Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightവരുന്നൂ, ആൾട്രോസ്​...

വരുന്നൂ, ആൾട്രോസ്​ ടർബോ; കരുത്തും സ്​റ്റൈലും വർധിക്കും

text_fields
bookmark_border
വരുന്നൂ, ആൾട്രോസ്​ ടർബോ; കരുത്തും സ്​റ്റൈലും വർധിക്കും
cancel

ജനപ്രിയ ഹാച്ച്​ബാക്കായ ആൾട്രോസിന്‍റെ കരുത്തുകൂടിയ മോഡലുമായി ടാറ്റ മോ​ട്ടോഴ്​സ്​. ടാറ്റാ അൽട്രോസ് ടർബോ പെട്രോൾ ജനുവരി 13ന് വിൽപ്പന ആരംഭിക്കും. വാഹനത്തിന്‍റെ ടീസർ ടാറ്റ പുറത്തുവിട്ടു. നാല് വേരിയന്‍റുകളിൽ വാഹനം ലഭ്യമാകുമെന്നാണ് റിപ്പോർട്ടുകൾ. ടർബോ പവർട്രെയിനിന് പുറമെ, ടാറ്റയുടെ പ്രീമിയം ഹാച്ച്ബാക്കിനായി പുതിയ മറീന ബ്ലൂ പെയിന്‍റ്​ സ്കീമും ഉൾപ്പെടുത്തും. സമാനമായോരു ഓപ്ഷൻ നിലവിൽ നെക്സൺ എസ്‌യുവിയിൽ മാത്രമാണുള്ളത്​.


പുതിയ പെയിന്‍റ്​ ഓപ്ഷനല്ലാതെ എക്സ്റ്റീരിയറുകളുടെ കാര്യത്തിൽ കാര്യമായ അപ്‌ഡേറ്റുകൾ ഉണ്ടാകില്ല എന്നാണ്​ സൂചന. ടെയിൽ ഗേറ്റിന്‍റെ താഴ്​ഭാഗത്ത് 'ടർബോ' ബാച്ചും ഉൾപ്പെടുത്താൻ സാധ്യതയുണ്ട്​. 1.2 ലിറ്റർ നാച്ചുറലി ആസ്പിറേറ്റഡ് പെട്രോൾ മോട്ടോർ, 1.5 ലിറ്റർ ഡീസൽ എഞ്ചിൻ എന്നിങ്ങനെ രണ്ട് എഞ്ചിൻ ഓപ്ഷനുകളാണ് നിലവിൽ ആൾട്രോസിൽ ഉള്ളത്. വരാനിരിക്കുന്ന 1.2 ലിറ്റർ ടർബോ-പെട്രോൾ എഞ്ചിൻ 110 എച്ച്​.പി കരുത്തും 150 എൻ.എം പീക്ക് ടോർക്കും ഉത്​പാദിപ്പിക്കും.

പുതിയ എഞ്ചിനുപുറമെ അഞ്ച് സ്പീഡ് മാനുവൽ യൂനിറ്റിനൊപ്പം ഡ്യുവൽ ക്ലച്ച് ഓ​ട്ടോ ട്രാൻസ്മിഷനും വാഹനത്തിൽ ഉൾപ്പെടുത്തും. ഹ്യുണ്ടായ് ഐ 10 ടർബോ, മാരുതി സുസുക്കി ബലേനോ, ഹോണ്ട ജാസ്, ഫോക്​സ്​വാഗൺ പോളോ എന്നിവയാണ്​ ആൾട്രോസിന്‍റെ പ്രധാന എതിരാളികൾ. 7.99 ലക്ഷം മുതൽ 8.75 ലക്ഷം വരെ (എക്സ്-ഷോറൂം) വില പ്രതീക്ഷിക്കാം. 5.44 ലക്ഷം മുതൽ 7.89 ലക്ഷം രൂപവരെയാണ്​ സാധാരണ ആൾട്രോസ് വേരിയന്‍റുകളുടെ വില (എല്ലാ വിലകളും, എക്‌സ്‌ഷോറൂം ഡൽഹി).

Show Full Article
TAGS:tatamotors Tata Altroz Altroz Turbo automobile 
Next Story