Begin typing your search above and press return to search.
proflie-avatar
Login
exit_to_app
exit_to_app
Homechevron_rightHot Wheelschevron_rightAuto Newschevron_right240 കിലോമീറ്റർ...

240 കിലോമീറ്റർ റേഞ്ച്, പരമാവധി വേഗം 100 km/h​; പുറത്തിറക്കൽ തീയതി പ്രഖ്യാപിച്ച്​ സിമ്പിൾ ഇ.വി

text_fields
bookmark_border
Simple Energy Electric Scooter Launch Details Revealed
cancel

ബംഗളൂരു ആസ്ഥാനമായുള്ള ഇ.വി സ്റ്റാർട്ടപ്പായ സിമ്പിൾ എനർജി ആദ്യത്തെ ഇ-സ്​കൂട്ടർ പുറത്തിറക്കുന്ന തീയതി പ്രഖ്യാപിച്ചു. 2021 ഓഗസ്റ്റ് 15 ന് വാഹനം വിപണിയിലെത്തിക്കാനാണ്​ തീരുമാനം. മാർക്ക് 2 എന്ന കോഡ്​നെയിമുള്ള ലോങ്​ റേഞ്ച് ഇലക്ട്രിക് സ്​കൂട്ടറാണിത്​. 100 കിലോമീറ്റർ ആണ്​ വാഹനത്തി​െൻറ പരമാവധി വേഗം. 3.6 സെക്കൻഡിൽ പൂജ്യം മുതൽ 50 കിലോമീറ്റർ വരെ വേഗത കൈവരിക്കും. 4.8 കിലോവാട്ട് ലിഥിയം അയൺ ബാറ്ററിയാണ്​ വാഹനത്തിന്​ കരുത്തുപകരുന്നത്​. ഇക്കോ മോഡിൽ 240 കിലോമീറ്റർ ആണ്​ റേഞ്ച്​ വാഗ്​ദാനം ചെയ്യുന്നത്​.


നീക്കംചെയ്യാവുന്ന ബാറ്ററിയും ഫ്യൂച്ചറിസ്​റ്റിക് ഡിസൈനും മിഡ് ഡ്രൈവ് മോട്ടോറും സിമ്പിൾ എനർജി ഇലക്ട്രിക് സ്‌കൂട്ടറി​െൻറ പ്രത്യേകതകളാണ്​. ടച്ച് സ്‌ക്രീൻ, ഓൺ-ബോർഡ് നാവിഗേഷൻ, ബ്ലൂടൂത്ത് കണക്റ്റിവിറ്റി തുടങ്ങിയ സ്​മാർട്ട് സവിശേഷതകളും ഇതിലുണ്ട്. 1,10,000 രൂപ മുതൽ 1,20,000 വരെയാണ്​ ഇ-സ്​കൂട്ടറിന് വിലയിട്ടിരിക്കുന്നത്​.

'പുറത്തിറക്കൽ തീയതി പ്രഖ്യാപിച്ചതിൽ ഞങ്ങൾക്ക് അതിയായ സന്തോഷമുണ്ട്. ഓഗസ്റ്റ് 15​ രാജ്യത്തിനെ സംബന്ധിച്ച്​ സുപ്രധാന നാഴികക്കല്ലാണ്, ലോകോത്തര ഉൽ‌പ്പന്നത്തിലൂടെ ചരിത്രം സൃഷ്ടിക്കുകയാണ് സിമ്പിൾ എനർജി ലക്ഷ്യമിടുന്നത്. കോവിഡ് ​രണ്ടാം തരംഗം കാരണമുള്ള മോശം സ്ഥിതി മെച്ചപ്പെടുമെന്ന പ്രതീക്ഷയിലാണ് ഞങ്ങൾ ഈ തീയതി തിരഞ്ഞെടുത്തത്'-സിമ്പിൾ എനർജി സ്ഥാപകനും സിഇഒയുമായ സുഹാസ് രാജ്​കുമാർ പറഞ്ഞു.

ബംഗളൂരുവിലായിരിക്കും വാഹനം ആദ്യം പുറത്തിറക്കുക. കമ്പനിയുടെ ആസ്​ഥാനവും ഡിസൈൻ സ്​റ്റുഡിയോയുമൊക്കെ സ്​ഥിതിചെയ്യുന്നത് ഇവിടെയാണ്​​. ബംഗളൂരുവിനുശേഷം ചെന്നൈയിലേക്കും ഹൈദരാബാദിലേക്കും വാഹന വിൽപ്പന വിപുലീകരിക്കും. പിന്നീട്​ രാജ്യത്തെ വിവിധ നഗരങ്ങളിലേക്ക്​ വിൽപ്പന വ്യാപിപ്പിക്കാനും നീക്കമുണ്ട്​. ലോഞ്ചി​െൻറ ഭാഗമായി ബംഗളൂരുവിൽ ചാർജിങ്​ സ്​റ്റേഷനുകൾ സ്​ഥാപിക്കാനും സിമ്പിൾ എനർജി തീരുമാനിച്ചിട്ടുണ്ട്​​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Electric ScooterlaunchingSimple Energy
Next Story