Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightHot Wheelschevron_rightAuto Newschevron_rightസർവീസിന്​ കൊണ്ടുവന്ന...

സർവീസിന്​ കൊണ്ടുവന്ന കാറിൽ പെരു​മ്പാമ്പ്​; വിളിക്കാത്ത അതിഥിയെകണ്ട്​ ഞെട്ടി ജീവനക്കാർ

text_fields
bookmark_border
സർവീസിന്​ കൊണ്ടുവന്ന കാറിൽ പെരു​മ്പാമ്പ്​; വിളിക്കാത്ത അതിഥിയെകണ്ട്​ ഞെട്ടി ജീവനക്കാർ
cancel

കൊച്ചി: കളമശ്ശേരി റെനോ ഷോറൂമിലെ ജീവനക്കാർ വിളിക്കാതെ തങ്ങളെ കാണാ​െനത്തിയ അതിഥിയെ കണ്ട ഞെട്ടലിലാണ്​. ഇവർ പതിവ്​ ജോലികളിൽ മുഴുകിയിരിക്കു​േമ്പാഴാണ്​ വാഴക്കാലിയിൽ നിന്നുള്ള കസ്​റ്റമർ ത​െൻറ റെനോ ലോഡ്​ജിയുമായി സർവീസിനെത്തുന്നത്​. ദിവസവും ധാരാളം വാഹനങ്ങൾ സർവീസിനും വർക്​ഷോപ്പിൽ റിപ്പയറിനുമായി വരുന്നതിനാൽ ആർക്കും പ്രത്യേകിച്ച്​ ഒന്നും തോന്നിയിരുന്നില്ല.

പതിവ്​ പരിശോധനകൾക്കായി ബോണറ്റ്​ തുറന്നപ്പോഴാണ്​ ആ ഞെട്ടിക്കുന്ന കാഴ്​ കണ്ടത്​. ബോണറ്റിനുള്ളിൽ അതാ ഒരു പെരുമ്പാമ്പ്​. എഞ്ചി​െൻറ ചൂടുപറ്റാതെ ഒരുവശത്തായി ഒതുങ്ങിയിരിക്കുയാണ്​ ടിയാൻ​. ഇതോടെ ഡീലർഷിപ്പിലെ മറ്റുള്ളവരും എത്തി. ആളുകൾ തടിച്ചുകൂടിയതോടെ കഥാനായകൻ പതിയെ ചുരുണ്ടുകൂടി. പെരുമ്പാമ്പായതിനാൽ വലിയ ഭയമൊന്നും തോന്നിയില്ലെന്ന്​ ജീവനക്കാർ പറയുന്നു.

കൂട്ടത്തിൽ അൽപ്പസ്വൽപ്പം പാമ്പിനെ കൈകാര്യം ചെയ്​ത്​ പരിചയമുള്ള ഒരു ജീവനക്കാരനും ഉണ്ടായിരുന്നു. ഇതിനിടെ ചിലർ കോടനാട്​ ഫോറസ്​റ്റ്​ സ്​റ്റേഷനിലും വിളിച്ച്​ കാര്യം പറഞ്ഞു. അവരുടെ നിർദേശപ്രകാരം ജീവനക്കാര​െൻറ നേതൃത്വത്തിൽ പാമ്പിനെ പിടിച്ച്​ ചാക്കിലാക്കുകയായിരുന്നു. വലിയ അനുസരണ​ക്കേടൊന്നും കാട്ടാതെ പാമ്പും ഒതുങ്ങിക്കൂടിയതോടെ കാര്യങ്ങൾ ശുഭകരമായി അവസാനിച്ചു. വൈകുന്നേരം ഫോറസ്​റ്റ്​ ഉദ്യോഗസ്​ഥരെത്തി പെരു​മ്പാമ്പിനെ കൊണ്ടുപോയി.

Show Full Article
TAGS:Renault Service Centre kochi Kalamassery snake in a car 
Next Story