Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightHot Wheelschevron_rightAuto Newschevron_rightഒന്നര ലക്ഷം...

ഒന്നര ലക്ഷം നെക്​സോണുകൾ നിരത്തിൽ; അന്തംവിട്ട്​ ടാറ്റ

text_fields
bookmark_border
ഒന്നര ലക്ഷം നെക്​സോണുകൾ നിരത്തിൽ; അന്തംവിട്ട്​ ടാറ്റ
cancel

മുംബൈ: നെക്​സോണുകളുടെ വിൽപ്പനയിൽ ഒന്നരലക്ഷമെന്ന നാഴികക്കല്ല്​ പിന്നിട്ട്​ ടാറ്റ മോ​േട്ടാഴ്​സ്​. പുനെയിലെ രഞ്ചൻഗാവോണിലെ ഉത്പാദന കേന്ദ്രത്തില്‍ നിന്നാണ്​ മൈൽസ്​റ്റോൺ നെക്​സോൺ പുറത്തുവന്നത്​. 2017ല്‍ വിപണിയിലിറങ്ങിയതു മുതല്‍ ശ്രദ്ധനേടിയ മോഡലാണ്​ നെക്​സോൺ. 2018 ല്‍ അന്താരാഷ്ട്ര തലത്തില്‍ പ്രശസ്​തമായ സുരക്ഷാ നിര്‍ണ്ണയ ഏജന്‍സിയായ ഗ്ലോബല്‍ എന്‍സിഎപിയില്‍ നിന്ന് ഫൈവ്​ സ്റ്റാര്‍ സേഫ്റ്റി റേറ്റിങ്​ നേടാൻ വാഹനത്തിനായി. ഇൗ നേട്ടം കൈവരിക്കുന്ന ഇന്ത്യയിലെ ആദ്യ ചെറു കാറായിരുന്നു നെക്​സോൺ.

ടാറ്റയുടെ മറ്റ്​ വാഹനങ്ങളായ ആല്‍ട്രോസ്, തിയാഗോ, തിഗോര്‍ തുടങ്ങിയ മോഡലുകളും പിന്നീട്​ സുരക്ഷയിൽ മികച്ച റേറ്റിങ്ങുകൾ കരസ്​ഥമാക്കി. 2019 ജൂലൈയിലാണ്​ ഒരുലക്ഷം വാഹനം വിറ്റഴിക്കുകയെന്ന നേട്ടം നെക്​സോൺ കൈവരിച്ചത്​. ഏകദേശം ഒരുവർഷംകൊണ്ട്​ 50000 വാഹനങ്ങൾകുടി വിൽക്കുവാൻ കമ്പനിക്കായി. കോമ്പാക്​ട്​ എസ് യു വി വിഭാഗത്തില്‍ പുതിയ മാനദണ്ഡങ്ങള്‍ സൃഷ്ടിക്കുന്നതില്‍ ടാറ്റ മോട്ടോഴ്‌സ്​ വിജയിച്ചു. കൂപ്പെ ഡിസൈനിൽ നിന്ന്​ പ്രചോദനം ഉൾക്കൊണ്ട രൂപം, ഫ്ലോട്ടിങ്​ ഇന്‍ഫോടെയിൻമെൻറ്​ സ്‌ക്രീന്‍, പ്രീമിയം ഇൻറീരിയറുകള്‍ എന്നിവ വാഹനത്തി​െൻറ പ്രത്യേകതകളായിരുന്നു. 209 എം.എം ഗ്രൗണ്ട് ക്ലിയറന്‍സുള്ള വാഹനമാണിത്​.


കരുത്തുറ്റ ടര്‍ബോചാർജ്​ഡ്​ എന്‍ജിനുകള്‍ മികച്ച പെര്‍ഫോമന്‍സിന്​ പേരുകേട്ടതാണ്​. അടുത്തിടെ പുറത്തിറങ്ങിയ ബിഎസ് 6 പതിപ്പിൽ മികച്ച സുരക്ഷാ സൗകര്യങ്ങളും ഉൾപ്പെടുത്തിയിട്ടുണ്ട്​. പുതിയ നേട്ടം ആഘോഷിക്കാനായി പ്രത്യേ മത്സരം സംഘടിപ്പിക്കുകയാണ് കമ്പനി. നെക്‌സണ്‍ വാങ്ങിയതു മുതല്‍ നിലവിലെ അനുഭവം വരെയുള്ള ഘട്ടം ഉപഭോക്താക്കള്‍ക്ക് ആഘോഷമാക്കാനുള്ള അവസരമാണിതെന്ന്​ ടാറ്റ പറയുന്നു. വിജയികള്‍ക്ക് ഇന്ത്യന്‍ ക്രിക്കറ്റ് ടീം വൈസ് ക്യാപ്റ്റനും ടാറ്റ നെക്‌സണി​െൻറ ബ്രാന്‍ഡ് അംബാസഡറുമായ കെ.എല്‍. രാഹുലിനെ കാണാനുള്ള അവസരവുമുണ്ട്​.

Show Full Article
TAGS:tata motors Nexon Tata Nexon hotwheels 
Next Story