹോളിവുഡ് സയൻസ് ഫിക്ഷൻ സിനിമയിൽ നിന്ന് നേരിട്ട് ഇറങ്ങിവന്ന രൂപഭാവങ്ങളുള്ള വാഹനമാണ്​ സെസെരി. ബേയ്​ക്കർ കമ്പനിയിലെ ടർക്കിഷ് എഞ്ചിനീയർമാർ രൂപകൽപ്പന ചെയ്ത സെസെരി സെപ്റ്റംബർ 15ന് ഇസ്​താംബൂളിൽ വിജയകരമായി പരീക്ഷിച്ചു. നിലവിൽ വാഹനത്തി​െൻറ പ്രോട്ടോടൈപ്പാണ് തയ്യാറായിരിക്കുന്നത്​.

പറക്കും കാർ എന്ന്​ വിപണിയിലെത്തുമെന്ന്​ ഉറപ്പായിട്ടില്ല. വിശദ പരിശോധനയ്ക്കായി കൂടുതൽ പ്രോട്ടോടൈപ്പുകൾ നിർമ്മിക്കാൻ കമ്പനി ആഗ്രഹിക്കുന്നുണ്ടെന്ന് ബേയ്​ക്കർ അധികൃതർ പറഞ്ഞു. 'അടുത്ത ഒന്ന്​​രണ്ട്​ വർഷങ്ങൾക്കകം ഞങ്ങൾ കൂടുതൽ നൂതന പ്രോട്ടോടൈപ്പുകൾ നിർമ്മിക്കും. കൂടാതെ മനുഷ്യനെവഹിച്ചുകൊണ്ട്​ യാത്രകളും നടത്തും'-തുർക്കി മാധ്യമങ്ങളോട് സംസാരിച്ച ബേയ്​ക്കർ ചീഫ് ടെക്‌നോളജി ഓഫീസർ സെൽകുക് ബെയ്‌രക്തർ പറഞ്ഞു.


10 മീറ്ററിലധികം നീളവും 230 കിലോഗ്രാം ഭാരവുമുള്ള വാഹനമാണ്​ സെസെരി. വ്യാവസായിക അടിസ്​ഥാനത്തിൽ സെസരി നിർമിക്കുന്നതിന്​ 10-15 വർഷമെടുക്കുമെന്നാണ്​ കണക്കുകൂട്ടുന്നത്​. സെസെരി ആദ്യമായി പ്രദർശിപ്പിച്ചത്​ കഴിഞ്ഞ വർഷം നടന്ന ടർക്കിഷ്​ ടെക്​നോളജി മേളയായ ടെക്​നൊഫെസ്​റ്റിലാണ്​. തുർക്കിയിലെ പ്രശസ്​തനായ എഞ്ചിനീയർ ഇസ്​മായീൽ അൽ ജസരിയുടെ സ്​മരണാർഥമാണ്​ പറക്കും വാഹനത്തിന്​ സെസെരി എന്ന്​ പേര്​ നൽകിയിരിക്കുന്നത്.1984ലാണ്​ ബേയ്​ക്കർ എഞ്ചിനീയേഴ്​സ്​ പ്രവർത്തനം ആരംഭിച്ചത്​. ഡ്രോണുകൾ ഉൾപ്പടെ നിർമിക്കുന്ന കമ്പനിയാണിത്​.

Show Full Article
TAGS:Turkey Flying Car Cezeri automobile 
Next Story