ബർമിങ്​ഹാമിൽ ഒരു ഹൈടെക്​ മോഷണം; ഹോളിവുഡ്​ താരത്തി​െൻറ കോടികൾ വിലയുള്ള കാർ കവർന്നു

ഹോളിവുഡ്​ താരത്തി​െൻറ ലക്ഷ്വറി കാർ കവർന്ന്​ ​ൈഹടെക്​ കള്ളന്മാർ. മിഷൻ ഇ​േമ്പാസിബിൾ താരം ടോം ക്രൂസി​െൻറ ബി.എം.ഡബ്ല്യു എക്​സ്​ സെവൻ ആണ്​ കവർച്ചപോയത്​. ബ്രിട്ടനിലെ ബർമിങ്​ഹാമിൽ മിഷൻ ഇ​േമ്പാസിബിൾ സെവ​െൻറ ഷൂട്ടിങ്ങിനായി എത്തിയതായിരുന്നു ടോം. ഹോട്ടലിന്​ വെളിയിൽ പാർക്ക്​ ചെയ്​തിരുന്ന വാഹനമാണ്​ മോഷ്​ടാക്കൾ കൊണ്ടുപോയത്​.

100,000 യൂറോ(ഏകദേശം 1.01 കോടി) വിലയുള്ള എക്​സ്​ സെവൻ ബീമറി​െൻറ ഏറ്റവും ഉയർന്ന എസ്​.യു.വിയാണ്​. കാറി​െൻറ കീലെസ് ഇഗ്നിഷൻ ഫോബി​െൻറ സിഗ്നൽ ക്ലോൺ ചെയ്​താണ്​ മോഷണം നടത്തിയതെന്ന്​ പൊലീസ്​ പറഞ്ഞു.

നടന്നത്​ ഹൈടെക്​ മോഷണം

ബി.എം.ഡബ്ല്യുവി​െൻറ സാ​േങ്കതികമായി ഏറ്റവും ഉയർന്ന വാഹനങ്ങളിൽ ഒന്നാണ്​ എക്​സ്​ സെവൻ. കീലെസ്സ്​ എൻട്രി ആൻഡ്​ ഗോ സംവിധാനമുള്ള വാഹനമാണിത്​. കീ ഉപയോഗിക്കാതെതന്നെ വാഹനം തുറക്കാനും സ്​റ്റാർട്ട്​ ചെയ്യാനും സാധിക്കും. ടോം ക്രൂസി​െൻറ വാഹനത്തി​െൻറ കോഡ്​, വയർലെസ്​ ട്രാൻസ്​മിറ്ററുകൾ ഉപയോഗിച്ച്​ ക്രാക്ക്​ ചെയ്​താണ്​ മോഷ്​ടാക്കൾ വാഹനം തുറന്നതും സ്​റ്റാർട്ട്​ ചെയ്​തതും. കാറി​െൻറ കീലെസ് ഫോബിലേക്ക് ഒരു സന്ദേശം പുറപ്പെടുവിച്ചുകൊണ്ട് സിഗ്നൽ പിടിച്ചെടുക്കുകയാണ്​ ആദ്യം ചെയ്യുന്നത്​. തുടർന്ന് വാഹനത്തിനരികിൽ നിൽക്കുന്ന മോഷ്​ടാക്കളിൽ ഒരാൾ സിഗ്നൽ സ്വീകരിക്കുകയും വാഹനത്തി​െൻറ താക്കോൽ പരിധിക്കുള്ളിലാണെന്ന് കാറി​െൻറ സോഫ്​വെയറിനെ തെറ്റിദ്ധരിപ്പിക്കുകയും ​ചെയ്യുന്നു.

ഇ​ങ്ങിനെ കാർ അൺലോക്ക് ചെയ്യുകയും മോഷ്ടാവ് അകത്തുകടക്കുകയും ചെയ്യും. കാറി​െൻറ ടെക്​നിക്കൽ പോർട്ട് ഉപയോഗിച്ച് പ്രോഗ്രാം ചെയ്യാൻ കഴിയുന്ന ശൂന്യമായ ഫോബ് ഉപയോഗിച്ച് ഇതേ പ്രക്രിയ ആവർത്തിച്ചാണ്​ വാഹനം സ്​റ്റാർട്ട്​ ചെയ്യുന്നത്​. ഇതേ രീതിയിൽ മോഷ്​ടാക്കൾക്ക് റേഡിയോ ഫ്രീക്വൻസിയുടെ സഹായത്തോടെ ഡ്രൈവറുടെ കീഫോബ് ജാം ചെയ്യാമെന്നും പൊലീസ്​ വിശദീകരിക്കുന്നു. കാറി​െൻറ കമ്പ്യൂട്ടർ ഹാർഡ്‌വെയറിലേക്ക് ആക്‌സസ് നേടാൻ ഇത് അവരെ സഹായിക്കും.

വാഹനം കണ്ടെത്തി

ജി.പി.എസ്​ ട്രാക്കർ ഉപയോഗിച്ച്​ വാഹനം കണ്ടെത്താൻ പൊലീസിനായിട്ടുണ്ട്​. എന്നാൽ വിലപിടിപ്പുള്ള നിരവധി സാധനങ്ങൾ വാഹനത്തിൽ നിന്ന്​ നഷ്​ടമായി. ഇതിലധികവും ടോം ക്രൂസി​െൻറ സ്വകാര്യ സാധനങ്ങളാണ്​. നാല് ഡോറുകളുള്ള ആഡംബര എസ്​.യു.വിയാണ്​ ബി.എം.ഡബ്ല്യു എക്​സ്​ സെവൻ. 4.4 ലിറ്റർ വി 8 എഞ്ചിനാണ്​ വാഹനത്തിന്​ കരുത്തുപകരുന്നത്​. 523 എച്ച്പി കരുത്ത് പുറത്തെടുക്കാൻ എഞ്ചിന്​ കഴിയും. 4.7 സെക്കൻഡിൽ പൂജ്യത്തിൽ നിന്ന് 96 കിലോമീറ്റർ വേഗത കൈവരിക്കാൻ വാഹനത്തിന് കഴിയും. മണിക്കൂറിൽ 249 കിലോമീറ്ററാണ് പരമാവധി വേഗത.