മീറ്റിയോറി​െൻറ വില വർധിപ്പിച്ച്​ റോയൽ എൻഫീൽഡ്​; ഇതുവരെ ഉണ്ടായതിൽ ഏറ്റവും വലിയ വിലക്കയറ്റം

റോയൽ എൻഫീൽഡി​െൻറ ഏറ്റവും പുതിയ ക്രൂസർ ബൈക്കായ മീറ്റിയോറി​െൻറ വില വർധിപ്പിച്ചു. ബൈക്ക്​ പുറത്തിറങ്ങിയ ശേഷം ഇതുവരെ ഉണ്ടായിട്ടുള്ളതിൽ ഏറ്റവും വലിയ വിലക്കയറ്റമാണ്​ നിലവിൽ പ്രഖ്യാപിച്ചിരിക്കുന്നത്​. മീറ്റിയോറി​െൻറ മൂന്ന് വേരിയൻറുകളായ ഫയർബോൾ, സ്റ്റെല്ലാർ, സൂപ്പർനോവ എന്നിവക്കെല്ലാം വില വർധിച്ചിട്ടുണ്ട്​. സൂപ്പർനോവ വേരിയൻറിനാണ്​ ഏറ്റവും വലിയ വിലവർധനവുള്ളത്​. 10,048 രൂപയാണ്​ ഇൗ വകഭേദത്തിന്​ വർധിച്ചത്​. ഫയർബോൾ, സ്റ്റെല്ലാർ വേരിയൻറുകൾക്ക് യഥാക്രമം 9,441, 9,556 രൂപയും കൂടിയിട്ടുണ്ട്​.

നിലവിൽ മീറ്റിയോർ 350 ഫയർബോളിന് 216,623 രൂപയും സ്റ്റെല്ലാറിന് 223,146 രൂപയും ഏറ്റവും ഉയർന്ന സൂപ്പർനോവയ്ക്ക് 234,020 രൂപയുമാണ് (എല്ലാ വിലകളും ഓൺ-റോഡ്, ചെന്നൈ)​ വില.പുതുതായി വികസിപ്പിച്ച 350 സിസി എഞ്ചിനാണ്​ ബൈക്കിന്​. 6,100 ആർപിഎമ്മിൽ 20.2 എച്ച്​. പി കരുത്തും 4,000 ആർപിഎമ്മിൽ 27Nm എൻ.എം ടോർക്കും എഞ്ചിൻ ഉത്​പ്പാദിപ്പിക്കും. പുതുക്കിയ ഗിയർബോക്​സും നൽകിയിട്ടുണ്ട്​. എഞ്ചിൻ എയർ-കൂൾഡ് ആണ്. പക്ഷെ വാൽവ് ഹെഡിൽ ഒരു ഓയിൽ സർക്യൂട്ടും വിറയൽ ഇല്ലാതാക്കാൻ എഞ്ചിനിൽ ബാലൻസർ ഷാഫ്റ്റും ഉൾ​െപ്പടുത്തിയിട്ടുണ്ട്​.

കമ്പനി അവകാശപ്പെടുന്ന ഇന്ധനക്ഷമത നഗരങ്ങളിൽ 34.7കിലോമീറ്ററും ഹൈവേകളിൽ 37.1 കിലോമീറ്ററുമാണ്​. റോയലി​െൻറ തന്നെ ബി.എസ്​ ആറ്​ 350 സിസി ക്ലാസിക്കിന്​ സമാനമാണ്​ ഇന്ധനക്ഷമത എന്ന്​ കാണാം. മാന്യമായി ഒാടിച്ചാൽ 40 വരെയൊക്കെ പ്രതീക്ഷിക്കാവുന്ന മൈലേജുള്ള ബൈക്കാണ്​ മീറ്റിയോർ.