Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightനെക്​സോൺ ഇ.വിയിൽ...

നെക്​സോൺ ഇ.വിയിൽ ഇനിമുതൽ ഇൗ ഫീച്ചറുകളും; ഫിസിക്കൽ ബട്ടനുകൾ ഒഴിവാക്കുന്നത്​ കുരുക്കാകുമോ?

text_fields
bookmark_border
Tata Motors silently updates Nexon EV with these new
cancel

ടാറ്റയുടെ ഇലക്​ട്രിക്​ വാഹനമായ നെക്​സോൺ ഇ.വിയിൽ പുതിയ ഫീച്ചറുകൾ കൂട്ടിച്ചേർത്ത്​ ടാറ്റ. കൂടുതലും സൗന്ദര്യാത്മകമായ മാറ്റങ്ങളാണ്​ വാഹനത്തിൽ വരുത്തിയിരിക്കുന്നത്​. നേരത്തേ പെട്രോൾ ഡീസൽ നെക്​സോണുകൾക്കും, ആൾട്രോസിലും വരുത്തിയിരിക്കുന്ന മാറ്റമാണ്​ ഇപ്പോൾ ഇ.വിയിലേക്കും കൊണ്ടുവന്നത്​. പുറത്തെ മാറ്റങ്ങളിൽ പ്രധാനം പുത്തൻ ഡിസൈനിലുള്ള അലോയ്​ വീലുകളാണ്​.


ഡ്യൂവൽ ടോൺ, ഫൈവ്​ സ്​പോക്​​ അലോയ്​ വീലുകൾ വിരിഞ്ഞ പൂവിനെ ഒാർമിപ്പിക്കുന്നതാണ്​. ഉള്ളിൽ ഡാഷ്​ബോർഡിലാണ്​ പ്രധാനമായും മാറ്റംവരുത്തിയിരിക്കുന്നത്​. ഏഴ്​ ഇഞ്ച് ഇൻഫോടെയ്ൻമെൻറ്​ സ്‌ക്രീനി​െൻറ നിരവധി പ്രവർത്തനങ്ങൾ നിയന്ത്രിക്കുന്ന ഫിസിക്കൽ ബട്ടണുകളും നോബുകളും എടുത്തുകളഞ്ഞിട്ടുണ്ട്​. മുമ്പ്, ആറ് ബട്ടണുകളും രണ്ട് റോട്ടറി നോബുകളും എസി വെൻറുകൾക്ക് താഴെ സ്ഥാപിച്ചിരുന്നു. ഇവയാണ്​ നീക്കം ചെയ്​തിരിക്കുന്നത്​. ബട്ടണുകൾക്കും നോബുകൾക്കും പകരം ക്രോമിൽ 'നെക്‌സൺ' എന്ന എഴുത്താണ്​ ഇവിടെ ഇപ്പോൾ പ്രദർശിപ്പിച്ചിരിക്കുന്നത്​.


ഹോം, ഫേവറിറ്റ്​, പ്രീവിയസ്​, നെക്​സ്​റ്റ്​, സ്​മാർട്ട്‌ഫോൺ, ബാക്ക് ഫംഗ്ഷനുകൾ എന്നിവ നിയന്ത്രിക്കുന്നതിന് ബട്ടണുകളാണ്​ ഇതുവരെ ഉപയോഗിച്ചിരുന്നത്​. വോളിയവും റേഡിയോ ട്യൂണറും നിയന്ത്രിക്കാൻ നോബുകളും വേണമായിരുന്നു. പുതിയ മോഡലിൽ ടച്ച്‌സ്‌ക്രീനിൽ തന്നെയാണ്​ ഈ പ്രവർത്തനങ്ങളെല്ലാം ഉൾപ്പെടുത്തിയിരിക്കുന്നത്​. ബട്ടണുകളും നോബും ഒഴിവാക്കിയത്​ ക്ലീനായ ഒരു ഡിസൈനിലേക്ക്​ നെക്​സോണിനെ എത്തിച്ചിട്ടുണ്ട്​. എന്നാൽ ഫിസിക്കൽ ബട്ടണുകൾ നൽകുന്ന സ്വാതന്ത്ര്യവും സൗകര്യവും ഡ്രൈവർക്ക്​ നഷ്​ടപ്പെടാൻ സാധ്യതയുണ്ട്​. പുതിയ ടച്ച്​സ്​ക്രീൻ പ്രവർത്തനവുമായി പൊരുത്തപ്പെടാൻ ഡ്രൈവർമാർക്ക് കുറച്ച് സമയമെടുക്കുകയും ചെയ്യും. ഡ്യുവൽ-ടോൺ, അഞ്ച്-സ്‌പോക്​ അലോയ് വീലുകൾ ഉൾപ്പെടുത്തിയെങ്കിലും ടയർ വലുപ്പം 215/60 R16 ൽ തുടരും.

രാജ്യത്ത് ഏറ്റവുമധികം വിറ്റഴിക്കപ്പെടുന്ന ഇലക്ട്രിക് പാസഞ്ചർ വാഹനമാണ് ടാറ്റയുടെ നെക്‌സൺ ഇ.വി. 2021 ഏപ്രിലിൽ ബാറ്ററിയിൽ പ്രവർത്തിക്കുന്ന എസ്‌യുവിയുടെ മൊത്തം 4,000ലധികം യൂനിറ്റുകൾ വിൽക്കാൻ ടാറ്റയ്ക്ക് ആയിരുന്നു. അടുത്ത കുറച്ച് മാസങ്ങളിൽ നെക്​സോൺ ഇവിയുടെ ഡാർക്​ എഡിഷൻ പതിപ്പും പുറത്തിറങ്ങുമെന്നാണ്​ പ്രതീക്ഷിക്കുന്നത്​.

Show Full Article
TAGS:Tata Motors Nexon EV updates automobile 
Next Story