Begin typing your search above and press return to search.
exit_to_app
exit_to_app
Skoda Kushaq receives 10,000 bookings since launch
cancel
Homechevron_rightHot Wheelschevron_rightAuto Newschevron_rightബുക്കിങിൽ കുതിച്ച്​...

ബുക്കിങിൽ കുതിച്ച്​ 'ചക്രവർത്തി'; സ്​കോഡക്കിത്​ അഭിമാന വാർഷികം

text_fields
bookmark_border

കൊച്ചി: സ്‌കോഡ ഇന്ത്യയുടെ മിഡ് സൈസ് എസ്.യു.വിയായ കുഷാക്കി​െൻറ ബുക്കിങ്ങ് 10,000 കടന്നു. ഇന്ത്യയില്‍ സ്‌കോഡ ഓട്ടോയുടെ പ്രവർത്തനം 20 വര്‍ഷം പൂര്‍ത്തിയായ സന്ദർഭത്തിലാണ്​ പുതിയ നാഴികക്കല്ല്​ പിന്നിടുന്നത്​. 'കൊറോണ മൂലമുണ്ടായ വിപണിയിലെ സമ്മര്‍ദ്ദവും വിതരണത്തിലെ വെല്ലുവിളികളും മറികടന്ന് സ്‌കോഡ കുഷാകിലൂടെ 10000 ബുക്കിങ്​ പൂര്‍ത്തിയാക്കി. ഉപഭോക്താക്കള്‍ക്ക് ഏറ്റവും പ്രാധാന്യമുള്ള കാര്യങ്ങള്‍ മനസ്സില്‍ വച്ചുകൊണ്ടാണ് കുഷാക് നിര്‍മ്മിച്ചത്​'-സ്‌കോഡ ഓട്ടോ ഇന്ത്യ ബ്രാന്‍ഡ് ഡയറക്​ടര്‍സാക് ഹോളിസ് പറഞ്ഞു.കുഷകി​െൻറ ഒാ​േട്ടാമാറ്റിക്​ വകഭേദമായ സ്​റ്റൈലിൽ ആറ്​ എയർബാഗുകളും ടയർ പ്രഷർ മോണിറ്ററിങ്​ സംവിധാനവും കൂട്ടിച്ചേർത്തിട്ടുണ്ട്​. 40000 രൂപ അധികം നൽകിയാൽ ഇൗ വേരിയൻറ്​ സ്വന്തമാക്കാം.

ഔറംഗബാദില്‍ ആദ്യത്തെ ഫാക്​ടറി സ്ഥാപിക്കുകയും ഒക്​ടാവിയ വിൽക്കാൻ ആരംഭിക്കുകയും ചെയ്​തുകൊണ്ടാണ് സ്‌കോഡ ഇന്ത്യയില്‍ പ്രവര്‍ത്തനം ആരംഭിക്കുന്നത്. ഒക്​ടാവിയുടെ വിജയത്തിനുശേഷം സൂപര്‍ബ്, ലോറ പോലുള്ള കൂടുതല്‍ ഉല്‍പ്പന്നങ്ങള്‍ കമ്പനി ഇന്ത്യയില്‍ അവതരിപ്പിച്ചു. 2008 ല്‍ പുണെയിലും ഉത്​പ്പാദന കേന്ദ്രം ആരംഭിക്കുകയും ഫാബിയ പുറത്തിറക്കുകയും ചെയ്​തു.

സ്​കോഡ കുഷക്​

മിനി എസ്​.യു.വിയാണ്​ കുഷക്. ഛക്കനിനെ പ്ലാൻറിലാണ്​ വാഹനം നിർമിക്കുന്നത്​. ഇന്ത്യ 2.0 ഉൽപ്പന്ന കാമ്പെയിന്‍റെ ഭാഗമായി സ്കോഡ, ഫോക്​സ്​വാഗൺ ബ്രാൻഡുകളിൽ നിന്നുള്ള നാല് പുതിയ മോഡലുകളിൽ രാജ്യത്ത്​ അവതരിപ്പിക്കുന്നുണ്ട്​. അതിൽ ആദ്യത്തേതാണ്​ കുഷക്​. യൂറോപ്യൻ ഫിറ്റും ഫിനിഷുമാണ്​ കുഷകിന്‍റെ പ്രത്യേകത. ലോകത്തിനായി ഇന്ത്യയിൽ നിർമിക്കുന്ന കാർ എന്നാണ്​ കുഷകിനെ സ്​കോഡ വിശേഷിപ്പിക്കുന്നത്​. കുഷക്​ എന്നാൽ ചക്രവർത്തി എന്നാണ്​ അർഥമെന്നും​ സ്​കോഡ പറയുന്നു. സംസ്​കൃതത്തിലാണീ വാക്കിന്‍റെ വേരുകൾ കിടക്കുന്നത്​.

രൂപം

മുൻവശത്ത് സ്കോഡ സിഗ്നേച്ചർ-സ്റ്റൈൽ ക്രോം-ഫിനിഷ്ഡ് ഗ്രിൽ ഉണ്ട്. അത് സ്പ്ലിറ്റ് ഹെഡ്​ലൈറ്റും എൽഇഡി ഡി‌ആർ‌എല്ലുകളും കൊണ്ട് അലങ്കരിച്ചിരിക്കുന്നു. സ്‌പോർട്ടി 17 ഇഞ്ച് ഡ്യുവൽ-ടോൺ അലോയ് വീലുകൾ, ഡ്യുവൽ-ടോൺ ബമ്പറുകൾ, ടെയിൽഗേറ്റിൽ സ്‌കോഡ എഴുത്ത്​ എന്നിവയും ഇതിലുണ്ട്. എൽ‌ഇഡി ടെയിൽ‌ലൈറ്റുകൾക്ക് പ്രിസം ഘടകങ്ങൾ ലഭിക്കുന്നു. എസ്‌യുവിയുടെ ലോവർ, മിഡ് വേരിയന്‍റുകൾക്ക് യഥാക്രമം 16 ഇഞ്ച് സ്റ്റീൽ റിംസും 16 ഇഞ്ച് അലോയ്​കളും ലഭിക്കും.

4,221 മില്ലീമീറ്റർ നീളവും 1,760 മില്ലീമീറ്റർ വീതിയും 1,612 മില്ലീമീറ്റർ ഉയരവുമാണ് വാഹനത്തിന്​. വീൽബേസ് 2,651 മില്ലിമീറ്ററാണ്. സെഗ്‌മെന്‍റിലെ ഏറ്റവും ദൈർഘ്യമേറിയ വീൽബേസാണിത്​. 188 മില്ലീമീറ്റർ ആണ്​ ഗ്രൗണ്ട് ക്ലിയറൻസ്​. കാൻഡി വൈറ്റ്, ബ്രില്യന്‍റ്​ സിൽവർ, കാർബൺ സ്റ്റീൽ, ഹണി ഓറഞ്ച്, ടൊർണാഡോ റെഡ് എന്നിങ്ങനെ അഞ്ച് നിറങ്ങളിൽ വാഹനം ലഭ്യമാണ്.


ഇന്‍റീരിയർ

ഡാഷ്​ബോർഡിന്‍റെ മധ്യത്തിൽ വലിയ ഫ്രീ-സ്റ്റാൻഡിങ്​ ഇൻഫോടെയിൻമെന്‍റ്​ ഡിസ്പ്ലേ, സ്കോഡ സൂപ്പർബിലേതിന്​ സമാനമായ സ്റ്റൈലിഷ് ഇരട്ട സ്പോക്ക് സ്റ്റിയറിംഗ് വീൽ എന്നിവ ഇന്‍റീരിയറിൽ കാണാനാകും. ഡ്യുവൽ-ടോൺ കളറാണ്​ മറ്റൊരു പ്രത്യേകത. ആപ്പിൾ കാർപ്ലേ, ആൻഡ്രോയിഡ് ഓട്ടോ, വയർലെസ് മിറർലിങ്ക്, വെന്‍റിലേറ്റഡ് ഫ്രണ്ട് സീറ്റുകൾ, പിന്നിൽ എസി വെന്‍റുകൾ, എംഐഡി ഇൻസ്ട്രുമെന്‍റ്​ കൺസോൾ, ക്രൂസ് കൺട്രോൾ, ആംബിയന്‍റ്​ ലൈറ്റിങ്​, സെവൻ സ്പീക്കർ മ്യൂസിക് സിസ്റ്റം, ടു-സ്‌പോക്​ സ്റ്റിയറിംഗ് വീൽ, ഓട്ടോ-ഡിമ്മിങ്​ ഐ‌ആർ‌വി‌എമ്മുകൾ, സ്റ്റിയറിംഗ്-മൗണ്ടഡ്​ നിയന്ത്രണങ്ങൾ, വയർലെസ് ചാർജർ, മൈ സ്കോഡ കണക്റ്റ് എന്നീ ഫീച്ചറുകൾ ഉൾപ്പെടുത്തിയിട്ടുണ്ട്​.

10 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്‍റ്​ സ്‌ക്രീനാണ്​ ക്യാബിന്‍റെ പ്രധാന ആകർഷണം. വലിയ ഡിജിറ്റൽ ഇൻസ്ട്രുമെന്‍റ്​ ക്ലസ്റ്ററും വലിയ എയർ-കോൺ വെൻറുകളും ധാരാളം സ്​റ്റോറേജ്​ സ്​പെയ്​സുകളും ഉൾപ്പെടുത്തിയിട്ടുണ്ട്​. 93 ശതമാനവും പ്രാദേശികമായ ഉത്​പന്നങ്ങൾ ഉപയോഗിച്ച്​ നിർമിക്കുന്നതെന്ന പ്രചാരണവുമായാണ്​ സ്​കോഡ കുഷക് അവതരിപ്പിക്കുന്നത്​.

എഞ്ചിൻ

ഡീസൽ ഒഴ​ിവാക്കി രണ്ട്​ പെട്രോൾ എഞ്ചിനുകളുമായാണ്​ വാഹനം വിപണിയിലെത്തിയത്​. 1.0 ലിറ്റർ മൂന്ന് സിലിണ്ടർ ടി‌എസ്‌ഐ, 1.5 ലിറ്റർ നാല് സിലിണ്ടർ ടി‌എസ്‌ഐ എന്നിവയാണവ. ആദ്യത്തേത് 113 ബിഎച്ച്പി കരുത്തുള്ളതാണ്​. രണ്ടാമത്തേത് 147 ബിഎച്ച്പി കരുത്ത് ഉത്​പാദിപ്പിക്കും. ട്രാൻസ്മിഷൻ ഓപ്ഷനുകളിൽ 6 സ്പീഡ് മാനുവൽ ഗിയർബോക്സും ഓപ്ഷണൽ 6-സ്പീഡ് ഓട്ടോമാറ്റിക് ട്രാൻസ്മിഷനും (1.0-ലിറ്റർ ടിഎസ്ഐ) 7 സ്പീഡ് ഡിഎസ്ജിയും (1.5 ലിറ്റർ ടിഎസ്ഐ) ഉൾപ്പെടും.

സുരക്ഷ

ആറ് എയർബാഗുകൾ, ഇ.എസ്.സി, ഹിൽ-ഹോൾഡ് കൺട്രോൾ, ടയർ പ്രഷർ മോണിറ്ററിങ്​, ഐസോഫിക്​സ്​ ചൈൽഡ് സീറ്റ് മൗണ്ടുകൾ, ഓട്ടോ ഹെഡ്‌ലാമ്പുകളും വൈപ്പറുകളും, മൾട്ടി-കൂളിക്ക് ബ്രേക്കിങ്​ സിസ്റ്റം, കൂടാതെ നിരവധി സുരക്ഷാ സവിശേഷതകളും എസ്‌യുവിയിൽ ഉണ്ടാകും.

Show Full Article
TAGS:Skoda Kushaq booking receives 
News Summary - Skoda Kushaq receives 10,000 bookings since launch
Next Story