സുരക്ഷ മുഖ്യം ബിഗിലേ; വാഹനങ്ങളിൽ ആറ്​ എയർബാഗുകൾ നിർബന്ധമാക്കുമെന്ന്​ കേന്ദ്രം

പാസഞ്ചർ വാഹനങ്ങളുടെ സുരക്ഷാകാര്യത്തിൽ പുതിയപ്രഖ്യാപനം നടത്തി കേന്ദ്രം. എട്ടുപേർക്ക്​ യാത്ര ചെയ്യാവുന്ന പാസഞ്ചർ വാഹനങ്ങളിൽ (പി.വി) ആറ്​ എയർബാഗുകൾ നിർബന്ധമാക്കുമെന്നാണ്​ കേന്ദ്ര മന്ത്രി നിതിൻ ഗഡ്​കരി പ്രഖ്യാപിച്ചത്​. ത​െൻറ ഒൗദ്യോഗിക ട്വിറ്റർ അകൗണ്ടിലൂടെയാണ്​ മന്ത്രി പുതിയ തീരുമാനം വെളിപ്പെടുത്തിയത്​.

നിലവിൽ പി.വികളിൽ രണ്ട്​ എയർബാഗുകളാണ്​ നിർബന്ധമായും പിടിപ്പിക്കേണ്ടത്​. ഡ്രൈവർ, മുൻ പാസഞ്ചർ എന്നിവർക്കാണിത്​. 2019 ജൂലൈയിലാണ്​ ഡ്രൈവർ എയർബാഗ്​ നിർബന്ധമാക്കിയത്​. 2022 ജനുവരി മുതൽ മുൻ പാസഞ്ചർക്കും എയർബാഗ്​ നിയമംമൂലം നടപ്പാക്കി. പുതിയ തീരുമാനത്തോടെ നാല്​ എയർബാഗുകൾകൂടി വാഹനങ്ങളിൽ വരും. മുൻ യാത്രക്കാർക്കായി രണ്ട്​ ടോർസോ എയർബാഗുകളും പിന്നിൽ രണ്ട്​ കർട്ടൻ എയർബാഗുകളുമാണ്​ നിർബന്ധമാവുക.

'മുന്നിലേയും വശങ്ങളിലേയും കൂട്ടിയിടികളുടെ ആഘാതം കുറക്കാൻ നാല്​ എയർബാഗുകൾകൂടി നിർബന്ധമാക്കും. രാജ്യത്തെ വാഹന സുരക്ഷയുടെ കാര്യത്തിലെ നിർണായക ചുവടുവയ്​പ്പാണിത്​ '-ഗഡ്​കരി ട്വീറ്റിൽ പറഞ്ഞു. നിലവിൽ നിയമത്തി​െൻറ കരട്​ വിജ്ഞാപനത്തിന്​ അംഗീകാരം മാത്രമാണ്​ നൽകിയിരിക്കുന്നത്​. എന്നുമുതൽ പുതിയ നിയമം നടപ്പാക്കണമെന്ന്​​ കേന്ദ്ര മന്ത്രാലയം വെളി​പ്പെടുത്തിയിട്ടില്ല.

പുതിയ തീരുമാനത്തി​ന്​ ഗുണങ്ങളും ദോഷങ്ങളും ഉണ്ടെന്ന്​ വിദഗ്​ധർ ചൂണ്ടിക്കാട്ടുന്നു​. ലോകത്തിൽ ഏറ്റവും കൂടുതൽ റോഡ്​ മരണങ്ങൾ നടക്കുന്ന രാജ്യമായ ഇന്ത്യയിൽ അതിന്​ നേരിയ കുറവെങ്കിലും പുതിയ തീരുമനാത്തോടെവരും. ദോഷവശം, വാഹനങ്ങളുടെ വില കാര്യമായി ഉയരും എന്നതാണ്​. ഏറ്റവും ചെറിയ പാസഞ്ചർ വാഹനങ്ങളായ മാരുതി ഒാൾ​േട്ടാ, ഹ്യൂണ്ടായ്​ സാൻട്രോ, റെനോ ക്വിഡ്​ തുടങ്ങിയവയു​ടെെയല്ലാം വില കാര്യമായി ഉയരും.

വാഹന കമ്പനികളുമായി നടത്തിയ ചർച്ചയിൽ, 8,000 മുതൽ 10,000 രൂപവരെയാണ്​ അധികം വരുന്ന എയർബാഗുകളുടെ ചിലവെന്നാണ്​ തനിക്ക്​ ലഭിച്ച വിവരമെന്ന്​​ മന്ത്രി പറയുന്നു​. വാഹനങ്ങൾക്ക്​ വർഷത്തിൽ നാലും അഞ്ചും തവണ വില വർധിപ്പിക്കേണ്ടിവരുന്ന നിലവിലെ സാഹചര്യത്തിൽ പുതിയ നീക്കത്തി​െൻറ ബാധ്യതയും ഉപഭോക്​താക്കൾ തന്നെയാവും പേറേണ്ടിവരിക.