Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Newschevron_rightഒറ്റ ചാർജിൽ 1210...

ഒറ്റ ചാർജിൽ 1210 കിലോമീറ്റർ​; പരിധിയില്ലാത്ത റേഞ്ച് നേടി ടെസ്​ല മോഡൽ എസ്​​

text_fields
bookmark_border
Prototype Battery Powers Tesla Model S For 752 Miles On One Charge
cancel

ഇലക്​ട്രിക്​ വാഹന നിർമാതാക്കളുടെ മുന്നിലുള്ള ഏറ്റവുംവലിയ വെല്ലുവിളി റേഞ്ച്​ അഥവാ പരിധിയാണ്​. ഒരുതവണ പൂർണമായി ചാർജ്​ ചെയ്​താൽ ഒരു വാഹനം സഞ്ചരിക്കുന്ന ദൂരമാണ്​ പരിധി എന്നതുകൊണ്ട്​ ഉദ്ദേശിക്കുന്നത്​. വൈദ്യുത വാഹനങ്ങളുടെ കാര്യത്തിൽ ആളുകൾ ഇപ്പോഴും സംശയത്തോടെ നോക്കുന്നത് കിലോമീറ്റർ റേഞ്ച് കണക്കുകളിലേക്കാണ്. പല​പ്പോഴും നിർമാതാക്കൾ വാഗ്​ദാനം ചെയ്യുന്ന റേഞ്ച്​ ഒരിക്കലും ഇ.വികൾക്ക്​ ലഭിക്കാറുമില്ല. ടെസ്റ്റിങ് സാഹചര്യങ്ങളിൽ നിന്ന് റിയൽ ലൈഫ് സാഹചര്യങ്ങളിലേക്ക് എത്തു​േമ്പാൾ 30 ശതമാനത്തി​െൻറയെങ്കിലും കുറവ്​ റേഞ്ചിൽ സംഭവിക്കുന്നുണ്ട്​.


ഈ സാഹചര്യത്തിലാണ്​ അമേരിക്കയിലെ ഡെട്രോയിറ്റ്​ കേന്ദ്രമാക്കി പ്രവർത്തിക്കുന്ന 'അവർ നെക്സ്റ്റ് എനർജി' (ONE) എന്ന അമേരിക്കൻ കമ്പനി പുതിയൊരു പരീക്ഷണം നടത്തുന്നത്​. കഴിഞ്ഞ വർഷം സ്ഥാപിതമായ കമ്പനി പുതിയൊരു ബാറ്ററി വികസിപ്പിച്ചിരിക്കുകയാണ്​. ജെമ്​നി എന്ന് പേരിട്ടിരിക്കുന്ന ബാറ്ററി ഘടിപ്പിച്ച് ടെസ്‌ല മോ‍ഡൽ എസിൽ നടത്തിയ പരീക്ഷണയോട്ടത്തിൽ ഒറ്റ ചാർജിൽ 1210 കിലോമീറ്റർ റേഞ്ച്​ കിട്ടിയെന്നാണ്​ വൺ അധികൃതർ പറയുന്നത്​. ഡിസംബറിൽ നടന്ന പരീക്ഷണയോട്ടത്തിൽ ശരാശരി 88 കിലോമീറ്റർ വേഗത്തിലാണ് വാഹനം സഞ്ചരിച്ചത്​.


നിലവിലെ ബാറ്ററികളെക്കാൾ ഇരട്ടി കാര്യക്ഷമതയുള്ളതാണ്​ ജെംനി. കൂടുതൽ പരീക്ഷണങ്ങൾ നടത്തിയതിന് ശേഷം അടുത്ത വർഷം ബാറ്ററി വിപണിയിൽ ഇറക്കാനാണ്​ കമ്പനി ലക്ഷ്യമിടുന്നത്​. മോഡൽ എസിൽ നടത്തിയ പരീക്ഷണത്തിൽ റിയൽ ​േവൾഡ്​ ടെസ്​റ്റിലാണ്​ ഇൗ റേഞ്ച്​ ലഭിച്ചതെന്നതും എടുത്തുപറയേണ്ടതാണ്​.

ഉയർന്ന സഞ്ചാര പരിധി, ഉയർന്ന വേഗത്തിലുള്ള ഡ്രൈവിങ്, പ്രതികൂല കാലാവസ്ഥ, റോഡ് സാഹചര്യങ്ങള്‍ എന്നിവ മൂലമുണ്ടാകുന്ന റേഞ്ച് നഷ്ടം ഇല്ലാതാക്കുകയാണ്​ കമ്പനി ചെയ്​തിരിക്കുന്നത്​. ഇ.വികളുടെ പരീക്ഷണഘട്ടത്തിലെ നിർണായകമായ സംഭവം എന്നാണ്​ വാഹന വിദഗ്​ധർ പറയുന്നത്​.


Show Full Article
TAGS:Tesla Model S Battery one 
Next Story