ഇതുവരെ കാണാത്ത റോൾസ്​; സ്​പെക്​ട്രയുടെ ടീസർ പുറത്തുവിട്ട്​ കമ്പനി, ആഗോള ഇ.വി യുദ്ധത്തിൽ പങ്കുചേർന്ന്​ ആഡംബര രാജാവും

ആഗോള ഇ.വി യുദ്ധത്തിൽനിന്ന്​ പിന്നോട്ടില്ലെന്ന ​പ്രഖ്യാപനവുമായി റോൾസ്​ റോയ്​സും. തങ്ങളുടെ ആദ്യത്തെ വൈദ്യുത വാഹനത്തി​െൻറ ടീസർ കമ്പനി പുറത്തുവിട്ടു. സ്​പെക്​ട്ര എന്ന്​ പേരിട്ടിരിക്കുന്ന കൂപ്പെ സെഡാനാകും റോൾസിനായി ആദ്യ ഇ.വി ദൗത്യം നിർവ്വഹിക്കുക. 2023 ഓടെ വാഹനം ഉത്​പ്പാദിപ്പിക്കാനാണ്​ കമ്പനി ലക്ഷ്യമിടുന്നത്​. 'ആർക്കിടെക്​ചർ ഓഫ് ലക്ഷ്വറി'എന്നാണ്​​ റോൾസ്​ സ്​പെക്​ട്രയുടെ ഇലക്​ട്രിക്​ പ്ലാറ്റ്​ഫോമിനെ വിളിക്കുന്നത്​.

മാതൃ കമ്പനിയായ ബി‌എം‌ഡബ്ല്യുവി​െൻറ പുതിയ ​െഎ 4, ​െഎ.എക്​സ്​ ഇ.വികളിലെ ക്ലസ്റ്റർ ആർക്കിടെക്​ചർ പ്ലാറ്റ്ഫോം ഉപയോഗിക്കുന്നതിനുപകരം, റോൾസ് റോയ്​സ്​ സ്വന്തം മോഡുലാർ ആർക്കിടെക്​ചർ ഓഫ് ലക്ഷ്വറി ആണ്​ സ്​പെക്​ട്രയിൽ നൽകിയിരിക്കുന്നത്​. നിലവിലുള്ള റെയ്​ത്​ കൂപ്പെയെ അടിസ്​ഥാനമാക്കിയാവും സ്​പെക്​ട്രയെ നിർമിക്കുക. വാഹനം പ്രോ​േട്ടാടൈപ്പും പിന്നിട്ട്​ പ്രൊഡക്ഷൻ സ്​പെകിലെത്തിയെന്നാണ്​ റോൾസ്​ അധികൃതർ പറയുന്നത്​.

കമ്പനി സഹസ്ഥാപകൻ ചാൾസ് റോൾസി​െൻറ പ്രശസ്​തമായ ഉദ്ധരണി പ്രോട്ടോടൈപ്പ് വാഹനത്തിൽ എഴുതിവച്ചിട്ടുണ്ട്​. 'നിങ്ങൾ ചെയ്യുന്ന എല്ലാ കാര്യങ്ങളിലും പൂർണതയ്ക്കായി പരിശ്രമിക്കുക. നിലവിലുള്ളതിൽ ഏറ്റവും മികച്ചതിനെ കൂടുതൽ മികച്ചതാക്കുക. നിലവിലില്ലെങ്കിൽ അത് രൂപകൽപ്പന ചെയ്യുക' എന്നാണ്​ വാഹനത്തിൽ എഴുതിയിരിക്കുന്നത്​. രണ്ട് വർഷത്തെ ടെസ്റ്റിങ്​ പ്രോഗ്രാമിനായി കാറുകളുടെ ഒരു ശ്രേണി നിർമിക്കാനും ഇത് ഏകദേശം 150 ദശലക്ഷം മൈലുകൾ ഒാടിച്ചുനോക്കാനുമാണ്​ കമ്പനി പദ്ധതിയിട്ടിരിക്കുന്നത്​. വരാനിരിക്കുന്ന ബിഎംഡബ്ല്യു ​െഎ.എസ്​ എം 60ലുള്ള 608എച്ച്​.പി ട്വിൻ മോട്ടോർ സിസ്റ്റം സ്​പെക്​ട്രയിൽ നൽകാൻ സാധ്യതയുണ്ട്​.