മലിനീകരണ നിയന്ത്രണ സർട്ടിഫിക്കറ്റ് ഇല്ലാത്തവർ കുടുങ്ങും; 10,000 രൂപ പിഴ ചുമത്താനും തീരുമാനം
text_fields
മലിനീകരണ നിയന്ത്രണ സര്‍ട്ടിഫിക്കറ്റുകളില്ലാത്ത (പി.യു.സി.) വാഹന ഉടമകള്‍ക്കെതിരേ നടപടിക്ക് ഡല്‍ഹി സര്‍ക്കാര്‍. ഉടമകളുടെ വീടുകളിലേക്ക് നോട്ടീസ് അയക്കാനും. തുടര്‍ന്നും സര്‍ട്ടിഫിക്കറ്റുകള്‍ ഹാജരാക്കാത്തവര്‍ക്ക് 10,000 രൂപ പിഴ ചുമത്താനും അധികൃതര്‍ തീരുമാനിച്ചു. പി.യു.സി. സര്‍ട്ടിഫിക്കറ്റുകളില്ലാത്ത വാഹനങ്ങള്‍ നഗരത്തില്‍ ഓടുന്നില്ലെന്ന് ഉറപ്പാക്കാന്‍ പരിശോധനകളും ഊര്‍ജിതമാക്കും.
ഡൽഹി സർക്കാരിന്റെ ഗതാഗത വകുപ്പിൽ ലഭ്യമായ കണക്കുകൾ പ്രകാരം, 17.3 ലക്ഷത്തിലധികം വാഹനങ്ങൾ, പ്രാധാനമായും ഇരുചക്രവാഹനങ്ങൾ (14.6 ലക്ഷം) മലിനീകരണ പരിശോധനകൾ തീർപ്പുകൽപ്പിക്കാതെ കിടക്കുന്നുണ്ട്. ഡൽഹിയിലെ എല്ലാ വാഹന ഉടമകളോടും അവരവരുടെ വാഹനങ്ങൾക്ക് സാധുതയുള്ള സർട്ടിഫിക്കറ്റ് ലഭ്യമാക്കണമെന്ന് അഭ്യർഥിച്ച് വകുപ്പ് അടുത്തിടെ ഒരു പൊതു അറിയിപ്പ് നൽകിയിരുന്നു. പി‌യു‌സി‌സി കൈവശം വച്ചില്ലെങ്കിൽ മൂന്ന് മാസം വരെ തടവോ 10,000 രൂപ വരെ പിഴയോ അല്ലെങ്കിൽ രണ്ടും കൂടിയോ ലഭിക്കുമെന്ന് വകുപ്പ് അറിയിച്ചു. അത്തരം വാഹന ഉടമകൾക്ക് മൂന്ന് മാസത്തേക്ക് ലൈസൻസ് കൈവശം വയ്ക്കാൻ അയോഗ്യരാക്കുമെന്നും അത് കൂട്ടിച്ചേർത്തു.
കഴിഞ്ഞ പി.യു.സി. മാനദണ്ഡം കര്‍ശനമായി നടപ്പാക്കിയതിനാല്‍ വര്‍ഷം ഗതാഗത വകുപ്പ് 60 ലക്ഷത്തിലധികം സര്‍ട്ടിഫിക്കറ്റുകള്‍ വിതരണം ചെയ്തതായി അധികൃതര്‍ പറഞ്ഞു.
സർട്ടിഫിക്കറ്റ് ഇല്ലാത്തവരെ കണ്ടെത്തുന്നതുവഴി, വിശ്വാസ്യത മെച്ചപ്പെടുമെന്നും മലിനീകരണം ഉണ്ടാക്കുന്ന വാഹനങ്ങളെ തിരിച്ചറിയാനാകുമെന്നും ഉദ്യോഗസ്ഥര്‍ പറഞ്ഞു. സര്‍ട്ടിഫിക്കറ്റ് ഇല്ലാതെ പിടിക്കപ്പെട്ടാല്‍, മോട്ടോര്‍ വാഹന നിയമപ്രകാരം ആറുമാസം വരെ തടവോ 10,000 രൂപവരെ പിഴയോ അല്ലെങ്കില്‍ രണ്ടും കൂടിയോ അനുഭവിക്കാവുന്നതാണ്. കാര്‍ബണ്‍ മോണോക്‌സൈഡ്, കാര്‍ബണ്‍ ഡൈ ഓക്‌സൈഡ് എന്നിങ്ങനെ വിവിധ വാതകങ്ങള്‍ പുറന്തള്ളുന്നതിനാല്‍ ഇടയ്ക്കിടെ പരിശോധിക്കണം.
'ഞങ്ങളുടെ ഡാറ്റ അനുസരിച്ച്, മലിനീകരണ പരിശോധനകൾ തീർപ്പാക്കാത്ത വാഹനങ്ങളുടെ എണ്ണം ഏകദേശം 17 ലക്ഷമാണ്. എന്നാൽ മറ്റ് സംസ്ഥാനങ്ങളിൽ സ്ക്രാപ്പ് ചെയ്യപ്പെടുകയോ വിൽക്കുകയോ ചെയ്തേക്കാവുന്ന നിരവധി പഴയ വാഹനങ്ങളും ഇതിൽ ഉൾപ്പെടുന്നു. ഇത് രേഖകളുടെ അപ്‌ഡേറ്റിൽ സ്വാധീനം ചെലുത്തുകയും ചില വ്യതിയാനങ്ങൾ ഉണ്ടാകുകയും ചെയ്യും'-ജോയിന്റ് കമ്മീഷണർ (എൻഫോഴ്‌സ്‌മെന്റ്) നവ്‌ലേന്ദ്ര കുമാർ സിംഗ് പറഞ്ഞു.