Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightവരുന്നൂ, കറുത്ത...

വരുന്നൂ, കറുത്ത കുതിരകൾ; നെക്​സോൺ, ആൾട്രോസ്​ ബ്ലാക്​​ എഡിഷനുകളുമായി ടാറ്റ

text_fields
bookmark_border
Tata Altroz, Nexon Dark Edition ready for launch
cancel

ജനപ്രിയ വാഹനങ്ങളായ നെക്​സോൺ, ആൾട്രോസ്​ എന്നിവക്ക്​ പുതിയൊരു വകഭേദംകൂടി അവതരിപ്പിക്കാ​നൊരുങ്ങി ടാറ്റ മോ​േട്ടാഴ്​സ്​. കറുപ്പി​െൻറ അഴകുമായി ബ്ലാക്​ എഡിഷൻ വാഹനങ്ങളാണ്​ അണിയറയിൽ ഒരുങ്ങുന്നത്​. ഒൗദ്യോഗികമായി വെളിപ്പെടുത്തിയിട്ടില്ലെങ്കിലും വാഹനങ്ങളുടെ നിർമാണം പൂർത്തിയായതായാണ്​ വിവരം. ഉടൻതന്നെ ബ്ലാക്​ എഡിഷൻ മോഡലുകൾ അംഗീകൃത ടാറ്റ ഡീലർഷിപ്പുകളിൽ എത്തും. നെക്​സോൺ ഇ.വിക്കും ബ്ലാക്​ എഡിഷൻ വകഭേദം ലഭിക്കും.


ഹാരിയർ ഡാർക്​ പതിപ്പിന്​ സമാനമായ തീം ആണ്​ ആൽ‌ട്രോസിനും നെക്‌സോണിനും ടാറ്റ നൽകുക. അകത്തും പുറത്തും കറുപ്പിൽ​ പൊതിഞ്ഞ രൂപമായിരിക്കും വാഹനത്തിന്​. ഹാരിയറിലേതുപോലെയുള്ള ബ്ലാക്​ എഡിഷൻ ബാഡ്​ജിങും സൈഡ് ഫെൻഡറുകളിൽ ലോഗോയും പുതിയ വാഹനങ്ങളിലും ഉണ്ടാകും.

എഞ്ചിനിലോ മറ്റ്​ മെക്കാനിക്കൽ ഘടകങ്ങളിലോ മാറ്റങ്ങളൊന്നുമില്ല. എഞ്ചിൻ, ഗിയർബോക്സ് ഓപ്ഷനുകൾ മാറ്റമില്ലാതെ തുടരും. സ്റ്റാൻഡേർഡ് 1.2 ലിറ്റർ പെട്രോൾ, 1.5 ലിറ്റർ ഡീസൽ എഞ്ചിനുകൾ ഉപയോഗിച്ച് നെക്‌സൺ, ആൾട്രോസ് ഡാർക്ക് പതിപ്പ് വിൽക്കും.


ആൾ‌ട്രോസ് ടർ‌ബോയ്ക്ക് ഡാർക്ക് പതിപ്പ് ഉണ്ടാകാനിടയില്ല. നെക്‌സൺ ഇവി ഡാർക്ക് പതിപ്പിനും യാന്ത്രിക മാറ്റങ്ങളൊന്നും ലഭിക്കില്ല. 30.2 കിലോവാട്ട്സ് ബാറ്ററി പായ്ക്കിനൊപ്പം 129 എച്ച്പി ഇലക്ട്രിക് മോട്ടോറാണ് സ്റ്റാൻഡേർഡ് ഇലക്ട്രിക് എസ്‌യുവിക്ക്​ കരുത്തുപകരുന്നത്​. ഒരൊറ്റ ചാർജിൽ 312 കിലോമീറ്റർ പരിധിയാണ്​ കമ്പനി വാഗ്​ദാനം ചെയ്യുന്നത്​. വാഹനങ്ങളുടെ വിലനിർണയം വരും ആഴ്​ചകളിൽ നടക്കും.

സാധാരണ ഹാരിയറും ഡാർക്​ എഡിഷൻ പതിപ്പും തമ്മിലുള്ള വില വ്യത്യാസം പോലെ, നെക്‌സൺ, നെക്‌സൺ ഇവി, ആൾട്രോസ് ഡാർക്​ പതിപ്പുകളുടെ വില അവരുടെ സ്റ്റാൻഡേർഡ് വാഹനങ്ങളേക്കാൾ 15,000-30,000 രൂപ വരെ ഉയരാനിടയുണ്ട്​.

Show Full Article
TAGS:tata motors Altroz Nexon Dark Edition 
Next Story