ഇനി ഹെൽമെറ്റും ടീ ഷർട്ടും റോയലാക്കാം; 'മേക്​​ ഇറ്റ്​ യുവേഴ്​സ്​' വിപുലപ്പെടുത്തി എൻഫീൽഡ്​

റോയൽ എൻഫീൽഡ് ഉടമകൾക്ക്​ വാഹനങ്ങളിൽ സ്വന്തംനിലക്ക്​ മാറ്റം വരുത്തുന്നതിന്​ നടപ്പാക്കിയ പദ്ധതിയാണ്​ 'മേക് ഇറ്റ് യുവേർസ്'. ഇതനുസരിച്ച്​ വാഹനത്തിനുവേണ്ട ഒരുപാട്​ കാര്യങ്ങൾ ഉടമകൾക്ക്​ നേരിട്ട്​ തെ​രഞ്ഞെടുക്കാമായിരുന്നു. എഞ്ചിൻ ഗാർഡ്​, പുകക്കുഴൽ, സീറ്റ്​, മിററുകൾ, നമ്പർ ​േപ്ലറ്റ് തുടങ്ങിയവയെല്ലാം ഇങ്ങിനെ ഇഷ്​ടാനുസരണം തെരഞ്ഞെടുക്കാം. ​മേക്​ ഇറ്റ്​ യുവേഴ്​സിനെ കൂടുതൽ വിപുലപ്പെടുത്താൻ റോയൽ തീരുമാനിച്ചിരിക്കുന്നു എന്നതാണ്​ പുതിയ വിവരം. ഇത്​ പ്രകാരം വസ്​ത്രങ്ങൾ, ഹെൽമെററ്​ തുടങ്ങിയവകൂടി ഉപഭോക്​താക്കളുടെ ഇഷ്​ടാനുസരണം രൂപമാറ്റം വരുത്തികൊടുക്കാനാണ്​ റോയൽ എൻഫീൽഡ്​ തീരുമാനിച്ചിരിക്കുന്നത്​.

ഇത്തരത്തിലുള്ള ഹെൽമെറ്റിന് 3,200 രൂപയിലും ടി-ഷർട്ടുകൾക്ക് 1,250 രൂപയിലുമാണ്​ വില ആരംഭിക്കുന്നത്. ഓർഡർ നൽകി 15-30 ദിവസത്തിനുള്ളിൽ ഇവ ഉപഭോക്താക്കൾക്ക് കൈമാറും. റോയൽ എൻഫീൽഡ് മോട്ടോർ സൈക്കിൾ സ്വന്തമാക്കുന്ന അനുഭവം മെച്ചപ്പെടുത്തുന്നതിന്​ ഞങ്ങൾ 'മേക് ഇറ്റ് യുവർസ്' സംരംഭം വിപുലപ്പെടുത്തുകയാണെന്ന്​ റോയൽ എൻഫീൽഡ് സിഇഒ വിനോദ് കെ. ദസാരി പറഞ്ഞു. ഹെൽമെറ്റുകൾക്കായി 7,000 ഓപ്ഷനുകളാണ്​ റോയൽ എൻഫീൽഡ് വാഗ്ദാനം ചെയ്യുന്നു. ആകൃതി, നിറം, ഫാബ്രിക് ഓപ്ഷനുകൾ, ഗ്രാഫിക്സ് എന്നിവയിൽ നൂറുകണക്കിന്​ ചോയ്‌സുകൾ ലഭ്യമാക്കും.

ഹെൽമെറ്റിൽ ഒരാൾക്ക് ഇഷ്ടമുള്ള വാചകം എഴുതി ചേർക്കാനുള്ള ഓപ്ഷനുമുണ്ട്. 'ഞങ്ങളുടെ മോട്ടോർസൈക്കിളുകൾ വളരെക്കാലമായി 'സ്വയം പ്രകടിപ്പിക്കുന്നതിനുള്ള' ക്യാൻവാസാണ്. റൈഡർമാർക്ക് അവരുടെ മോട്ടോർ സൈക്കിളുകൾ പോലെ തന്നെ അവരുടെ വസ്ത്രവും മറ്റ്​ യാത്രാ ഉപകരണങ്ങളും ഇഷ്ടാനുസൃതമാക്കാനും വ്യക്തിഗതമാക്കാനുമുള്ള ഓപ്ഷൻ നൽകുന്നതിനാണ് 'മേക്ക്​ ഇറ്റ്​ യുവേഴ്​സ്​'-റോയൽ എൻഫീൽഡിന്‍റെ അപ്പാരൽ ബിസിനസ് ഹെഡ് പുനീത് സൂദ് പറഞ്ഞു.

ടി-ഷർട്ടുകളുമായി ബന്ധപ്പെട്ട് ഉപഭോക്താക്കൾക്ക് ടെക്സ്റ്റുകൾ, ഗ്രാഫിക്സ്, നിറങ്ങൾ എന്നിവയും അതിലേറെയും ഉപയോഗിച്ച് 15,000 ത്തിലധികം വ്യക്തിഗതമാക്കൽ ഓപ്ഷനുകൾ നൽകിയിട്ടുണ്ട്. വ്യത്യസ്ത നിറങ്ങൾ, ബാഡ്ജുകൾ, വൈവിധ്യമാർന്ന പ്രിന്‍റ്​ എന്നിവയും ചേർക്കാൻ കഴിയും. മോട്ടോർ സൈക്കിൾ നമ്പർ പ്ലേറ്റ് ഉൾപ്പെടെ 15 പ്രതീകങ്ങൾ വരെ വാചകം ചേർത്ത് പരീക്ഷിക്കാനും പുതിയ പദ്ധതി പ്രകാരം കഴിയും.