Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightHot Wheelschevron_rightAuto Newschevron_rightഒറ്റ ദിവസംകൊണ്ട്​...

ഒറ്റ ദിവസംകൊണ്ട്​ 1200 ബൈക്കുകൾ വിറ്റഴിച്ച്​ റോയൽ എൻഫീൽഡ്​

text_fields
bookmark_border
ഒറ്റ ദിവസംകൊണ്ട്​ 1200 ബൈക്കുകൾ വിറ്റഴിച്ച്​ റോയൽ എൻഫീൽഡ്​
cancel

ഒറ്റ ദിവസംകൊണ്ട്​ 1200 ബൈക്കുകൾ വിറ്റഴിച്ച്​ റോയൽ എൻഫീൽഡ്​. ദസറ ദിനത്തിൽ മുംബൈയിലാണ്​ 1200 ബൈക്കുകൾ വിറ്റഴിച്ചത്​​. ദസറ സീസണിൽ മഹാരാഷ്​ട്രയിലുടനീളം 3700 വാഹനങ്ങളും വിറ്റഴിച്ചിട്ടുണ്ട്​. സംസ്​ഥാനത്താകെ 92 ഡീലർഷിപ്പുകളാണ്​ റോയലിനുള്ളത്​. ഏറ്റവും കൂടുതൽ വിറ്റത്​ ക്ലാസിക് 350 ആണ്​. ബുള്ളറ്റ് 350, ഹിമാലയൻ, 650 ഇരട്ടകളായ ഇൻറർസെപ്​ടർ, കോണ്ടിനെൻറൽ ജിടി എന്നിവയും വിറ്റിട്ടുണ്ട്​. ഉത്സവ സീസണിൽ വളർച്ചയുടെ കാര്യത്തിൽ മുന്നേറ്റമുണ്ടായതായി എൻഫീൽഡ്​ അധികൃതർ അറിയിച്ചു.

കുറച്ച് മാസങ്ങളായി ബിസിനസ്സ് വീണ്ടെടുക്കലും വളർച്ചയും ഉറപ്പാക്കാൻ കഴിഞ്ഞതായും റോയൽ എൻഫീൽഡ് പറയുന്നു. പുതിയ ഉപഭോക്തൃ സംരംഭങ്ങളായ സർവീസ് ഓൺ വീൽസ്, കോൺടാക്റ്റ്ലെസ് പർച്ചേസ് ആൻറ്​ സർവീസ്, ഹോം ടെസ്റ്റ് റൈഡുകൾ, ഇ-പേയ്മെൻറ്​ ഓപ്ഷനുകൾ, സേവന സൗകര്യങ്ങൾ എന്നിവക്കും മികച്ച പ്രതികരണമാണ്​ ലഭിച്ചത്​.നിലവിൽ റോയൽ എൻഫീൽഡ് മുംബൈയിൽ മാത്രം 262 സർവീസ് ഓൺ വീൽസ് മോട്ടോർസൈക്കിളുകൾ വിന്യസിച്ചിട്ടുണ്ട്.

ഇന്ത്യ മൊത്തത്തിൽ 800 ഓളം മോട്ടോർസൈക്കിളുകൾ ഇപ്രകാരം പ്രവർത്തിക്കുന്നുണ്ട്​. ഉപഭോക്​താവ്​ ആവശ്യപ്പെടുന്ന ഇടങ്ങളിൽ എത്തി വാഹനം സർവീസ്​ ചെയ്​ത്​നൽകുന്ന സംവിധാനമാണ്​ സർവീസ് ഓൺ വീൽസ്. ഡിജിറ്റൽ സംരംഭങ്ങൾ റോയലിനെ എക്കാലത്തെയും ഉയർന്ന ബുക്കിങിന് സഹായിച്ചതായും സൂചനയുണ്ട്​.

Show Full Article
TAGS:Royal Enfield Dussehra Mumbai Classic 350 
Next Story