Begin typing your search above and press return to search.
exit_to_app
exit_to_app
tata safari hording
cancel
Homechevron_rightHot Wheelschevron_rightAuto Newschevron_rightവീണ്ടും ഞെട്ടിച്ച്​...

വീണ്ടും ഞെട്ടിച്ച്​ ടാറ്റ; സഫാരിക്കായി ഒരുക്കിയത്​ ഇന്ത്യയിലെ ഏറ്റവും വലിയ പരസ്യബോർഡ്​

text_fields
bookmark_border

പുതിയ സഫാരിയുടെ പ്രചാരണത്തിനായി ടാറ്റ മോട്ടോഴ്‌സ് തയാറാക്കിയ പരസ്യബോർഡ്​ കണ്ട്​ ​െഞട്ടി വാഹനപ്രേമികൾ. മുംബൈ-പുണെ എക്സ്പ്രസ് ഹൈവേയിലാണ്​ ഇന്ത്യയിലെ തന്നെ ഏറ്റവും വലിയ പരസ്യബോർഡ്​ സ്ഥാപിച്ചത്​.

ഹോർഡിംഗിന്​ 225 അടിയിലധികം വീതിയും 125 അടി ഉയരവുമുണ്ട്. 265 ടൺ സ്റ്റീലാണ്​ ഇത്​ നിർമിക്കാനായി ഉപയോഗിച്ചിട്ടുള്ളത്​. വാഹനത്തിന്‍റെ രൂപവും സഫാരി എന്ന ഭീമൻ എഴുത്തുമാണ്​ ഇതിലുള്ളത്​.


ഹോർഡിംഗിന്‍റെ മൊത്തം വിസ്തീർണ്ണം 28,000 ചതുരശ്ര അടി വരും. നേരത്തെ ഇതേസ്​ഥലത്ത്​ ടാറ്റ ഹാരിയറിന്‍റെ സമാന രീതിയിലുള്ള ബോർഡ്​ വെച്ചിരുന്നു. അതിനേക്കാൾ 500 ചതുരശ്ര അടി കൂടുതലുണ്ട്​ പുതിയ ബോർഡിന്​.

പുതിയ സഫാരി അടിസ്ഥാനപരമായി ഹാരിയറിന്‍റെ ഏഴ്​ സീറ്റുള്ള പതിപ്പാണ്. ലാൻഡ് റോവർ ഒരുക്കിയ ഒമേഗാർക്ക് പ്ലാറ്റ്ഫോമിനെ അടിസ്ഥാനമാക്കിയുള്ളതാണ് രണ്ട്​ വാഹനവും. 2.0 ലിറ്റർ, 4 സിലിണ്ടർ ഡീസൽ എൻജിനാണ് സഫാരിക്ക്​ കരുത്തേകുന്നത്​. ആറ്​ സ്പീഡ് മാനുവൽ, ഓട്ടോമാറ്റിക് ഗിയർ ബോക്​സുകൾ ഈ എസ്‌.യു.വി വാഗ്ദാനം ചെയ്യുന്നു.

Show Full Article
TAGS:tata safari mumbai-pune express highway 
News Summary - Tata shocks again; The largest billboard in India for safaris
Next Story