Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightയുവാക്കളേ ഇതിലേ,...

യുവാക്കളേ ഇതിലേ, ഇതിലേ; സുസുകി അവെനിസ്​ നിങ്ങൾക്കായി കാത്തിരിക്കുന്നു

text_fields
bookmark_border
യുവാക്കളേ ഇതിലേ, ഇതിലേ; സുസുകി അവെനിസ്​ നിങ്ങൾക്കായി കാത്തിരിക്കുന്നു
cancel

ആക്​സസ്​ എന്ന പക്വതക്കാരൻ, ബർഗ്​മാൻ എന്ന തടിയൻ, സുസുകി ഇന്ത്യയുടെ സ്​കൂട്ടർ നിരയിൽ പരിമിതമായ ​ചോയ്​സുകൾ മാത്രമാണ്​ ഇതുവരെ ഉണ്ടായിരുന്നത്​. യുവ ഉപഭോക്​താക്ക​ളെ നഷ്​ടപ്പെടുക എന്നതായിരുന്നു ഇതി​െൻറ ഫലം. യുവാക്കൾ കൂട്ടത്തോടെ ടിവിഎസ് എൻടോർക്കി​േൻറയും ഹോണ്ട ഡിയോയുടെയും അപ്രിലിയ 125​േൻറയുമൊക്കെ പിന്നാലെ പോയി.

ഇൗ പ്രതിസന്ധി മറികടക്കാൻ പുതിയൊരു വാഹനം അവതരിപ്പിച്ചിരിക്കുകയാണ്​ കമ്പനി. അവെനിസ്​ എന്ന്​ ​പേരിട്ടിരിക്കുന്ന 125 സി.സി സ്​കൂട്ടറി​െൻറ വില​ 86,700 രൂപയാണ്. നിരവധി പുത്തൻ ഫീച്ചറുകള്‍ നിറഞ്ഞ വാഹനമാണിത്​. സ്‍മാർട്ട്ഫോണുകളുമായി കണക്​ട്​ ചെയ്യാന്‍ അനുവദിക്കുന്ന സുസുകി സ്‍മാർട്ട് കണക്​ട്​ ആപ്പും വാഹനത്തിന്​ ലഭിക്കും.


എഞ്ചിൻ

ആക്‌സസ് 125-ന്റെ അതേ പ്ലാറ്റ്‌ഫോമിനെ അടിസ്ഥാനമാക്കിയാണ്​ നിർമാണം. അക്​സസിനും ബർഗ്​മാനും സമാനമാണ് എഞ്ചിൻ. എഫ്​ I സാങ്കേതികവിദ്യയുള്ള 125 സിസി എഞ്ചിനാണ് പുതിയ സുസുകി അവെനിസിന്റെ ഹൃദയം. എഞ്ചിൻ 6750 ആർപിഎമ്മിൽ 8.7 പിഎസ് പരമാവധി പവർ ഔട്ട്പുട്ടും 5500 ആർപിഎമ്മിൽ 10 എൻഎം ടോർക്കും പുറപ്പെടുവിക്കും. മുൻവശത്തെ ഏപ്രണിലെ ഡ്യുവൽ-ടോൺ പെയിന്റ് വർക്ക്, എൽഇഡി ഹെഡ്‌ലൈറ്റ്, സ്പ്ലിറ്റ് എൽഇഡി ടെയിൽ-ലൈറ്റ് എന്നിവ സ്​കൂട്ടറിനെ യുവത്വമുള്ളതാക്കുന്നു.


106 കിലോ മാത്രമാണ് സ്‍കൂട്ടറിന്റെ ഭാരം. നാവിഗേഷൻ സംവിധാനമുള്ള സുസുക്കി റൈഡ് കണക്റ്റും നൽകിയിട്ടുണ്ട്​. മെറ്റാലിക് ട്രൈറ്റൺ ബ്ലൂ കളർ ഉൾപ്പെടെ അഞ്ച് നിറങ്ങളിലാണ് സ്‍കൂട്ടര്‍ എത്തുക. ഇന്ത്യയിലുടനീളം റേസ് എഡിഷനായും അവെനിസ്​ ലഭ്യമാകും. റേസ് എഡിഷനിൽ സുസുകി റേസിങ്​ ഗ്രാഫിക്‌സ് സജ്ജീകരിച്ചിരിക്കുന്നു.


ഫീച്ചറുകളാൽ സമ്പന്നം

അവെനിസ് ഫീച്ചറുകളാൽ സമ്പന്നമാണ്​. യുഎസ്ബി ചാർജിങ്​ സോക്കറ്റ്, എക്‌സ്‌റ്റേണൽ ഫ്യൂവൽ ഫില്ലർ ക്യാപ്, ഡിജിറ്റൽ ഡിസ്‌പ്ലേ, ബ്ലൂടൂത്ത് കണക്റ്റിവിറ്റി എന്നിവയും ഉൾപ്പെടുത്തിയിട്ടുണ്ട്​. സുസുകി റൈഡ് കണക്​ട്​ ആപ്പ് ഉപയോഗിച്ച് സ്‌മാർട്ട്‌ഫോണുമായി ബന്ധിപ്പിച്ചാൽ എസ്​.എം.എസ്​, വാട്​സ്​ആപ്പ്​ അറിയിപ്പുകൾ, ഇൻകമിംഗ്, മിസ്‌ഡ് കോൾ അലർട്ടുകൾ, നാവിഗേഷൻ എന്നിവ നൽകുന്നു.

Show Full Article
TAGS:Suzuki Avenis launched scooter 
News Summary - Suzuki Avenis launched at Rs 86,700, rivals NTorq 125
Next Story