Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightനിലം ഉഴുതുന്നതിന്​...

നിലം ഉഴുതുന്നതിന്​ സ്വയം ഒാടുന്ന ട്രാക്​ടർ, ഇനി കൃഷിയും ​ഹൈടെക്കാകും

text_fields
bookmark_border
നിലം ഉഴുതുന്നതിന്​ സ്വയം ഒാടുന്ന ട്രാക്​ടർ, ഇനി കൃഷിയും ​ഹൈടെക്കാകും
cancel

വൈദ്യുത വാഹനങ്ങൾ റോഡുകൾ കീഴടക്കു​ന്ന സമകാലീന ലോകത്ത്​ മറ്റൊരു സാധ്യതകൂടി പരീക്ഷിക്കുകയാണ്​ ചില നിർമാതാക്കൾ. കൃഷിയിടങ്ങളാണ്​ ആ പരീക്ഷണ വേദിയെന്ന്​ മാത്രം. ഇ ട്രാക്​ടറുകൾ നിർമിച്ച്​ മേഖലയിൽ പുതുവിപ്ലവം തീർക്കുന്നത്​ മൊണാർക്ക്​ കമ്പനിയാണ്​. സ്വയം ഒാടുന്ന വൈദ്യുത ട്രാക്​ടറുകളായ ഫാം വാരിയറാണ്​ മൊണാർക്കി​െൻറ പുതിയ ഉത്​പന്നം.പരമ്പരാഗത ഡീസൽ ട്രാക്ടറുകൾക്ക് ബദലായാണ്​ സീറോ എമിഷൻ ട്രാക്​ടറുകൾ മൊണാർക്ക്​ നിർമിച്ചിരിക്കുന്നത്​. നിരവധി സുരക്ഷാ സംവിധാനങ്ങളും സവിശേഷതകളും ഫാം വാരിയർ വാഗ്​ദാനം ചെയ്യുന്നു.


ഒാ​േട്ടാണമസ്​ ഡ്രൈവിങ്​ ശേഷിയാണ്​ ഇതിൽ പ്രധാനം. അപകടഭീതിയില്ലാതെ കൃഷിയിടങ്ങളിൽ പ്രവർത്തിപ്പിക്കാനാവുമെന്നതിനാൽ സ്വയം ഒാടുന്ന ട്രാക്​ടറുകൾക്ക്​ വലിയ സാധ്യതയാണുള്ളത്​. നാവിഗേഷൻ സവിശേഷത ഉപയോഗിച്ച്​ മാപ്പ്​ ചെയ്​ത്​ വാഹനം പ്രവർത്തന സജ്ജമായാൽ ഫാം വാരിയർ നിലം സ്വയം ഉഴുതാൻ തുടങ്ങും. ഒരു സ്​മാർട്ട്ഫോൺ ഉപയോഗിച്ച്​ ഇൗ ട്രാക്​ടർ കൈകാര്യം ചെയ്യാനുമാകും. കൃഷി കൂടാതെ മോണാർക്ക് ട്രാക്ടർ ഒരു ഓൾ-ടെറൈൻ വെഹിക്കിൾ (എടിവി) ആയും ഉപയോഗിക്കാം.


കൂടാതെ ബാറ്ററി പായ്ക്ക് ഉപയോഗിച്ച് പവർ ടൂളുകൾക്ക് ആവശ്യമായ വൈദ്യുതിയും വാഹനം ലഭ്യമാക്കും. വാഹനത്തിന്​ കരുത്തുപകരുന്നത്​ 55 കിലോവാട്ട് മോട്ടോർ ആണ്​. കൂട്ടിയിടികളുടെ സാധ്യത ലഘൂകരിക്കുന്നതിന് 360 ഡിഗ്രി ക്യാമറകൾ ഉപയോഗിച്ചിട്ടുണ്ട്​. സെൻറർ കൺസോളിലെ ടച്ച് സ്‌ക്രീൻ ഡിസ്‌പ്ലേയും നൽകിയിട്ടുണ്ട്​. ഫാം വാരിയറിന്​ ഓരോ ദിവസവും 240 ജിബി ക്രോപ്പ് ഡാറ്റ ശേഖരിക്കാനും സംഭരിക്കാനും വിശകലനം ചെയ്യാനും കഴിയും.

ഫുൾ ചാർജ്​ ചെയ്​താൽ 10 മണിക്കൂറിൽ കൂടുതൽ ട്രാക്​ടർ പ്രവർത്തിപ്പിക്കാൻ കഴിയും. 70 എച്ച്പി പവർ ആണ്​ വാഹനത്തിനുള്ളത്​. ഒരുപ്രാവശ്യം പൂർണമായി റീചാർജ് ചെയ്യാൻ അഞ്ച് മണിക്കൂർവരെ സമയം എടുക്കും. നിലവിൽ അമേരിക്കയിൽ പുറത്തിറക്കിയ ഫാം വാരിയറി​െൻറ വില 50,000 ഡോളർ അഥവാ 36.50 ലക്ഷം രൂപയാണ്​.

Show Full Article
TAGS:self-drive tractor farm warrior launched Monarch e-tractor 
Next Story