Begin typing your search above and press return to search.
exit_to_app
exit_to_app
ടാറ്റ ആൾട്രോസിന്​ അവിശ്വസനീയ കുതിപ്പ്​; 18 ശതമാനം മാർക്കറ്റ്​ ഷെയർ
cancel
Homechevron_rightHot Wheelschevron_rightAuto Newschevron_rightടാറ്റ ആൾട്രോസിന്​...

ടാറ്റ ആൾട്രോസിന്​ അവിശ്വസനീയ കുതിപ്പ്​; 18 ശതമാനം മാർക്കറ്റ്​ ഷെയർ

text_fields
bookmark_border

പ്രീമിയം ഹാച്ച്​ബാക്ക്​ വിഭാഗത്തിൽ ഗോൾഡ്​ സ്​റ്റേ​ൻഡേർഡ്​ സൃഷ്​ടിച്ച ടാറ്റ ആൾട്രോസ്​ വിൽപ്പനയിലും കുതിക്കുന്നു. ഒാഗസ്​റ്റിലെ വിൽപ്പന കണക്കുകൾ പുറത്തുവന്നപ്പോൾ 18 ശതമാനം മാർക്കറ്റ്​ ഷെയറുമായി ആൾട്രോസ്​ മുന്നാമതാണ്​. ഇൗ വിഭാഗത്തിലെ പരമ്പരാഗതക്കാരും അതികായരുമായ മാരുതി ബലേനോയും ഹ്യൂണ്ടായ്​ ​എലൈറ്റ് െഎ 20യുമാണ്​ ഒന്നും രണ്ടും സ്​ഥാനങ്ങളിൽ.


ബലേനൊ ബഹുദൂരം മുന്നിൽ

2020 ഓഗസ്റ്റിൽ ബലേനോയുടെ 10,742 യൂനിറ്റുകൾ മാരുതി വിറ്റു. കഴിഞ്ഞ വർഷം ഇതേ കാലയളവിൽ 11,067 വാഹനങ്ങൾ വിറ്റഴിച്ചിരുന്നു. കഴിഞ്ഞ മാസം പതിനായിരം വാഹനങ്ങൾ വിറ്റ ഒരേയൊരു കമ്പനി മാരുതിയാണ്​. ഹ്യൂണ്ടായ് എലൈറ്റ് ഐ 20 രണ്ടാം സ്ഥാനത്ത് എത്തി. 7,765 യൂണിറ്റുകളാണ്​ ഹ്യുണ്ടായ്​ വിറ്റത്​. കഴിഞ്ഞ വർഷം ഇതേ കാലയളവിൽ 7,071 യൂണിറ്റുകൾ വിറ്റഴിച്ച എലൈറ്റ് ഐ 20ക്ക്​ 10 ശതമാനം വളർച്ചയുണ്ട്​. പുതിയ തലമുറ ഐ 20 വിപണിയിൽ എത്തുമ്പോൾ വിൽപ്പന ഇനിയും വർദ്ധിക്കുമെന്നാണ് പ്രതീക്ഷിക്കപ്പെടുന്നത്. പുതിയ ഐ 20 മോഡൽ അടുത്ത മാസം വിപണിയിലെത്തുമെന്നാണ്​ സൂചന.


ആൾട്രോസിന്​ കുതിപ്പ്​

വിൽപ്പനയിൽ മൂന്നാമതാണെങ്കിലും ടാറ്റ ആൾ‌ട്രോസിന് മികച്ച പ്രതികരണമാണ്​ ലഭിക്കുന്നത്​. ഈ വർഷം ജനുവരിയിലാണ്​ ആൾട്രോസ്​ വിൽപ്പന പട്ടികയിൽ ആദ്യമായി ഇടംപിടിക്കുന്നത്​.‌ ഓഗസ്റ്റിൽ 4,951 യൂനിറ്റുകൾ വിറ്റഴിക്കാൻ ടാറ്റക്കായി. പട്ടികയി​ലെ ആദ്യ മൂന്ന്​ പേരുകാരിൽ ഡീസൽ എഞ്ചിൻ വാഗ്ദാനം ചെയ്യുന്ന ​ഒരേയൊരു വാഹനമാണ്​ ആൾട്രോസ്. ബലേനോയും ഐ 20 ഉം പെട്രോൾ എഞ്ചിൻ ഓപ്ഷനുകൾ മാത്രമാണ് വാഗ്ദാനം ചെയ്യുന്നത്. 1,418 യൂണിറ്റുകൾ വിറ്റ ടൊയോട്ട ഗ്ലാൻസ നാലാം സ്ഥാനത്താണ്. 2019 ഓഗസ്റ്റുമായി താരതമ്യം ചെയ്യുമ്പോൾ ഗ്ലാൻസ വിലപ്പന 39 ശതമാനം കുറഞ്ഞിട്ടുണ്ട്​. പോളോ, ഫ്രീസ്​റ്റൈൽ,ജാസ്​ എന്നീ വാഹനങ്ങളാണ്​ അവസാനസ്​ഥാനങ്ങളിൽ എത്തിയത്​.


Latest Video:

:
Show Full Article
TAGS:Tata Altroz Premium Hatch Sales Aug 2020 tata motors automobile 
Next Story