Begin typing your search above and press return to search.
proflie-avatar
Login
exit_to_app
exit_to_app
Homechevron_rightHot Wheelschevron_rightAuto Newschevron_rightജിംനിക്കായി...

ജിംനിക്കായി ഒരുചുവടുകൂടി; പുത്തൻ വിപണി​ തന്ത്രമൊരുക്കുമെന്ന്​ മാരുതി

text_fields
bookmark_border
Suzuki Jimny 5 door fresh details revealed
cancel

ആരാധകർ ആകാംഷയോടെ കാത്തിരിക്കുന്ന ജിംനി എസ്​.യു.വിക്കായി ഒരുചുവടുകൂടിവച്ച്​ മാരുതി. ജിംനിക്കായി ഇന്ത്യയിൽ പുത്തൻ വിപണി​ തന്ത്രമൊരുക്കുമെന്ന്​ കമ്പനിയുടെ സെയിൽസ് ആൻഡ് മാർക്കറ്റിംഗ് എക്സിക്യൂട്ടീവ് ഡയറക്ടർ ശശാങ്ക് ശ്രീവാസ്​തവ പറഞ്ഞു. 'ഞങ്ങൾ ജിംനിക്കായി ഇന്ത്യയിൽ പുതിയൊരു മാർക്കറ്റിങ്​ പ്ലാൻ തയ്യാറാക്കും'എന്നാണ്​ ശശാങ്ക് ശ്രീവാസ്​തവ ഒാ​േട്ടാകാർ ഇന്ത്യയോട്​ പറഞ്ഞത്​. ഇതോടെ വാഹനം വരുമോ എന്നുള്ള വാഹനപ്രേമികളുടെ ആശങ്കകൾക്ക്​ വിരാമമാവുകയാണ്​. എന്നാണ്​ ജിംനി നിരത്തിൽ എത്തുക എന്നത്​ മാത്രമാണ്​ ഇനി അറിയേണ്ടത്​. അത്രയും സൂക്ഷ്​മമായ വിവരങ്ങൾ കമ്പനി ഇപ്പോഴും പുറത്തുവിട്ടിട്ടില്ല.


നിലവിലെ സൂചനകൾ പ്രകാരം 2022 ​െൻറ തുടക്കത്തിൽ എസ്‌യുവി വിപണിയിലെത്തുമെന്നാണ്​ പ്രതീക്ഷിക്കപ്പെടുന്നത്​. 1.5 ലിറ്റർ പെട്രോൾ എഞ്ചിനുള്ള 5-ഡോർ പതിപ്പായിരിക്കും ഇന്ത്യ-സ്പെക്​ ജിംനി. 2021 ടോക്കിയോ മോ​േട്ടാർ ഷോയിൽ പുറത്തിറക്കാനിരുന്ന വാഹനമാണിത്​. കോവിഡ്​ കാരണം ടോക്കിയോ മോ​േട്ടാർ ഷോ മാറ്റിവച്ചിരുന്നു. ടർബോ ചാർജർ എഞ്ചിനും മൈൽഡ്​ ഹൈബ്രിഡ്​ സാ​േങ്കതികവിദ്യയും ജിംനിക്ക്​ നൽകുമെന്നും​ സൂചനയുണ്ട്​. ഇതുവരെ നിർമിച്ചിരുന്ന മൂന്ന് ഡോർ ജിംനികൾ​െക്കാപ്പം അഞ്ച്​ ഡോർ മോഡലും അവതരിപ്പിക്കാൻ നേരത്തേ​ സുസുക്കി തീരുമാനിച്ചിരുന്നു.


ഇന്ത്യ ഉൾപ്പടെ വിപണികളിൽ വാഹനം അവതരിപ്പിക്കാനുള്ള നീക്കത്തിന്​ മുന്നോടിയായാണ്​ പുതിയ നടപടി. നാല്​ മീറ്ററിൽ താഴെ നീളമുള്ള വഹനമാണ്​ പുതിയ ജിംനി. മൂന്ന്​ വാതിൽ വാഹനത്തേക്കാൾ 300 എം.എം വീൽബേസ് കൂടുതലാണ്​. 3,850 എം.എം നീളവും 1,645 എം.എം വീതിയും 1,730 എം.എം ഉയരവും പുതിയ ജിംനിക്കുണ്ട്​. വീൽബേസ് 2,550 മില്ലിമീറ്ററാണ്​. 210 എംഎം ആണ്​ ഗ്രൗണ്ട് ക്ലിയറൻസ്​. 1,190 കിലോഗ്രാം ആണ്​ ഭാരം. ​മൂന്ന്​ ഡോർ മോഡലിനേക്കാൾ 100 കിലോഗ്രാം കൂടുതലാണിത്​.


എഞ്ചിൻ, ഗിയർബോക്സ് ഓപ്ഷനുകൾ

1.5 ലിറ്റർ കെ 15 ബി പെട്രോൾ എഞ്ചിനാണ് ജിംനി 5-ഡോറിൽ വരുന്നത്. ജപ്പാനിൽ വിൽക്കുന്ന ജിംനി സിയറയ്ക്ക് സമാനമായി 102 എച്ച്പി കരുത്ത്​ എഞ്ചിന്​ ലഭിക്കും. ജിംനിയുടെ ഇന്ത്യാ പതിപ്പിൽ മാരുതിയുടെ സ്മാർട്ട് ഹൈബ്രിഡ് സാങ്കേതികത കൂട്ടിച്ചേർക്കാൻ സാധ്യതയുണ്ട്​. 1.5 ലിറ്റർ എഞ്ചിൻ നമ്മുടെ വിപണിയിലെ വിറ്റാര ബ്രെസ്സ, എസ്-ക്രോസ്, സിയാസ്, എർട്ടിഗ എന്നിവയിലേതിന് സമാനമാണ്. അഞ്ച് സ്പീഡ് മാനുവൽ, നാല് സ്പീഡ് ടോർക്​ കൺവെർട്ടർ ഓട്ടോമാറ്റിക് എന്നിവ ഗിയർബോക്സ് ഓപ്ഷനുകളിൽ ഉൾപ്പെടും.

നാല് മീറ്ററിൽ താഴെയാണ്​ നീളമെങ്കിലും 1.5 ലിറ്റർ എഞ്ചിൻ ഉള്ളതിനാൽ ജിംനി​ ലോവർ എക്സൈസ് വിഭാഗത്തിൽ വരില്ല. ജിംനിയിൽ 1.2 ലിറ്റർ എഞ്ചിൻ ഉപയോഗിക്കാൻ സുസുക്കി തീരുമാനിക്കുകയാണെങ്കിൽ മോഡലിന് താഴ്ന്ന എക്സൈസ് ഡ്യൂട്ടിക്ക്​ യോഗ്യത നേടാനാകും. ഇത് വാഹനത്തിന്‍റെ വില രാജ്യത്ത്​ വൻതോതിൽ കുറക്കാൻ സഹായിക്കും.


മാരുതി സുസുക്കി ഇതിനകം മൂന്ന്​ ഡോർ ജിംനിയുടെ ഉത്പാദനം ആരംഭിച്ചിട്ടുണ്ട്​. വാഹനം നിലവിൽ അന്താരാഷ്ട്ര വിപണികളിലേക്ക് കയറ്റുമതി ചെയ്യുന്നുമുണ്ട്​. ലോഞ്ച് ചെയ്യുമ്പോൾ എസ്‌യുവിയ്ക്ക് ഇന്ത്യയിൽ നേരിട്ടുള്ള എതിരാളി ഉണ്ടായിരിക്കില്ല. എന്നാൽ വലുതും ശക്തവുമായ മഹീന്ദ്ര ഥാറിന്‍റെയും വരാനിരിക്കുന്ന ഫോഴ്‌സ് ഗൂർഖ എസ്‌യുവിയുടെയും എതിരാളിയായി ഇതിനെ കാണാൻ കഴിയും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:SUVJimnymarutisuzukiSuzuki Jimny
Next Story