Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightസുന്ദരൻ എസ്​.യു.വി,...

സുന്ദരൻ എസ്​.യു.വി, വെലാർ പരിഷ്​കരിച്ചു; ശക്​തമായ എഞ്ചിനും എയർ സ​സ്​പെൻഷനും പ്രത്യേകത

text_fields
bookmark_border
Range Rover Velar launched at Rs suv
cancel

ലോകത്തെ ഏറ്റവും ഭംഗിയുള്ള എസ്​.യു.വി എന്നറിയപ്പെടുന്ന റേഞ്ച്​റോവർ വെലാർ പരിഷ്​കരിച്ചു. അപ്‌ഡേറ്റുചെയ്‌ത ഇൻഫോടെയ്ൻമെൻറ്​ സിസ്റ്റം, കൂടുതൽ ശക്തമായ ഡീസൽ എഞ്ചിൻ, എയർ സസ്​പെൻഷൻ എന്നിവ ഉൾപ്പടെയാണ് വാഹനം പുറത്തിറങ്ങിയത്​.​ അപ്‌ഡേറ്റുചെയ്‌ത എസ്‌യുവിയുടെ വില 79.87-80.71ലക്ഷംവരെയാണ്​. ആർ-ഡൈനാമിക് എസ് ട്രിം ലെവലിൽ മാത്രമാണ്​ വെലാർ ഇന്ത്യയിൽ ലഭ്യമാവുക.


മാറ്റങ്ങൾ

വെലാറിലെ ശ്രദ്ധേയമായ മാറ്റം കൂടുതൽ ശക്തമായ ഡീസൽ എഞ്ചിനാണ്. 2.0 ലിറ്റർ, നാല് സിലിണ്ടർ എഞ്ചിൻ ഇപ്പോൾ 204 എച്ച്പി പുറത്തെടുക്കാൻ കഴിവുള്ളതാണ്​. നേരത്തേ ഇത്​ 180 എച്ച്പി ആയിരുന്നു. ടോർകിൽ മാറ്റമില്ല. 430 എൻഎം ടോർകാണ്​ വാഹനം ഉത്​പാദിപ്പിക്കുക. ഹൈബ്രിഡ് സാങ്കേതികവിദ്യയും പുതിയ യൂനിറ്റിലുണ്ട്. അതേസമയം പെട്രോൾ എഞ്ചിൻ 250 എച്ച്പി, 2.0 ലിറ്റർ ടർബോചാർജ്​ഡ്​ യൂനിറ്റാണ്. രണ്ട് എഞ്ചിനുകളും സ്റ്റാൻഡേർഡ്, ഓൾ-വീൽ ഡ്രൈവിൽ എട്ട്​ സ്പീഡ് ഓട്ടോമാറ്റിക് ഗിയർബോക്‌സുമായാണ്​ വരുന്നത്​.


ആഡംബര എസ്‌യുവിയുടെ ശ്രദ്ധേയമായ മറ്റൊരു മാറ്റം എയർ സസ്‌പെൻഷൻ ഉൾപ്പെടുത്തിയതാണ്​. ഇത്​ വാഹനത്തി​െൻറ സവാരി നിലവാരം മെച്ചപ്പെടുത്താൻ സഹായിക്കും. ഇൻറീരിയറിലേക്ക്​ വന്നാൽ വെലാർ ഇപ്പോൾ ജാഗ്വാർ ലാൻഡ് റോവറി​െൻറ ഏറ്റവും പുതിയ പിവി പ്രോ ഇൻഫോടെയ്ൻമെൻറ്​ സിസ്റ്റവുമായാണ്​ വരുന്നത്​. 360 ഡിഗ്രി ക്യാമറ, ആക്റ്റീവ് റോഡ് നോയ്​സ്​ കാൻസലേഷൻ, ക്യാബിൻ എയർ അയോണൈസേഷൻ തുടങ്ങിയവയാണ്​ മറ്റ്​ പ്രത്യേകതകൾ.

എതിരാളികൾ

എസ്‌യുവികളായ ജാഗ്വാർ എഫ്-പേസ്, മെഴ്‌സിഡസ് ജിഎൽഇ കൂപ്പെ, ബിഎംഡബ്ല്യു എക്‌സ് 6 എന്നിവയാണ്​ പുതുക്കിയ റേഞ്ച് റോവർ വെലാറി​െൻറ പ്രധാന എതിരാളികൾ. ഇവോക്ക്, ലാൻഡ് റോവർ ഡിസ്​കവറി സ്പോർട്​ എന്നിവയ്ക്ക് പുതിയതും കൂടുതൽ ശക്തവുമായ ഡീസൽ എഞ്ചിൻ നൽകുമെന്നും റേഞ്ച് റോവർ പറയുന്നു.

Show Full Article
TAGS:Range Rover Velar launched automobile 
Next Story