Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightടാറ്റയുടെ കറുത്ത...

ടാറ്റയുടെ കറുത്ത കുതിരകൾ നിരത്തിൽ; നെക്​സൺ, ആൾട്രോസ്, നെക്​സൺ ഇ.വി എന്നിവ ഇനി ഡാർക്​ എഡിഷനിലും

text_fields
bookmark_border
ടാറ്റയുടെ കറുത്ത കുതിരകൾ നിരത്തിൽ; നെക്​സൺ, ആൾട്രോസ്, നെക്​സൺ ഇ.വി എന്നിവ ഇനി ഡാർക്​ എഡിഷനിലും
cancel

ജനപ്രിയ വാഹനങ്ങളായ നെക്​സൺ, ആൾട്രോസ്​ നെക്​സൺ ഇ.വി എന്നിവക്ക്​ പുതിയൊരു വകഭേദംകൂടി അവതരിപ്പിച്ച്​ ടാറ്റ​. കറുപ്പി​െൻറ അഴകുമായി ബ്ലാക്​ എഡിഷൻ വാഹനങ്ങളാണ്​ നിരത്തിൽ എത്തിയിരിക്കുന്നത്​​. ഇതോടൊപ്പം നേരത്തേ ഉണ്ടായിരുന്ന ഹാരിയർ ബ്ലാക്​ എഡിഷനെ പരിഷ്​കരിച്ചും അവതരിപ്പിച്ചിട്ടുണ്ട്​. പുതിയ വാഹനങ്ങൾക്ക്​ സ്​റ്റാൻ‌ഡേർഡ് മോഡലുകളേക്കാൾ 45,000 രൂപ വരെ വില കൂടുതലാണ്​. പരിഷ്​കരിച്ച ഹാരിയർ ഡാർക്​ എഡിഷന് വലിയ അലോയ്​കളും സൗന്ദര്യവർധക മാറ്റങ്ങളും വരുത്തിയിട്ടുണ്ട്​. 2019 ൽ ആണ്​ ഹാരിയർ എസ്‌യുവിയിൽ ആദ്യമായി ഡാർക്​ എഡിഷൻ പായ്​ക്​ അവതരിപ്പിക്കുന്നത്​.


ആൽ‌ട്രോസ്, നെക്‌സൺ, നെക്‌സൺ ഇവി എന്നിവയിലും ഇതിന്​ സമാനമായ മാറ്റങ്ങളാണ്​ വരുത്തിയിരിക്കുന്നത്​. അകത്തും പുറത്തും കറുപ്പിൽ പൊതിഞ്ഞ തീം ആണ്​ വാഹനങ്ങളുടെ പ്രത്യേകത. ഹാരിയർ ഡാർകിന്​ ലഭിച്ച മികച്ച സ്വീകരണമാണ്​ മറ്റ്​ വാഹനങ്ങൾക്കും ഇതേമാറ്റം വരുത്താൻ ടാറ്റയെ പ്രേരിപ്പിച്ചത്​. ഹാരിയർ ഡാർക്​ എഡിഷന്​ 18.04 ലക്ഷത്തിലാണ്​ വില ആരംഭിക്കുന്നത്​. പെട്രോൾ എക്​സ്​.ഇസഡ് പ്ലസ്​ വേരിയൻറിലാണ് ആൾ‌ട്രോസ് ഡാർക്​ എഡിഷൻ ലഭ്യമാവുക. നെക്​സൺ ഡാർക്​ എഡിഷൻ എക്​സ്​.ഇസഡ് പ്ലസ് , എക്​സ്​.ഇസഡ്.എ പ്ലസ്, എക്​സ്​.ഇസഡ് പ്ലസ് (ഒ), എക്​സ്​.ഇസഡ്.എ പ്ലസ് (ഒ) എന്നിവയിൽ ലഭ്യമാണ്. നെക്​സൺ ഇവി ഡാർക്​ പതിപ്പ് എക്​സ്​.ഇസഡ് പ്ലസ്, എക്​സ്​.ഇസഡ് പ്ലസ് ലക്​സ്​ എന്നിവയിലാകും ലഭിക്കുക.


ഹാരിയറിലേതുപോലെയുള്ള ബ്ലാക്​ എഡിഷൻ ബാഡ്​ജിങും സൈഡ് ഫെൻഡറുകളിൽ ലോഗോയും പുതിയ വാഹനങ്ങളിലും നൽകിയിട്ടുണ്ട്​. എഞ്ചിനിലോ മറ്റ്​ മെക്കാനിക്കൽ ഘടകങ്ങളിലോ മാറ്റങ്ങളൊന്നുമില്ല. എഞ്ചിൻ, ഗിയർബോക്​സ്​ ഓപ്ഷനുകൾ മാറ്റമില്ലാതെ തുടരും. സ്റ്റാൻഡേർഡ് 1.2 ലിറ്റർ പെട്രോൾ, 1.5 ലിറ്റർ ഡീസൽ എഞ്ചിനുകൾ ഉപയോഗിച്ച് നെക്‌സൺ, ആൾട്രോസ് ഡാർക്​ പതിപ്പ് വിൽക്കും. നെക്‌സൺ ഇവി ഡാർക്​ പതിപ്പിനും യാന്ത്രിക മാറ്റങ്ങളൊന്നും ലകിയിട്ടില്ല. 30.2 കിലോവാട്ട്സ് ബാറ്ററി പായ്ക്കിനൊപ്പം 129 എച്ച്പി ഇലക്ട്രിക് മോട്ടോറാണ് സ്റ്റാൻഡേർഡ് ഇലക്ട്രിക് എസ്‌യുവിക്ക്​ കരുത്തുപകരുന്നത്​.


ഒരൊറ്റ ചാർജിൽ 312 കിലോമീറ്റർ പരിധിയാണ്​ കമ്പനി വാഗ്​ദാനം ചെയ്യുന്നത്​. ആൾട്രോസ്​ എക്​സ്​.ഇസഡ് പ്ലസ് വേരിയൻറി​െൻറ ഡാർക്​ എഡിഷൻ പതിപ്പി​െൻറ വില 8.71ലക്ഷമാണ്​. നെക്​സൺ എക്​സ്​.ഇസഡ് പ്ലസ് പെട്രോൾ ഡാർകിന്​​ 10.40ലക്ഷം വിലവരും. നെക്​സൺ ഇ.വി എക്​സ്​.ഇസഡ് പ്ലസ് വേരിയൻറി​െൻറ ബ്ലാക്​ എഡിഷന്​ 15.99 ലക്ഷത്തിലാണ്​ വില ആരംഭിക്കുന്നത്​.



Show Full Article
TAGS:Tata Altroz Nexon Nexon EV Dark Edition 
Next Story