റേഞ്ച്​ റോവറുകളുടെ രാജാവ്​, സ്​പോർട്​​ എസ്​.വി.ആർ ഇന്ത്യയിൽ; വില 2.19 കോടി

ലോകത്തിലെ ഏറ്റവും കരു​േത്തറിയ എസ്​.യു.വികളിലൊന്ന്​ എന്ന്​ വിശേഷണമുള്ള റേഞ്ച്​റോവർ സ്​പോർട്​ എസ്​.വി.ആർ ഇന്ത്യയിൽ അവതരിപ്പിച്ചു. ലാൻഡ്​ റോവറി​െൻറ സ്​പെഷൽ ഒാപ്പറേഷൻ ഡിവിഷൻ നിർമിക്കുന്ന വാഹനത്തി​െൻറ വില 2.19 കോടി രൂപയാണ്​. ലാൻഡ്​ റോവറി​െൻറ ഏറ്റവും കരുത്തുള്ളതും വേഗതയുള്ളതുമായ എസ്​.യു.വിയാണ്​ സ്​പോർട്​ എസ്​.വി.ആർ. അഞ്ച്​ ലിറ്റർ വി8 പെട്രോൾ എഞ്ചിനാണ്​ വാഹനത്തിന്​ കരുത്തുപകരുന്നത്​. 575 എച്ച്​.പി കരുത്ത്​ എഞ്ചിൻ ഉത്​പാദിപ്പിക്കും. ഒാഡി ആർ.എസ്​ ക്യു 8, പോർഷെ കയേൻ ടർബോ തുടങ്ങിയ അതികായന്മാരാണ്​ എതിരാളികൾ.

മാറ്റങ്ങൾ

ബ്രേക്ക് കൂളിങ്​ മെച്ചപ്പെടുത്തുന്നതിന്​ രൂപകൽപ്പന ചെയ്‌തിരിക്കുന്ന വലിയ എയർ ഇൻടേക്കുകളുള്ള ഫ്രണ്ട് ബമ്പറാണ്​ വാഹനത്തിന്​. 2021 എസ്‌വി‌ആറിൽ അലോയ് വീലുകൾ‌ക്ക്​ പുതിയ ഡിസൈനാണുള്ളത്​. ടെയിൽ‌ഗേറ്റിൽ എസ്‌വി‌ആർ ബാഡ്​ജിങും ലഭിക്കും. സുഷിരങ്ങളുള്ള എസ്‌വി‌ആർ പെർഫോമൻസ് ഫ്രണ്ട് സീറ്റുകൾ, ഹെഡ് റെസ്​റ്റുകളിൽ എംബോസുചെയ്‌ത എസ്‌വി‌ആർ ലോഗോ, 825 വാട്​സ്​ 19-സ്പീക്കർ മെറിഡിയൻ സറൗണ്ട് സൗണ്ട് സിസ്റ്റം വിത്​ ഡ്യുവൽ-ചാനൽ സബ്‌വൂഫർ തുടങ്ങിയ പ്രത്യേകതകളുമുണ്ട്​.

ലാൻഡ് റോവർ, എസ്‌വി‌ആറി​െൻറ ഷാസിയിൽ മെച്ചപ്പെടുത്തലുകൾ വരുത്തിയിട്ടുണ്ട്​. അസാധാരണമായ ടേൺ-ഇൻ, മിഡ് കോർണർ ഗ്രിപ്പ്, ബോഡി കൺ‌ട്രോൾ എന്നിവ വാഹനം നൽകും. സസ്പെൻഷൻ ഡാമ്പിങ്​ ട്യൂൺ ചെയ്​തിട്ടുണ്ട്. പെർഫോമൻസ്​ ബ്രേക്ക് പാഡുകളും ഡിസ്​കുകളും ലഭിക്കും ഉയർന്ന താപനിലയിൽ മെച്ചപ്പെട്ട പ്രകടനം നൽകും.

എഞ്ചിൻ

5.21 ലിറ്റർ സൂപ്പർചാർജ്​ഡ്​ വി 8 പെട്രോൾ എഞ്ചിനാണ് വാഹനത്തി​െൻറ കരുത്ത്. 575 എച്ച്പി, 700 എൻഎം ടോർക്ക് എന്നിവ ഉത്പാദിപ്പിക്കും. 4.5 സെക്കൻഡിൽ 0-100 കിലോമീറ്റർ വേഗതയിൽ എത്തിക്കാൻ എഞ്ചിന്​ കഴിയും. എട്ട് സ്പീഡ് ടോർക്​ കൺവെർട്ടർ ഓട്ടോമാറ്റിക് ഗിയർബോക്​സ്​ വഴി നാല് ചക്രങ്ങളിലേക്കും പവർ നൽകാനാവും. സിബിയു വഴി ഇന്ത്യയിലേക്ക് കൊണ്ടുവരുന്ന വാഹനത്തി​െൻറ പ്രധാന എതിരാളികളിൽ ബി‌എം‌ഡബ്ല്യു എക്സ് 5 എമ്മും ഉൾപ്പെടും.