നെക്സണിന് പുതിയ വേരിയന്റുമായി ടാറ്റ

കൊച്ചി: എസ്.യു.വി നെക്സണ് എക്‌സ് എം + (എസ്) എന്ന പേരിൽ പുതിയ വേരിയന്റ് പുറത്തിറക്കി ടാറ്റ മോട്ടോഴ്‌സ്. XM (S) നും XZ+ നും ഇടയില്‍ അവതരിപ്പിച്ചിരിക്കുന്ന നിരവധി ഫീച്ചറുകളുള്ള പുതിയ മോഡല്‍ 9.5 ലക്ഷം രൂപക്ക് (എക്‌സ് ഷോറൂം, ഡല്‍ഹി) ലഭ്യമാകും. പ്രാരംഭവിലയില്‍ കാല്‍ഗറി വൈറ്റ്, ഡേടോണ ഗ്രേ, ഫ്‌ളെയിം റെഡ്, ഫോളിയാഷ് ഗ്രീന്‍ എന്നീ കളര്‍ ഓപ്ഷനുകളില്‍ നെക്സണ്‍ എക്‌സ് എം + (എസ്) ലഭിക്കും.

ഇലക്ട്രിക് സണ്‍റൂഫ്, ആൺഡ്രോയ്ഡ് ഓട്ടോ, ആപ്പിള്‍ കാര്‍ പ്ലേ എന്നിവ സഹിതമുള്ള 7 ഇഞ്ച് ഫ്‌ളോട്ടിങ് ഇന്‍ഫോടെയ്ന്‍മെന്റ് സിസ്റ്റം, 4 സ്പീക്കര്‍ സംവിധാനം, കൂള്‍ഡ് ഗ്ലോവ് ബോക്‌സ്, റിയര്‍ എസി വെന്റുകള്‍, മഴയെ തിരിച്ചറിയുന്ന വൈപ്പറുകള്‍, ഓട്ടോ ഹെഡ് ലാം പുകള്‍, ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍, വിവിധ ഡ്രൈവ് മോഡുകള്‍, 12 V 12 റിയര്‍ പവര്‍ സോക്കറ്റ്, ഷാര്‍ക്ക് ഫിന്‍ ആന്റിന തുടങ്ങിയ ഫീച്ചറുകളും സജ്ജമാക്കിയിട്ടുണ്ട്.