Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightടെസ്​ല 2021​െൻറ...

ടെസ്​ല 2021​െൻറ തുടക്കത്തിൽ തന്നെ ഇന്ത്യയിൽ പ്രവർത്തനം ആരംഭിക്കുമെന്ന്​ നിതിൻ ഗഡ്​കരി

text_fields
bookmark_border
ടെസ്​ല 2021​െൻറ തുടക്കത്തിൽ തന്നെ ഇന്ത്യയിൽ പ്രവർത്തനം ആരംഭിക്കുമെന്ന്​ നിതിൻ ഗഡ്​കരി
cancel

മുംബൈ: 2021​െൻറ തുടക്കത്തിൽ തന്നെ അമേരിക്കൻ ഇലക്ട്രിക് വാഹന കമ്പനിയായ ടെസ്​ല ഇന്ത്യയിൽ പ്രവർത്തനം ആരംഭിച്ചേക്കുമെന്ന് കേന്ദ്ര ഗതാഗത മന്ത്രി നിതിൻ ഗഡ്കരി. ആദ്യം വിൽപ്പനയിലൂടെ പ്രവർത്തനം ആരംഭിക്കുകയും തുടർന്ന് വിപണിയിലെ പ്രകടനം അടിസ്ഥാനമാക്കി അസംബ്ലി, നിർമ്മാണം എന്നിവയിലേക്ക്​ ടെസ്​ല തിരിയുമെന്നും അദ്ദേഹം പറഞ്ഞു. ഇന്ത്യൻ എക്സ്പ്രസിനോടാണ്​ ഗഡ്​കരി ഇക്കാര്യം അറിയിച്ചത്​.

'ഇലക്ട്രിക് വാഹന മേഖലയിലേയ്ക്ക് ധാരാളം ഇന്ത്യൻ കമ്പനികളും മുന്നോട്ട്​ വരുന്നുണ്ട്​. അവയും സാങ്കേതികമായി ടെസ്‌ലയെപ്പോലെ മുന്നേറും അഞ്ച് വർഷത്തിനുള്ളിൽ ഇന്ത്യ ഓട്ടോ നിർമാണ കേന്ദ്രമായി മാറുമെന്നും ഗഡ്കരി കൂട്ടിച്ചേർത്തു.

ഇലക്​ട്രിക്​ വാഹനങ്ങൾ പ്രോത്സാഹിപ്പിച്ച്​ എണ്ണയെ ആശ്രയിക്കുന്നത് കുറയ്ക്കാനും മലിനീകരണം തടയാനും ഇന്ത്യ കാലങ്ങളായി താല്പര്യം കാണിക്കുന്നുണ്ടെങ്കിലും, അത്തരം വാഹനങ്ങളുടെ നിർമാണത്തിലും അടിസ്ഥാന സൗകര്യങ്ങളായ ചാർജിങ്​ സ്റ്റേഷനുകളിലുമുള്ള നിക്ഷേപത്തി​െൻറ അഭാവമാണ്​ ഇതിനെല്ലാം തടസ്സമാകുന്നത്​.

2021 ൽ കമ്പനി ഇന്ത്യയിൽ എത്തുമെന്ന് ടെസ്‌ല സിഇഒ എലോൺ മസ്‌ക് ഒക്ടോബറിൽ സൂചന നൽകിയിരുന്നു. "അടുത്ത വർഷം ഉറപ്പായും വരും," എന്നായിരുന്നു ഒരു ഇന്ത്യൻ ടെസ്​ല ഫാനി​െൻറ ചോദ്യത്തിന് മറുപടിയായി മസ്ക് ട്വിറ്ററിൽ ഉത്തരം നൽകിയത്​.

ഇന്ത്യയിലെത്തുന്ന ആദ്യത്തെ മോഡൽ താങ്ങാനാവുന്ന വില വിഭാ​ഗത്തിൽ വരുന്ന ടെസ്‌ല മോഡൽ 3 ആയിരിക്കുമെന്ന് ചില സമീപകാല റിപ്പോർട്ടുകൾ സൂചിപ്പിക്കുന്നു. അമേരിക്കയിൽ 74,739 ഡോളറാണ്​ മോഡൽ 3ക്ക്​ നൽകേണ്ടി വരുന്നത്​. വില​ രൂപയിൽ ആക്കിയാൽ 55 ലക്ഷം വരും. ഏതാനും ആഴ്ചകൾക്കുള്ളിൽ ഇന്ത്യയിൽ ടെസ്​ലയുടെ ബുക്കിംഗ് ആരംഭിക്കുമെന്നും റിപ്പോ‍ർട്ടുകളുണ്ട്. എന്നാൽ അടുത്ത വർഷം രണ്ടാം പകുതിയോടെ മാത്രമേ വിൽപ്പന നടക്കൂവെന്ന് ഇക്കണോമിക് ടൈംസ് റിപ്പോർട്ട് പറയുന്നു.

Show Full Article
TAGS:Tesla Nitin Gadkari elon musk 
News Summary - Tesla to Start Operations in India Early Next Year Says Nitin Gadkari
Next Story