മഴ പെയ്​താൽ അടയുന്ന സൺറൂഫ്​; പ്രത്യേക ഹാരിയർ പുറത്തിറക്കി ടാറ്റ

പ്രീമിയം എസ്​.യു.വിയായ ഹാരിയറിന്​ കൂടുതൽ മികവ്​ നൽകി ടാറ്റ. ഏറ്റവും വില കുറഞ്ഞതും എന്നാൽ ആഢംബരം നിറഞ്ഞതുമായ പുതിയൊരു മോഡൽകൂടി അവതരിപ്പിച്ചിരിക്കുകയാണ്​ കമ്പനി. പുതിയ വേരിയൻറി​െൻറ പേര്​ എക്​സ്​ ടി പ്ലസ്​. നേരത്തെയുള്ള എക്​സ്​ ടി എന്ന വേരിയൻറിൽ പനോരമിക്​ സൺറൂഫ്​ കൂട്ടിച്ചേർത്താണ്​ പുതിയ മോഡൽ പുറത്തിറക്കുന്നത്​.

16.99 ലക്ഷം രൂപയാണ് (എക്‌സ്‌ഷോറൂം, ദില്ലി) വാഹനത്തിന്​ വിലയിട്ടിരിക്കുന്നത്​. എക്​സ്​ ടി വേരിയൻറിനേക്കാൾ 40,000 രൂപ കൂടുതലും തൊട്ട്​ മുകളിലുള്ള എക്​സ്​ ഇസഡ്​ വേരിയൻറിനേക്കാൾ 65,000 രൂപ കുറവുമാണ്​ പുതിയ വാഹനത്തിന്​.

മറ്റ്​ ഫീച്ചറുകൾ

ചില പ്രത്യേകതകൾ ഉള്ളതാണ്​ ഹാരിയറിലെ പുതിയ സൺറൂഫ്​. വാഹനം നിർത്തിയാലൊ മഴ പെയ്​താലൊ താനെ അടയുന്നതരം സൺറൂഫാണിത്​. മറ്റ്​ പ്രത്യേകതകൾ പഴയ എക്​സ്​ ടി വേരിയൻറിന്​ സമാനമാണ്​. ഡ്യുവൽ ഫ്രണ്ട് എയർബാഗുകൾ, ഹിൽ-സ്റ്റാർട്ട് അസിസ്റ്റ്, ട്രാക്ഷൻ കൺട്രോൾ, ഫ്രണ്ട് ഫോഗ് ലാമ്പുകൾ, റിയർ പാർക്കിങ്ങ്​ സെൻസറുകൾ, റിയർ പാർക്കിങ്ങ്​ ക്യാമറ തുടങ്ങിയ സുരക്ഷാ സംവിധാനം വാഹനത്തിലുണ്ട്​.

എക്​സ്​ ടി, എക്​സ്​ ടി പ്ലസ്​ എന്നിവയ്ക്ക് ഓട്ടോമാറ്റിക് പ്രൊജക്ടർ ഹെഡ്​ലൈറ്റുകൾ, എൽ ഇ ഡി ഡി ആർ എൽ, 17-ഇഞ്ച്​ അലോയ് വീലുകൾ, 7.0 ഇഞ്ച് ടച്ച്സ്ക്രീൻ ഇൻഫോടെയ്ൻമെൻറ്​ സിസ്റ്റം, 6 സ്പീക്കറുകൾ (4 സ്പീക്കറുകൾ, 2 ട്വീറ്ററുകൾ), ആൻഡ്രോയിഡ് ഓട്ടോ, ആപ്പിൾ കാർ പ്ലേ കണക്റ്റിവിറ്റി, സ്റ്റിയറിംഗ് മൗണ്ട് ചെയ്ത ഓഡിയോ നിയന്ത്രണങ്ങൾ, പുഷ് ബട്ടൺ സ്​റ്റാർട്ട്​, ഒാ​േട്ടാമാറ്റിക്​ ക്ലൈമറ്റിക്​ കൺട്രോൾ, ഒാ​േട്ടാ വൈപ്പറുകൾ എന്നിവയുമുണ്ട്​. എഞ്ചിനിലും മറ്റ്​ ​പ്രത്യേകതകളിലും പഴയ ഹാരിയർ ത​െന്നയാണ്​ എക്​സ്​ ടി പ്ലസും.